La Usc di Ladins

Da pech l é tacà ite sun Radio Studio Record na neva trasmiscion. L’à inom »Waypoint – Passa da chiò«, n podcast che se ouc en particolèr a duc i joegn che é do che fenesc la scola auta e amò no i sà co jir inant con sie percors de vita. Proprio per didèr i joegn a se deschiarir la idees sun sie davegnir, Daniele Chiocchetti e Mattia Valentini, clasc 2005 e 2003, à dezidù de meter a la leta de si conscric na lingia de 14 puntates. Chesta trasmiscions ge darà ousc a chi che à jà passà via sie »Waypoint«, sie crousdevia, che i metarà dant prospetives, cruzies e episodies personèi. Donca oujes de neo universitères, de chi che à jà tacà ite a lurèr, de studenc laureé da pech che, vidé dai doi speaker fascegn, darà sie pont de veduda su la desvaliva strèdes da poder tor. Chesta trasmiscions no vel dèr soluzions ma esser n didament per chi che se troa belapontin a la fin de la scola auta.

De più su La Usc stampèda de en vender ai 15 de dezember.