La Usc di Ladins

Ara é indô tan inant: do la palsa da d’isté mët man i campionac dles gran scuadres tles categories amato­riales. Ince la Val Badia sará indô ala pert, en chësc altonn cun na gran assënza: la scuadra dla US La Val ne n’é nia plü ala pert. Valgügn de sü sogadus á ciafé n post tles atres scuadres, sciöche p.ej. te chëra dl Mareo B, che an á tut la dezijiun da batié cun Mareo/La Val, por alzé fora la buna colaboraziun. Insciö arán tla terza categoria ma plü döes scuadres: le ASC Mareo/La Val y le ACD Val Badia. Chëstes se incunta bele tla pröma partida de campionat por le derby ladin, en sabeda al 31 d’agost dales 16:30, sön le ciamp da Ciamaor a Al Plan. L’atra gran scuadra te ciamp é spo le Mareo tla pröma categoria, che sogará la pröma partida de campionat en domënia al 1. de setëmber dales 15:30, ince te ciasa a Al Plan, cuntra Milland. A dötes les scuadres n bun campionat.












 (pablo)