La Usc di Ladins

Ai 22 de utober 2024, plu de cater mënsc do l’ultima ancunteda dla grupa de lëur, à i Chemuns de Santa Cristina y Ciastel publicà sun si plata i documënc che reverda l’ancun­tedes. Dai documënc pòssen liejer ora, che la grupa de lëur numineda dai Chemuns de Santa Cristina y Ciastel – de chëla che l fajova pert de plu reprejentanc di Chemuns de Gherdëina, Laion y Ciastel, dl turism, dla lies ambientalistes, di paures ma nce dla furnadoies – à n maiuranza tëut posizion per fé su na furnadoia che cunliessa Sautaria cun Pana. 

Ti documënc publichei sun la plates web di Chemuns, pòssen liejer do chi che à tëut pert ala ancuntedes, de cie che l ie unì rujenà, ciun proiec che ie unìi prejentei dai sustenidëures de na furnadoia, ma nce numeri n cont di cunliamënc cun la curieres y vel’relazion de esperc de ciamps desvalives.

I zitadins y la zitadines, coche scrit tla relazion finela, à śën la puscibltà de tò posizion y de dé ju si cunsci­drazions, ti scrijan ai Chemuns de Santa Cristina o Ciastel nchin ai 6 de nuvëmber dl 2024.

Elisabeth Kostner

L articul tla edizion atuela de La Usc di Ladins.