La Usc di Ladins

En vëndres ai 13 d’otober s’á desfiré en previjiun dles lites di 22 d’otober tl zënter jonil y cultural SaJ a La Ila l’incuntada cun i candidac y les candidades ladines ales lites provin­ ziales. Te na sëra dedicada ala jonëza él gnü baié de deplü tematiches importantes: sciöche trá ite i jogn tla politica y i incorajé da se dé jö y se porté ite ativamënter, la chestiun dl frabiché y di prisc cotan alc te nüsc raiuns, le turism y de ci vers jí por che la valada devëntes plü vivibla por les porsones jones.

Daurí s’á la serada d’informaziun cun le salüt porté da Felix Nagler, mëmber dla Consulta provinziala dla Jonëza, che te na colaboraziun cun le Sorvisc ai Jogn dla Val Badia y la Nëus Jëuni Gherdëina, á daidé organisé les döes incuntades cun i candidac, de chëres che la pröma s’â tigní en jöbia ai 5 d’otober te Gherdëna. Felix Nagler á sotrissé l’importanza dl lité, recordan che mëte la crusc ai 22 d’otober n’é nia na cossa da tó ala lisiera y che chësta discusciun dess i dé la posciblité al publich, suradöt ala jonëza, presënta tenpicenumer,dasefánaideaa che ti dé crëta.


Liede inant tla ediziun nöia di 20 d'otober !