La Usc di Ladins

Segres y Festes
12.-13.07.
Gherdëina Craft Beer Festival
La Lia dl Turism de Sëva mët a jì l Gherdëina Craft Beer Festival sun Plaza de Chemun de Sëlva, ulache n puderà ciarcë truep de bon piers d’uni sort. L apuntamënt ie ncuei vënderdi ai 12 de lugio dala 16:00 inant y duman, sada ai 13 de lugio.
20.–21.07.
Segra de Santa Cristina
Doi dis de festa tl Zënter Iman: n sada ai 20.07. sunerà la Böhmische de S. Cristina dala 18:00, dala 20:00 la grupa Sun Sëida y dala 23:00 inant saràl DJ Ondi che meterà su de bela mujiga. N dumënia ai 21 scumenceràn dala 09:30 cun la Santa Mëssa y la defi­leda. Dala 12:00 sunerà i OdleSound, dala 15:00 la Mujiga di jëuni de Gherdëina, dala 17:00 i Gipfelblech. L ne mancerà sambën nia da maie y da bever per duc.

Temp Lede
Atualmënter
La Val: ala descurida dl paisc
Na ciacia al tesur particolara portará fora por le paisc da La Val chësc isté. Ara se trata de na spazirada interativa da na staziun al’atra, cun le travert da ciafé la parora de soluziun, chirin les staziuns fora por paisc. Dötes les infor­maziuns y i materiai da pié ia ciafon tl ofize turistich da La Val.
12.07.
Fitness cun Federica Costantini
Movimënt mët a jí dui dis dedicá al fitness tl’Alta Badia. Incö vëndres ai 12 de messé dales 18:00 él tl salf dles mani­festaziuns a Corvara n referat sön le bëgnester anter sport, mangé y ambiënt; cun Fede­rica Costantini, doturs, istru­turs de yoga y n jornalist. La sabeda ai 13 él söl program n de de fitness sön Piz La Ila, dales 10:45 inant. Informa­ziuns sön www.moviment.it
12. y 19.07.
Al Plan: Marcé da paur
Sön le marcé da paur »Agri­colart« a Al Plan ciafon de vigni sort de produc da nüsc lüsc. Le marcé vëgn tigní incö vëndres ai 12 de messé dales 16:00 ales 19:00 pro le lüch »Tlò Plazores«, sciöche ince en vëndres ai 19 de messé dala medema ora sön le lüch de Corcela a Al Plan.
14., 16. y 18.07.
Kidshour – devertimënt por mituns sö alalt
Pro le parch »Movimënt« sön Piz Sorega vëgnel metü a jí ai 14, ai 16 y ai 18 de messé jüc, animaziun y devertimënt por mituns da 5 a 10 agn. La manifestaziun vëgn tignida vigni mertesc, jöbia y domënia dales 13:30 ales 17:00, cina ala fin de setëmber. Iscriziuns online o ti ofizi turistics dl’Alta Badia.
15.07.
Corvara: escurjiun responsabla
Tla cornisc dla iniziativa »Atira« vëgnel tigní en lönesc ai 15 de messé na escurjiun olache an pó dé n contribut a nosta contrada, jon fora por i trus a chëie sö le ciomënt. An pëia ia dales 9:30 pro l’implant Boé a Corvara. Iscri­ziuns online o ti ofizi turistics dl’Alta Badia.
17.07.
A Spas co la musega a Poza
En mercol ai 17 de messèl da les 21:15 a les 23:00 la strada de Meida é serada al trafich e resservada a chi che va a pe che i pel veder e scutar la esibizion de desvalives gropes: Musega da Vich, Spritz Band, The Curls, Th Pec Moede, Portobello Dire Straits Tribute e Patrick’s Irish Band.
17.07.
Sesciun de yoga da doman
Alta Badia Balance organisëia na sesciun de yoga da doman, en mercui ai 17 de messé dales 7:45, tla »Kunst Oase« a Costa­dedoi/San Ciascian. Referënta é Alexis Bassetto. Infos tres Whatsapp pro Alexis al 340 8279116. Iscriziuns sot al link https://calendly.com/altabadia balance
17.07.
Yoga y bëgnester sot les stëres
Alta Badia Balance organisëia na sesciun de yoga sot les stë­res, en mercui ai 17 de messé dales 20:00, tla »Kunst Oase« a Costadedoi/San Cia­scian. Referënta é Alexis Bassetto. Infos tres Whatsapp pro Alexis al 340 8279116. Iscriziuns sot al link https://calendly.com/altabadiabalance
