La Usc di Ladins

Vendres 6 e sabeda ai 7 de otobre, d’outon che vien, in Anpezo sarà un gran convegno nazional, par pensà sora a i zento ane da canche i à spartì i Ladis in tre provinzies, de doa rejos. Par in saé depì de chesto convegno »1923 – 2023 - I Ladis: ‘na tacia de color – a zento ane da ra spartizion, cemodo śone inaante«, par fei saé ignante algo de chel che sarà dito, i presidentes e i diretore de i tre istitute de cultura ladina de Badia, Col e Fascia, Micurà de Ru, Cesa de Jan e Majon di Fascegn, i à ciamà i jornalistes śoiba ai 29 de śugno. L é masa tarde par ve contà su chesta gaseta, de sta setemana, che r’é beleche stanpada. Coscita vedaron de ve contà polito su La Usc di Ladins de ra setemana che vien. Inalora ve parlaron anche de el di par ra unità de i Ladis, che el toma ogni an ai 14 de luio, e che sto an i fajarà in Anpezo, de ‘l dapò disnà de chel vendres.