La Usc di Ladins

En sabeda sëra ai 3 de dezëmber él gnü porté dant sön la paladina dl "Astra Kino" a Porsenú la pröma ediziun dl podcast "Ladin Pop – Usc jones rejona". N proiet de Nadia Rungger y Nadia Moling, döes jones che ne partësc nia ma l’inom, mo ince tröc interesc personai. Adöm y singolarmënter se áres dé jö cun temesc liá ala cultura, al’ert o ala leteratöra, sides tratan i agn de stüde co ince dedô o deperpo tl monn dl laur. Ares ti dá lerch dantadöt ala chestiun dl ester ladins y ladines y ales desfides che chësc comporta pornanche an vá fora di confins linguistics y an se dá jö cun d’atri lingac o vir te d’atri ambiënc. Chësc podcast dess ester n post davert ales discusciuns, olache porsones pó porté ite y partí so savëi, süa esperiënza y dantadöt so punt de odüda sön tematiches desvalies. Na particolarité de chësc proiet é dessigü ince le lingaz; teco vëgnel baié por todësch por amplié la rai de chi che pó ascuté sö y por fá conësce les usc jones ladines y ci che ares á da dí ince fora de nostes valades.

Deplü sön chësta serada particolara podëise lí t’La Usc di Ladins di 9 de dezëmber  (Lucia Piccolruaz)