18.07.
Calfosch: devertimënt por mituns
En jöbia ai 18 de messé pó mi­tans y mituns da 4 a 12 agn tó pert a n domisdé cun le pech Nikolas. Tl parch dai tiers a Calfosch pó i mituns dales 15:00 inant daidé fá pan, che gnará spo cöt tl furn. Iscriziuns online o ti ofizi turi­stics dl’Alta Badia.
18.07.
Festa di gnoches a Vich
En jebia ai 18 de messèl da les 19:30 Piaz Massar a Vich doventa na osteria a l’averta per la festa di gnoches, da salà con gulash salata de carata rosses o formai, compagné da bira artejanèla da mont, o da douc con marmelada e sos de vanilia.
17.07.
Golosando a Soraga
En mercol ai 17 de messèl da les 18:30 inant, te Pra del Preve a Soraga, cerces de ma­gnadiva del post con musega e legreza.
17.07.
Pastelné cunmateriai naturei
Sun Pitla Plaza de Sant An­tone a Urtijëi puderà i mëndri y la mëndres pastelné cun materiai naturei (putes, rames, pleces, ciofes, y n.i.), dala 14:30 nchin la 18:00.
17.07.
Sëira de tradizions: bal, mujiga y trohtes
La sëira unirà a s’l dé n mier­culdi ai 17 de lugio dala 21 inant sun Plaza de Chemun te Sëlva.
18.07.
Sëira per mutons:ans
Na blòta sëira de aurela curta per mutons y mutans vën metuda a jì ai 18 de lugio, dala 20:30 tl Zënter Iman. »Daniele and friends« i fajerà devertì cun striunëc, mujiga y popes che rejona.
18.07.–08.08.
Chino d’instà
Tla Biblioteca San Durich a Urtijëi uniràl mustrà de plu films per mutons y mutans, for de juebia dala 17:00: ai 18 y ai 25 de lugio y ai 1. y ai 8 de agost. L program di films ie da udëi te biblioteca.
Uni lunesc
Kids Night – juesc y dever­timënt per mutons y mutans
La Lia dl Turism de Sëlva nvieia a chësta manifestazion, che vën a s’l dé sun Plaza Nives te Sëlva dala 20:30 inant uni lunesc nchin ai 19 de agost.
Uni merdi
Marcià de prudoc dl luech
L pitl marcià de prudoc dl luech sun Pitla Plaza de Sant Antone a Urtijëi ie inò daviert. I stonc sarà davierc dala 15:00 nchin la 19:00, uni merdi nchin ai 10 de setëmber.
Uni merdi
Marcià tradiziunel di paures y di artejans
Uni merdi dai 25.06. inant, for dala 19:00 nchin la 22:30, saràl l marcià di paures y di artjenas tl zënter de Santa Cristina. Uni ena unirà pre­jentà n mestier da artejan y l ne mancerà nia ntrateni­mënt de mujiga.
Uni merdi
Te conte na storia
Tla Biblioteca Tresl Gruber a S. Cristina uniràl liet dant na storia adateda per mutons y mutans danter i 4 y i 9 ani, for de merdi, dala 09:30 nchin la 10:15.
Uni mierculdi
Marcià de sëures y de tradizions
Uni mierculdi dai 26 de juni nchin ai 7 de agost saràl sun Plaza Nives de Sëlva, for dala 14:30 nchin la 19:00, n marcià de sëures y de tradizions, ulache n possa ti cialé, purvé o cumpré de bela cosses dl artejanat tradiziunel y maië velch de bon dl raion.
Uni juebia
»Flying Aperitivo«
La manifestazion unirà fata da juni nchin tl scumenciamënt de setëmber, uni juebia, dala 18:00 nchin la 19.00 sun Pana. Ntan n viac sun l lift dai stuei da Pana de viers de Mont de Sëura y inò ju, pòssen se goder l bel udëi ora pra n aperitif y vel’ bon bucon leprò. Da bur’ tëmp vën la manifestazion spënta. L ie dase scrì ite nchin al di dant pra la Lia dl Turism de Santa Cristina o direta­mënter pra l mplant dla Mont Sëura.
Uni vënderdi
Aperitif a Urtijëi
Dala 18:00 nchin la 20:30, uniràl pità de bon aperitifs tla ustaries dl zënter de Urtijëi, for de vënderdi (ora che ai 26.07.).

