La Usc di Ladins

Depënje tla natöra
Curs da depënje a acuarel cun Silvia Nava, dai 6 ai 8 de setëmber alaleria tla Val Badia
Trëi dis dedicá daldöt ala pitöra, amez la natöra, ala descurida de nostes contrades demorvëia. Chësc é ci che vëgn pité tl curs da depënje cun l’artista Silvia Nava, dai 6 ai 8 de setëmber. Le curs vëgn tigní alaleria, fora por les contrades dla Val Badia, y sce le tëmp é burt, spo tl pice salf de comun a La Val.
Al curs pó tó pert chi che ó s’avijiné ala tecnica de pitöra a acuarel, o ince chi che ó l’aprofondí.
Al é da s’anunzié anter i 20 d’agost ala mail silvianava13@gmail.com – Infor­maziuns plü menüdes sön l’artista y referënta ciafon ince sön le sit internet www.silvianava.it

Devertimënc musicai
Le festival Badiamusica pîta en lönesc ai 29 de messé dales 21:15 te dlijia da La Ila le conzert »Divertimenti musicali«, cun le Trio Andrea Palladio
Le trio protagonist dl conzert di 29 de messé a La Ila é metü adöm da Michele Antonello, Steno Boesso y Enrico Zanovello. Chësta for­maziun unica cun oboa, fagot y orghe pîta n program original, cun toc de componisć che an lî dainré söl program di conzerc. Dal baroch europeich de Johann Christoph Pepusch (1667–1752) y Giovanni Benedetto Platti (1700–1762) cina al »Miniature Trio« dl au­stralian Alfred Hill (1869–1960). Dala »Toccata pro organo pleno« de Johann Peter Kellner (1705–1772) cina al »Preludio e fuga in Re« de Christian Friedrich Ruppe (1753–1826) y ciamó d’atri. Le repertore se naina fora por la balanza danter i trëi stromënc y porta melodies plënes de pathos, cromatica, ótes armoniches demorvëia y nia usuales.

Mostra coletiva »online to heaven«
Ncuei vendërdi ai 26 de lugio dala 20:30 vëniel giaurì tla galaria Vijion a Puntives na mostra coletiva dal titul »online to heaven«
L’ert ie da for incà n mesun per auzé ora l nia raziunel, sentimënc, ideies y esperienzes. Ajache chësta emuzions ne n ie suvënz nia da descrì cun formes reeles, vëniel adurvà scialdi la forma astrata, che ie la forma d’ert che se adata l plu per dì ora chël che vën dal dedite dla persona. La se prejënta for plutosc misteriëusa y fej dumandes a chël che ti cëla. Y iust chësta ie si faszinazion: nes fé curiëusc y nes purté a ulëi purvé a se nmaginé emuzions de zes dala realtà.
Artisć:tes che mët ora: Martin Pohl, Alex­ander Staffler, Mirijam Heiler, Markus Delago, Andrea M. Varesco y Anuschka Prossliner.
La mostra sarà da udëi nchin ai 26 de agost, dal lunesc nchin sada dala 16:00–19:00, o cherdan su l 338/2098697.

Bal dles Stries sön Börz
En sabeda ai 27 de messé ésera indô tan inant. Les stries balará sön Börz, acompagnades da n program de cornisc dër rich y ampl
Ince chësc ann vëgnel indô metü a jí sön Börz le Bal dles Stries, plü avisa chësta sabeda ai 27 de messé. Le program mët man dales 15:00 cun la poscibilité da fá yoga, y dala medema ora mët ince man le domisdé por mituns y le marcé. Dales 16:00 podarán ascuté sö Simon Kostner y dedô vára inant cun tröc grups che sona y cianta. Dales 17:30 sona le grup »Blind Apex«, dales 19:30 sarál da aldí Hubert Dorigatti y Laura Willeit. Dales 21:00 i tochera a Max Castlunger cun le grup Sissamba y dales 22:30 sonará spo »The rumpled«. Dales 0:30 sarál ciamó DJ Shantifax & DJ Basikone che mët sö musiga.
Por rové sö vëgnel ince pité n sorvisc de shuttle, chë pëia ia dales 19:30 y dales 21:00 a Al Plan; dales 19:45 y dales 21:15 a Picolin, dales 20:00 y dales 21:30 a Lungiarü, dales 20:15 y dales 21:45 a Antermëia.
Les corieres pëia jö zoruch da plaza de Börz demez n iade dala 1:00 (por abiné le nightliner) y spo dales 2:22.

