La Usc di Ladins

»Esser de cèsa no vel dir demò stèr te n post, vel dir saer se fèr ite, cognoscer e aprijièr i valores de chel teritorie, chierir de entener la storia, de meter reijes, de respetèr l ambient. No l é demò na costion de geografia, ma de cultura, identità e partegnuda.«

Chesta paroles de Sara Nicolini, pedagogista de la Coprativa sozièla La Coccinella, fèsc entener sobito la vida de pissèr e de fèr de chesta Coprativa sozièla de la Val de Non che de otober del an passà, canche zacan Fascia à podù aer na coa di picioi, la é stata cernuda per tor su sia gestion.

Tel prum cedean, La Coccinella no l à demò podù meter dant n bilanz dassen positif de chisc prumes 12 meisc de atività, ma l’à pissà de endrezèr n workshop formatif che à fat ruèr te Fascia operadores educatives da duta la Tèlia: da la Sardegna a Persenon, da Salerno a la Liguria, col zil de ge fèr cognoscer no demò la Coa di fantolins de Soraga, ma ence l’dentità e l teritorie de Fascia, e n model educatif che conjobia natura, cultura, identità e pedagogia te n percors che domana empegn e dedizion, e che pel esser de ejempie per tropes. 

De più su La Usc stampèda de en jebia ai 31 de otober.  (Lucia Gross)