Sport
Atulmënter
Alenamënc de sauté
Es’a pensà de scumencé a sauté? Ues’a fé pea na mesa maratona, na maratona o d’autra garejedes de sauté y ne ses nia co te anjenië ca? L ASV Gherdëina Runners pieta alenamënc propi de chësc viers: vie a fé pert dla grupa y a te alené uni merdi dala 19:15 sun l ciamp dal sport Mulin da Coi a S. Cristina.
13-26.07.
L Genoa rua a Moena
Dai 13 ai 26 de messèl Moena sarà teater di alenament del Genoa Calcio, che se arcedarà al ciamp Benatti da les 9:30 a les 12:00 e da les 15:30 a les 18:00 e de la partides da peconc de la squadra de la Liguria, la pruma ai 14 contra l Fascia Balon. Te chest temp i jiadores tolarà pèrt ence a evenc te la piazes de Moena, Poza e Cianacei.
20.07.
Juech de amezizia Spezia Calcio vs. Arminia Bielefeld
La scuadra de La Spezia dla Liguria fej si alenamënc da d’instà a S. Cristina. Ai 20 de lugio dala 17:00 jugherài n juech de amezizia contra l Arminia Bielefeld sun l ciamp de Mulin da Coi.

Mostres y Ert
Atualmënter
Mostra »Cumpedan i invierns«
La Galaria Doris Ghetta nvieia ala mostra de Aron Demetz dal titul »Cumpedan i invierns«, che resterà da udëi nchin ai 7 de setëmber.
Atualmënter
Bienela Gherdëina
Ala nona edizion dla Bienela Gherdëina, dal titul »The Parliament of Marmots« y pra chëla che l fej pea bën 35 artisć:tes, puderàn ti cialé nchin ai 1. de setëmber. I lëures ie metui ora a Puntives, tl zënter de Urtijëi y te de plu posć. Per plu nfurmazions y vijites menedes: 393/9323927, www.biennalegherdeina.it
Atualmënter
Mostra – Cuncors de dessëni: Giro d’Italia
La scoles elementeres y me­sanes de Gherdëina à fat pea pra n cuncors de dessëni n ucajion dl Giro d’Italia. Na juria à cris ora i 30 dessënies plu garatei, che unirà metui ora sun la Plaza Nives te Sëlva nchin ai 14 de lugio.
Atualmënter
Mostra »Banda«, de Michel Bernardi
L Circolo de Urtijëi nvieia ala mostra persunela de Michel Bernardi dal titul »Banda«, che resterà da udëi nchin ai 4 de agost, dal merdi nchin dumënia dala 16:00–19:00 y de sada y dumënia nce dala 10:00 nchin la 12:00.
Atualmënter
Armin Grunt–Dialogh
L Tublà da Nives te Sëlva nvieia ala mostra »Dialogh« de Armin Grunt. La mostra resta davierta nchin ai 28 de lugio, uni di ora che de lunesc dala 16:00–19:00. De merdi, mierculdi y vënderdi nce dala 20:30–22:30.
Atualmenter
Matthias Sieff a la Trienala de Bad Ragaz
L cognosciù artist da Ciam­pedel Matthias Sieff tol pèrt con sia gran operes a »Bad RagARTz« la maor esposizion de scultures a l’averta d’Euro­pa, te chesta sia IX edizion dal titol »Presente«. Tel Gies­senpark de la zitadina termala svizera l é operes de 88 artisć. Les resta fora fin a la fin de otober.
Atualmënter
Sprotte tl Museum