Südtirol

• 
•  

View the embedded image gallery online at:
https://www.lausc.it/manifestazions-y-evenc/27592-manifestazions-atuales-speziales#sigProIdc9bcace642

cujina
Pra la Utia Ciampac te Val vëniel metù a jì la manifestazion de »Südtirol cujina«, n chësta dumënia ai 28 de lugio dala 11:00 inant
L se trata de n »show cooking«, ulache cater cueghes cujina cater derzedes desferëntes. Meneda da Silvia Fontanive, pieta la manifestazion n spe­tacul culinarich dal vif unich per duc i apasciunei dla ga­stronomia. L cujinerà: Chef Andrea Moccia dl Hotel Gran­baita Dolomites, Chef Norbert Dejaco dl Bistrot B24 / Hotel Acadia, la cuega Mariana dla Utia Ciampac y Anna Messner Perathoner dl Luech da Curijel.
Duc y dutes ie de cuer nviei a chësta manifestazion de culinaria.

L é endò Festa ta Mont!!
L’à per titol »Meja« la edizion numer 17 de la festa più bela del istà fascian che ve speta ai 3 e 4 de aost te la Val de Sèn Nicolò a Poza
En sabeda e en domenia ai 3 e 4 de aost la Val de Sèn Nicolò a Poza se empienirà de jent, musega, perfumes, cultura, tradizion e legreza per la edizion numer 17 de Festa ta Mont.
Te zirca 20 stonc i volontadives de la sociazions se darà ju per enjignèr e dèr fora de bona magnadiva de ogne sort, con piac de la tradizion e douces golousc. Sarà jeghes e entrategniment per picoi e gregn: la teleferica, l saut tel fegn, l trampolin elastich, desvalives laboratories, la mostra naturalistica, n pont informatif su la gran besties magnacèrn e n muie de auter. Ence chest an sarà l laboratorie ‘yoga tel bosch’ te doi momenc da doman e domesdì tant la sabeda che la domenia, con prenotazions chel dì sul post. En domenia les 11.00 vegnarà zelebrà la messa te Mesaselva. No menciarà musega e legreza sun dut l percors. La ativitèdes jirà inant duc doi i dis da les 10:00 fin les 18:00, canche la festa vegnarà serèda.
L tem cernù per chesta edizion l é »Meja«, chel vel entener dut chel che pel fèr arpejon. Da Sauch a Mesaselva e fin te Ciampié vegnarà metù fora de gregn tulins con foto e scrites che fèsc cognoscer a na vida desferenta, enteressanta e gustegola, desvalives argomenc leé a noscia storia, vita e cultura.
Se pel ruèr ite a pe da desvalives troes (da troèr ence su la piata internet www.festatamont.it) o con na bela raida panoramica compagnèda dai menacrepes (enscinuazion ti ofizies del Sport-Checkpoint). Da les 9:00 fin les 19:00 sarà atif n servije de trasporc da Vidor (al scomenz de la val) fin te Sauch al cost de 3 euro a viac (jir e vegnir 5 euro). Se pel lascèr l auto ence te paisc e jir co la naveta del Comun fin te Vidor.
Ve speton duc con gaissa e legreza te Val de Sèn Nicolò! No mencià!!!

