L’Ega de San Ví dá bele do

Data

21 de agost 2022

Galaria retrac

Grandeza scritura

Social

La pücia nëi dl ultim invern se lascia sintí ince pro l’Ega de San Ví a Al Plan

Chël dl’Ega de San Vi é n bel fenomen che an pó osservé daite d’Al Plan. Al é na ega che vëgn de regola a löm pro les fontanes de Fodara Masaronn incër i 15 de jügn (festa de San Vi) y rogor spo mëisc alalungia, cina novëmber/dezëmber, ti mius agn pól gní cinamai jená. Al é sozedü n iade su che l’ega é stada fora daldöt. Chël ê l’ann 1976. Mo ince iniann s’un intënon dassënn dla ciarestia de nëi sö alalt. L’Ega de San Vi é gnüda dolarata puntuala: ai 17 de jügn podôn la odëi rogore sön döta la lunghëza. Les fontanes n’é indere nia spo rovades a süa portada plëna, sciöche ara ê de regola i atri agn. Atramënter: l’ega á bele metü man da dé do, tan che ai 10 d’agost da doman êl bele n toch de rü indô assöt. Mancianza de nëi, cialduns y sëciores se lascia adintëne ince insciö.

(pablo)

Galaria retrac

Le tru da jí a pe y le let dl rü assöt, olache al messass pordërt passé sëgn d’isté l’Ega de San Vi.

View the embedded image gallery online at:
https://www.lausc.it/valedes-ladines/val-badia/20674-l-ega-de-san-vi-da-bele-do#sigProId86c33ebb9c

Derevers su insom

La Usc di Ladins

Plata dla Union Generela di Ladins dla Dolomites
06.01.2025 www.lausc.it