• 
•  

View the embedded image gallery online at:
https://www.lausc.it/manifestazions-y-evenc/27507-manifestazions-atuales-speziales#sigProId6f556eaa91

Ladin
Tl Museum Ladin Ciastel de Tor él da odëi cina ai 30 de setëmber la mostra »Siegward Sprotte. Nord süd, la geografia dl’ert«.
Atualmënter
Mostra: »Countdown to mass extinction?«
Le Museum Ladin inviëia da jí a ti ciaré ala mostra speziala »Countdown to mass extinc­tion?«, che é da odëi fina ai 3 de novëmber tl Museum Ciastel de Tor. La mostra se dá jö cun la plü gran estinziun de massa tla storia dla tera, en relaziun cun la crisa clima­tica da sëgn.
Atualmënter
Mostra »Ega« a Corvara
Tl salf dles manifestaziuns da Corvara él da odëi cina ai 9 d’agost na mostra söla tema­tica dl’ega y dles Dolomites. La mostra é daverta dal lönesc ala sabeda dales 8:00 ales 12:00 y dales 15:00 ales 19:00; la domënia dales 9:00 ales 12:00 y dales 16:00 ales 18:00.
13.07.
Bienela Gherdëina 9: First came the landscape
N sada ai 13 de lugio dala 11:00 sun Juac te Sëlva: perfor­mance de y cun Tobias Tavella.
13.07.
Bienela Gherdëina 9: The Sea of Rocks
Ai 13 de lugio dala 15:00 sun Danter­cëpies: i crëps dla Dolomites vën nuzei coche tëila per la performance de Helle Siljeholm, »The sea of rocks«, che ti va do al liam dl corp dla persona cun l crëp.
19.07.
Mostra de depënc de Giuseppe de’ Spagnolis
Tla biblioteca Tresl Gruber a S. Cristina uniràl metù ora depënc de Giuseppe de’ Spa­gnolis. N l di dla giaurida, ai 19 de lugio dala 17:00, sarà l artist prejënt y prejenterà si lëures. La mostra resterà davierta nchin ai 4 de agost, for ntan i orares dla biblioteca.

Referac
12.07.
Dolodis: referat sön smöies y rogossies
Incö vëndres ai 12 de messé dales 20:30 tl salf di stödafüch a San Ciascian él Sandro Gius (ofize rüs da munt y paralovi­nes ost) che tëgn n referat olache al cunta sciöche volon­tars y esperc intervëgn tl caje de smöies y rogossies. Te chësta ocajiun podarán ince odëi les mascins y i mesi di stödafüch che an adora te chisc intervënc.

Publizistica
17.07.
Al Plan: Presentaziun dl liber »Inverno liquido«
En mercui ai 17 de messé dales 18:00 él te Ciasa dl Parch Natural Fanes – Senes – Braies a Al Plan la presentaziun dl liber »Inverno liquido« de Maurizio Dematteis y Michele Nardelli. Nardelli presentará le liber nü, che cunta dl raport compliché danter i schi de massa y la crisa economica y climatica che á caraterisé i ultims agn. La presentaziun é por talian.

