L é alarm per la Marmolèda, desche per tropes etres giacees de la Èlpes. A uzèr fora na situazion oramai zenza speranzes, confermèda dai dac scientifics, l é stat Legambiente, che apontin sul giacé dolomitich à serà su la 5^ edizion de sia campagna ‘Carovana di giacees 2024’, adum con CIPRA Italia e ensema col Comitat Glaciologich Talian.
Chisc dac é stac porté dant en lunesc ai 9 de setember te na conferenza stampa a Pèdua, tel Museo de Geografia de l’Università. L’atenzion su la situazion de la Marmolèda era stata portèda a livel nazionèl jà doi dis dant da la Carovana di giacees, ruèda apontin sul giacé dolomitich te la 6^ tapa de chest an per sia azion de monitoraje, sensibilisazion e netijia.
De più su La Usc stampèda de en vender ai 13 de setember. (Lucia Gross)
L’angonia de la Marmolèda
La ‘Reina de la Dolomites’ é en fin de vita, te zirca 15 egn de sia giacia no restarà più nia. La situazion da alarm vegn confermèda dai dac prejenté enstadì te la conferenza stampa al Museo de Geografia de l’Università de Pèdua.
Galaria retrac
View the embedded image gallery online at:
https://www.lausc.it/atualite/27903-l-angonia-de-la-marmoleda#sigProId348437c14d
https://www.lausc.it/atualite/27903-l-angonia-de-la-marmoleda#sigProId348437c14d
