La Usc di Ladins

En jebia ai 28 de messèl tel tendon de la manifestazions de Poza l é stat endrezà la seconda edizion de la »Picola Festa ta Mont« metuda a jir da la sociazion »La Formia«, l grop de parenc de joegn e joenes che no pel per se, che se à metù ensema te chesta sociazion jà a la fin del 2014. 

Chesta realtà se dèsc ju per endrezèr scomenzadives al ben de chisc joegn e per tor su bonamans che posse esser de utol tel sozièl. Do la clausura per via del Covid, chest an i se à pissà che fossa endò stat bel endrezèr la festa te val de Sèn Nicolò, descheche l era stat fat con la pruma edizion, per duc i joegn, la joenes, i operatores e i volontères del Zenter Anffas e del Laboratorie sozièl apede ai sozi de La Formia. Ta Mont Betty e Lino Detomas dal Ansol aessa metù a la leta sia ciajaa per na bela giornèda de festa duc ensema. Purampò la previjions del temp en chel dì no dajea nia da bon e coscita tinultima l é stat dezidù che fossa stat più segur restèr te paisc.

De più su La Usc stampèda de vender ai 19 de aost.  (Monica Cigolla)