Chino
Atualmenter
Al chino de Tieser
En domenia ai 14 de messèl da les 17:15 se pel veder »Inside Out 2« en 2D e da les 21:15 »Fly me to the moon«, che l é en program da la medema ora ence en mèrtesc ai 16. En lunesc ai 15 de messèl da les 20:45 l é enveze »Horizon–An american saga p.1« de Kevin Costner. Program su www.cinematesero.com

Dotours
Dutor Gherdëina
L dutor de servisc da n sada ai 13.07. dala 08:00 daduman nchin la 08:00 daduman de n lunesc ai 15.07. ie l dutor Michael Trocker de Urtijëi, streda Promeneda, tel. 388 2580002.
Doturs Val Badia
Tla fin dl’edema di 13 y 14 de messé él en sorvisc ti co­muns de Mareo y San Martin la doturia Margarete Mahl­knecht, tel. 349 0667034 o 0474 523018. Ti comuns da La Val, Badia y Corvara él en sorvisc le dotur Guido Caretta, tel. 0471 836870 o 337 616080.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 12.07. nchin n vënderdi ai 19.07. ie chëla de Ciastel, tel. 0471/706323 (orar: lu-ve 8.30-12.00/15.00-19.00. Turnus: sa. 8.30-12.00/16.00-19.00, du. 10.00-12.00).
Apoteca Val Badia
L’apoteca en sorvisc fora dl orar ordinar, dal vëndres ai 12 de messé dales 19:00 al vëndres ai 19 de messé ales 19:00, é chëra d’Al Plan, tel. 0474 501240.

Avisc
Atualmenter
I oraries de Pedies
Pedies vegn moscià sul canal 10 de la televijion, Trentino TV, de sabeda da les 18:00 , de domenia da les 13:30 e de lunesc da les 11:30. Con Smart TV sul medemo canal se pel l veder canche se vel orian co la friza en su i sotcanai HBBTV, sot la ousc TML. Duc i video e filmac dac fora dal Comun General e da l’Union di Ladins é da poder veder ence sul canal Tv Ladina de Youtube.
Atualmenter
Pigui Experience te Museo Ladin de Fascia
Te Museo Ladin de Fascia, al priesc de 2 euro apede al biliet de entrèda, se pel tor pèrt al jech »Pigui Experience«, reality game che fèsc cogno­scer l sit archeologich de Mazin. Desponibol da la domenia al vender da les 10:00 a les 12:00 e da les 15:00 a les 19:00 con prenotazions sul sit www.istladin.net.
Atualmenter
A spas te la sezions del Museo Ladin
Enscin ai 4 de setember se pel jir a veder la sezions sul teritorie del Museo Ladin e se pel ence tor pèrt al jech »A spas che spas« metan ensema l stempel de duta la sezions per ciapèr n bel don. L’entrèda é debant te dutes, fora che te la Mostra de La Gran Vera a Moena. Maor info e la mapa te Museo Ladin, tel. 0462. 760182.
Atualmenter
Bonamans per la enrescida scientifica
Va inant la regoeta del Servije Sozièl CGF e Crousc Checena per didèr la enrescida scien­tifica a troèr neva terapies per salvèr la vita de chi che à na malatia rèra. Vegn uzà fora n apel a duc i fascegn de mo­scèr sia solidarietà ence demò con un euro, da meter sul cont de Crousc Checena Fascia e Fiem a la FPB Cassa, IBAN: IT 30 T 08140 35780 000002058997.
Atualmenter
I bec su la pedies de la Gran Vera
Per dut istà fin ai 4 de setember de mercol da les 16:00 i ser­vijes educatives del Museo Ladin endreza lo da la mostra La Gran Vera te Navalge a Moena »Caccia alla traccia« per bec dai 8 ai 13 egn. A paament e debant con Fassa Guest Card. Endèna i gregn pel jir ite a veder la mostra a priesc rebassà. Prenotazion de obligh al 0462.760182.
Atualmenter
Oraries Museo Ladin de Fascia
L Museo Ladin de Fascia é avert enscin ai 10 de setember da la domenia al vender da les 10:00 a les 12:00 e da les 15:00 a les 19:00. De lunesc te chisc oraries l é l’atività per families »Giramuseo« e de mèrtesc da les 17:00 la vijita vidèda su prenotazion. Per gropes se pel ence la domanèr te etres oraries. Info e prenota­zions al 0462.760182.
Uni lunesc
La Coa: ancuntedes per genitores
Uni lunesc dala 09:30 nchin la 11:00 puderàn se ancunté tl local Matada a Urtijëi per sté deberieda danter mu­tons:ans, mamis y tatis y chi che deventerà tosc genitor. Sëuraprò saràl l mesun de damandé cunsëies a espertes.
12.07.
Franz Dantone Pascalin a Cianacei
Insnet vender ai 12 de messèl da les 21:00 la sociazion Anter­moia per »orizzonti alti« la endreza na sera dedichèda al prum fotograf e pionier del turism su la Dolomites, Franz Dantone Pascalin, con Loren­zo Dezulian en colaborazion con l Istitut Cultural ladin. Te piaz Marconi, se l é burt temp te Chino Marmolèda.
14.07.
50 sfumadures de..

