La Usc di Ladins

Pro les gran incuntades di iagri toca zënzater le de dl sport da d’invern, olache al röia adöm ann por ann iagres y iagri da döta la provinzia. En chësc ann él sté la Uniun di Iagri da San Martin de Tor che á surantut da mëte en pe l’evënt, desmostran n iade implü che l’uniun fej la forza. Al é gnü metü en pe na bela gara, festa y aurela cörta, en colaboraziun cun la Lia dla Ciacia de Südtirol, le "Südtiroler Jagdverband". I iagri â da se mosoré te trëi disciplines: liösa, schi y pels. Chi dai schi s’á mosoré sön la pista d’Antermëia, chi dala liösa s’á araité sön la pista da Börz cina Pe de Börz, chi dales pels é piá da Pe de Börz demez cina sön Chi Jus. L’invit di iagri da San Martin á albü n gran suzes, tan che al é rové alerch bëgn 190 iagres y iagri.

I plü asvelc dla gara y les classifiches do categoria ciafëise t’La Usc di Ladins di 22 de merz