La Usc di Ladins

Les tëmples che stá sura la strada dla Val Badia é dassënn en malester por gauja de lëgns püri y lëgns tomá, che devënta tres plü gonot n prigo por la statala 244 che passa sot ite. Tla fin dl’edema gnarál porchël fat de maius laurs da taié lëgns, danter Longega y Picolin, dal km 10 cina al 13,5. Por podëi i fá cun pêsc y segurté, gnará la strada stlüta daldöt al trafich, plü avisa chësta sabeda ai 15 y en domënia ai 16 d’aurí, dagnora dales 8 da doman cina ales 18:15. Le trafich lisier cun mesi cina 3,5 t de pëis podará passé sön la strada danter Rina y Antermëia, por le trafich pesoch sura les 3,5 t n’él preodü degüna deviaziun söl post. Fora di orars suradic sará la strada daverta. (pablo)

© Foto strada y bosch: Peter Videsott