• 
•  

View the embedded image gallery online at:
https://www.lausc.it/manifestazions-y-evenc/27507-manifestazions-atuales-speziales#sigProId6f556eaa91

Natura
En domenia ai 14 de messèl da les 21:15 te La Gran Ciasa a Soraga l fotograf Manuel Bernard rejona de sia espe­rienza e de sia emozions travers i bie retrac fac te anter i monc, la natura, l ambient e la besties salvères.
15.07.
I joegn e l retorn a la tera
En lunesc ai 15 de messèl da les 21:15 te Piaz de Comun de Sèn Jan a Poza, per la rasse­gna »Ad alta voce« rencurèda da Virna Pierobon, scontrèda con joegn fascegn che à cernù de jir de retorn al lurier da bacan più vejin a la mère-tera.
17.07.
Carmine Abate a Moena
Per la rassegna »Moena Incon­tri« en mercol ai 17 de messèl da les 17:30 tel picol Piaz Perle Alpine apede Comun l scritor Carmine Abate prejenta sie liber »Un paese felice«. Se fossa burt temp te la sala Rovisi te Comun.
18.07.
L Vangele do De André
La rassegnes »Ispirazions d’Istà« e »Moena Incontri« ve envia en jebia ai 18 de messèl da les 17:30 tel picol Piaz Perle Alpine apede l Comun de Moena a »Laudate Hominem«, Paolo Ghezzi prejenta Il Vangelo secondo De André compagnà da la cianties del gran ciantautor interpretèdes da Damiana Dellantonio.
19.07.
Sëira dla porta davierta di Destudafuech de Sëlva
N la sëira dl 19 de lugio, dala 20:30 inant, giaurirà i De­studafuech de Sëlva si portes per chiche ulëssa cuché ite tla sënta, tla streda Mëisules 150. Duc y dutes ie de cuer nviei:des.
19.07.
Repair Café
Smaché? Nianca da pensé! La Lia per Natura y Usanzes, nvieia al Repair Café, na an­cunteda ulache n possa se lascé cuncé da esperc y esper­tes stofs, draps, guanc, aparac eletrics, rodes y bagli y nce lascé fé tai ai curtiei. L apunta­mënt ie n vënderdi ai 19 de lugio dala 17:00 nchin la 21:00 tla Cësa di Cungresc aut ite.
20.07.
Marcia per la Pèsc te la Mont de Poza
La rassegna »Ispirazions d’Istà« de la Comiscion cultura de la parochies de Fascia ve envia en sabeda ai 20 de messèl a la Marcia per la Pèsc te Val de Sèn Nicolò. Se pea via da les 9:30 te Mesaselva lo da la gejiola per jir ensema fin ta Pe de forcia. Tol pèrt ence l piscop de Trent Lauro Tisi e i piscopes de Belun-Feltre e de Treviso.

Iadi y Jites
17.07.
Raida di mejes sa Sacun
L Museum Gherdëina mët a jì na raida pra i mejes Mëune y Peza y ala dlieja da Sacun. N se anconta dala 9:00 tl Museum Gherdëina, ulache l sarà na ntroduzion ala storia y arpejon architetonica da paur de nosta valeda. La jita fina via sa Sacun dala 13:00 sa Somont pra la fermeda dla curiera. L vën furnà su cun l Citybus. Iscrizions: nchin al din dant, merdi, dala 18:00 tl Museum Gherdëina: 0471 797554.
25.07.
Iscrizions: Jita ai Holzerböden te Ahrntal
La grupa »Nëus jon pa bel plan« mët a jì chësta jita ai 25 de lugio. L vën pià via dala 07:00 y n sarà de reviers ntëur la 18:00. L sarà da jì feter cin’ ëura y mesa, cun n deslivel de 800 metri. Per de plu nfurmazions y iscrizions: 338 3340111.