»Charing

• 
•  

View the embedded image gallery online at:
https://www.lausc.it/manifestazions-y-evenc/27592-manifestazions-atuales-speziales#sigProIdc9bcace642

– Charity & Sharing in alta quota«
Ai 3 y 4 de agost n apuntamënt caraterisé dala condivijiun de valurs soziai, dles pasciuns sportives, dla gastronomia y dles tradiziuns dl post
Le moto de Charing é chël de soghé a golf alaleria tles Dolomites, amiré le panorama, se gode spezialités dl post y fá benefizënza por l’istitut Serafico de Assisi. Por chësta ocajiun vëgnel tigní deplü tornés de golf tl ciamp dl’Alta Badia y de Puster: le torné »Charing Cup« olache an mëss soghé sön trami i ciamps da golf sides ai 3 che ai 4 de agost, o scenó pón ince tó pert ma a n torné de un n de pro un di dui ciamps da golf. Pro la manifestaziun vëgnel organisé la sabeda na cëna ladina cun la premiaziun dl torné dla sabeda y la domënia na cëna gourmet cun la lotaria de benefizënza y spezialités de Simone Cantafio, Andrea Irsara, Giancarlo Morelli, Claudio Sadler y Diego Crosara. La sëra dla domënia vëgn presentada da Petra Loreggian de RDS cun l’intratignimënt mu­sical de Deejay Mazay y le spetacul di Jelly&Jam. Trames le cënes vëgn tignides sön le tët dla ciasa de Copa dl Monn a La Ila. Charing devënta insciö la combinaziun perfeta danter devertimënt, gastronomia y benefizënza. Iscriziuns y informaziuns ciafon sön www.charing.events

Roda di Morins a Lungiarü
I Stödafüch da Lungiarü á le plajëi da invié ala Roda di Morins, cun spezialités, musiga y intratignimënt
Chësta domënia ai 28 de messé vëgnel metü da jí a Lungiarü la »Roda di Morins«, na mani­festaziun che acompagnëia na bela spazierada por odëi i morins en funziun. La roda pëia ia da Lungiarü y se desfira por 5,2 km tres la Val di Mo­rins. Sön tru sarál bëgn 8 punc de restoraziun, olache al vëgn pité spezialités de nüsc posć, dal aperitif cina al duc. An podará ciarcé cajincí t’ega, fëies da soni, balotes cun golasc, tutres, spezialités ala grilia, fortaies, strudl... I Stödafüch da Lungiarü se conforta da podëi ves saludé.

»Mostra & aperitif« cun les Ganes
Le Museum Ladin Ciastel de Tor pîta na vijita menada ala mostra speziala y dedô aperitif cun musiga dal ví. Ai 8 d’agost cun »Ganes Unplugged« – Elisabeth y Marlene Schuen
Le Museum Ladin inviëia a »mostra & aperitif«, en jöbia ai 8 de agost. Al vëgn pité vijites menades fora por la mostra »Countdown to Mass Extinction?« cun le curadú Herwig Prinoth. La vijita menada vëgn proponüda dales 15:00 ales 16:00 por todësch y dales 16:00 ales 17:00 por talian. Dales 17:00 inant podëise ves gode la sëra sön la terassa pa­no­ramica dl Museum Ladin Ciastel de Tor, cun n bun aperitif y musiga dal ví cun »Ganes Un­plugged« – Elisabeth y Marlene Schuen.
I periun de na prenotaziun sot a prenotaziuns@ musemladin.it o al 0474 524020 por la vijita menada, che costa 10,00€ (entrada tl museum lapró).
I proscimi termins é spo ai 22.08. cun »L Vin y l Din« y ai 29.08. cun na vijita menada, zënza aperitif.

Sëra a löm de ciandëra
A San Ciascian vëgnel metü a jí na sëra olache le zënter dl paisc gnará ilominé ma da chentli y ciandëres, por podëi se gode i corusc dl cil da stëres
En mertesc ai 30 de messé podarán s’la spaziré fora por le zënter stlüt al trafich y zënza ilominaziun eletrica, se relassé y ascuté sö les melodies al clavier cun ciandëres sön paiun, la musiga dl handpan y di goti fora por strada. La serada gnará ince animada da deplü artisć, intratignimënt cun le füch y istalaziuns particolares cun de piceres ciandëres. Düc i abitanc da San Ciascian é bëgnodüs a tó pert ala manifestaziun, destodan les löms dales 21:30 ales 22:30 y ilominan les ciases ma cun ciandëres. La manifestaziun dess ince ester n pice contribut ala natöra, cun sparagné energia y smendrí le pëis visif y acustich por l’ambiënt.