La Usc di Ladins

Deberieda cun Júlía Sylvía Gun­narsdóttir fajerà l atlet Manuel Piazza garejedes de jadiné. Piazza ie de Urtijëi, ma viv, studieia y se alenea bele dal 2017 incà a Bergamo tl »Center of Excellence IceLab«. Chësc zënter de jadiné fej pert di set miëures dl mond y ie l unich a livel europeich che ie spezialisà tl jadiné a pèr.

Manuel à arjont ti ani passei de­berieda cun la colega da dant venciù truep y arjont de bon plazamënc de valor, coche l terzo post pra i Cam­piunac Talians 2024. I à venciù set bedaies nternaziuneles, danter chisc l arjënt pra la »John Nicks Pairs Challenge« de New York.
Chëst ann d'ansciuda ie fineda la cunlaurazion cun Anna Valesia, nscila àn scumencià a crì n'atleta nueva. Davia che l team talian ne à deguna atleta adateda, iel unì cris te d'autri paejes, y l ie nscila unì cris ora la jadinadëssa Júlía Sylvía Gun­narsdóttir. Julia à 19 ani y ie de Reykjavík, na jadinadëssa singula cun na bona tecnica ti sauc. L prim iede ài scumencià a jadiné deberieda a Bergamo. L pèr reprejenterà l'Islan­ da pra garejedes nternaziuneles.

L ubietif dla sajon sarà chël de ar­jonjer i ponc aldò per pudëi fé pea pra i Campinac Europeics a Tallin.

USC