Mujiga
12.07.
Conzert dla Musiga da Rina
Incö vëndres ai 12 de messé dales 21:00 él sön paiun d’Al Plan n conzert dla Musiga da Rina.
14.07.
Cianté y soné sön munt
Tla cornisc dl »Cianté y soné sön munt« tl’Alta Badia, sarál da aldí en domënia ai 14 de messé dales 13:30 inant le grup »Volxbrass«, tla ütia Pralongiá.
14.07.
Matinée cun »Cordes y Butons«
N dumënia ai 14 de lugio dala 11:00 saràl n matinée sun Plaza Stetteneck a Urtijëi, cun l trio »Cordes y Butons«.
14.07.
»Revensch« sun Ciampedie
Per l festival »Val di Fassa Pa­­norama Music« en domenia ai 14 de messèl sun Ciampedie da les 11:30 se pel scutèr l conzert de la kletzmerdixiebal­canjazzband »Revensch«. con Helga Plankensteiner, Paolo Trettel, Glauco Benedetti, Michael Engl, Michael Lösch e Marco Soldà. Conzert debant.
17.07.
Cunzert dla Mujiga de S. Cristina
La Mujiga de S. Cristina sunerà n mierculdi ai 17 de lugio dala 21:00 tl Zënter Iman a S. Cristina.
18.07.
Cunzert dla Mujiga de Sëlva
La Mujiga de Sëlvai sunerà n juebia ai 18 de lugio dala 21:00 sun plaza de Chemun te Sëlva.
18.07.
Defileda cun la trohtes y cunzert dla Mujiga de Urtijëi
Tl zënter de Urtijëi uniràl fat na defileda dla trohtes y dla Mujiga, che sunerà pona sun plaza. N pëia via dala 21:00 dan l Hotel Madonna.
19.07.
Conzert dla Musiga da San Martin
En vëndres ai 19 de messé dales 21:00 él la Musiga da San Martin che tëgn n con­zert, sön paiun da San Martin.
21.07.
Cunzert cun i corni da mont dla Svizra
Tl raion da jì a pe de Urtijëi sunerà na grupa de corni da mont dla Svizra n dumënia ai 21 de lugio dala 17:00.
Uni vënderdi
Trio di corni da mont »Ladinia«
L trio »Ladinia«, sunerà si corni da mont ncuei, vënderdi 28 de juni dala 17:30 inant te Val.

