La Usc di Ladins

Dassen na gran ciacolona l’é la influencer Alice De Bortoli. L’aon scontrèda endèna na dì de soreie ta Cianacei en ocajion del My Idol Summer Camp, endrezà en colaborazion con la Union Hotels Canazei. La joena trevigiana l’à demò 16 egn, ma su sie canal prinzipal Instagram la conta più che un milion e mez de followers. Alice l’à arjont l suzess anter i joegn de gra a sia partezipazion al program televijif de Rai 2 »Il Collegio 3«. Te sie video de prejentazion la desmostra con gran e forta determinazion sia volontà de dir semper la sia, de didèr i etres e de esser semper al zenter de l’atenzion.
Ela la é n muie solara: per sie followers l’é n gran ejempie e la se sproa de passèr de bie valores. A ciacolèr con ela, se capesc sobito sia umanità: »da ogne persona se pel semper emparèr zeche – la ne disc - ogne persona la é sul medemo livel per me«.

Podede troèr l'intervista entrìa su La Usc 31 de vender ai 7 de aost  (Nicoletta Riz)