La Usc di Ladins

I reporton l post (metù tl ladin) che Andrea Franceschi à publiché sun sia plata Facebook:
<Espanjion di raions industriai? Scì, per auzé i posć de laour. Realisazion de ressorts turistics nuefs? Sci, per auzé i posć de laour. Smart road, Unejia/Minca, implanc sportifs faraonics? Samben sci, tres per les medemes motivazions, pil y posć de laour.
Ie me teme che i cefs aratés pensanc (?) de nost teritore é tl laour da dé les dertes respostes a les domandes faledes, sciche sce ai foss restés indò de 30 agn y ne foss nia a l’auteza da cueie chel che é tl laour da suzede a dann dl teritore beluneis.
Al ne mancia nia i posć de laour, ajache les industries chier personal, i artejans chier personal, i hotiei, i bars, i restoranc chier personal, les sozietés de trasport chier personal, i impianc portamont chier personal, i enc publics chier personal. Duc é tl laour da cherì personal.
Tl beluneis ne màncel nia l laour, al mancia les persones! Y les persones mancia ajache al é rie da la motivé a vive te n teritore olache al ai scluj les scoles, olache te injomes per na vijita medica scempla mez l di, olache al mancia i dotours de basa, olache al n’é nia dant man na politica abitativa a ben di joegn y dles families. Per salvé la mont vàl besegn da zede da la conscideré l parch juesc dla planura y al é ora da mete man da pensé a la jent che abiteia ilò.>