Sozial
Atualmënter
Picolin: portina por l’assistënza y cura
La Portina por l’assistënza y cura é daverta trëi iadi al’ede­ma: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun sozio­sanitar a Picolin, tl’alzada a tera sön la man ciampa. Chiló vëgnel dé informaziuns y sostëgn por les chestiuns che reverda le guern y l’assistënza.
12.07.
Panaraida – grupa »Deberieda«
Ncuei vënderdi ai 12 de lugio se ancónten dala 14:00 a Urti­jëi dan la Cësa de Paussa per jì a fé la Panaraida, debe­rieda cun nosc cumpanies dla grupa »Spaziosissimo« de Bulsan. »Deberieda« ie na grupa cun ulenteres per se ancunté dan­ter persones che à problems psichics o de sozialisazion.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani de Gher­dëina a se nuzé de chësc servisc che vën pità uni merdi dala 12:00 ti trëi luesc de Gherdëina (Urtijëi Cësa de Cultura; S. Cristina Cësa de Chemun; Sëlva Stua di Senio­res). L ie da se lascé nuté su nchin al di dant da mesdì, cherdan su: per Urtijëi l 333 7877095 (Marisa), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
16.07.
Mans che dëida söi lüsc da paur
Dales 20:50 ca. Südtirol é da vedla­mënter incá n raiun de paurs. I lüsc röia fina sö alalt, iteinsom a valades da munt gonot ërtes, olache al n’é nia saurí da vire y lauré. Al tleca datrai püch, por che les fami­lies sön chisc mesc röies te con­diziuns nia plü da tigní fora.Tl 1996 él gnü metü sö la Assoziaziun Laur Volontar söl Lüch, che chir volontars por daidé cun de vigni sort de laurs. Mo ara nen vá de tröp deplö co le scëmpl laur söl lüch. Program de Karin Pizzinini, a cura de Anna Mazzel.
17.07.
SMACH 2023 – Ert tles Dolomites
Dales 20:50 ca. Uni 2 ani, dal 2012, urganisea la lia cultu­rela SMACH de San Martin de Tor, la Biennala internaziunela d’ert publica, ulache 10 artisc da dut l mond, cris ora da na cumiscion de esperc d’ert, mët ora si lëures tla cuntreda naturalistica dla Dolomites. Nscila nce tl ann 2023 cun la 6. edizion de SMACH dal titul »Sprouting« – per ladin »chël che flurësc«. N film de Timian Hopf y Michael Kalb. A cura de Leo Senoner.
18.07.
Scenar ert y cultura
Dales 20:50 ca. Program de Ivan Senoner y Hans Peter Kar­­bon, a cura de Leo Seno­ner.

Radio
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
16.07.
De má mai plöia assá! ... y de jügn y messé pa?
Dales 20:50 ca. Te chësc pro­gram nen vara di paurs y dla dificolté da fá ite le fëgn te chësc isté bëgn scaldi mol y dal tëmp malsigü. N pro­gram de Sara Frenner.
17.07.
La Marcia per la Pèsc
Dales 20:50 ca. Ghest: Cesare Bernard, conduzion Cinzia Pistoia.
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
12.07.
La maië tla mensa: la situazion te Sëlva
Dales 19:05. Al’alimentazion ti vëniel al didancuei dat na gran mpurtanza, dantaldut nce ajache la drëta spëisa à n gran nflus sun nosta sanità. L Chemun de Sëlva pieta a si sculeies doi menses ulà jì a marënda, che ie na gran nde­sfideda y che cumporta nce vel problematica. L’assess­ëura ala scola Christine Seno­ner nes spiega coche vën urganisà chësc servisc jan ite nce sun n valgun aspec che à da nfé cun l maië sann y bon. Tra­smiscion de Georg Mussner.
13.07.
La Caledonia
Dales 19:05. N program de Iris Del Valle.
14.07.
La Segra de Urtijëi
Dales 19:05. La Segra de Urti­jëi ie na festa de gran mpur­tanza per duta la cumenanza dla luech y ie for n la prima dumënia do San Durich che ie ai 4 de lugio. Chëst’ann tumovela sun la dumënia 7 de lugio y daujin ala pert reli­gëusa cun la mësses sun Resciesa y te dlieja de Urtijëi iel nce la festa sun Plaza Sant’Antone che ie chëst iede unida metuda a jì dai destuda­fuech. Trasmiscion de Simon Moroder.
17.07.
Zachei Zaolà – Mara Nemela
Dales 19:05. Te chesta puntata de »Zachei Zaolà« reston dintorn­via cèsa ajache dessema a la diretora de la fondazion Dolomiti Unesco fajaron n viac delaite del raion dolomi­tan per rejonèr di valores, de l’identità e de la marevea che tocia nosc teritorie da mont. Program de Cinzia Pistoia.
18.07.
Gadersound
Dales 19:05. L’uniun »Adüm« fata da bëgn 100 volontars organisëia ince en chësc ann le festival Gadersound, che ne é nia ma musiga mo tröp deplü. Le presidënt dl’uniun Christian Dapoz, nes cunta te chësc program dles novités che nes aspeta ai 19 y ai 20 de messé a Pidrô. N program de Sara Frenner.