La Usc di Ladins

Sport
Atulmënter
Alenamënc de sauté
Es’a pensà de scumencé a sauté? Ues’a fé pea na mesa maratona, na maratona o d’autra garejedes de sauté y ne ses nia co te anjenië ca? L ASV Gherdëina Runners pieta alenamënc propi de chësc viers: vie a fé pert dla grupa y a te alené uni merdi dala 19:15 sun l ciamp dal sport Mulin da Coi a S. Cristina.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
30.07.
Pizes dla Ladinia: via fereda »I magnifici 4« cun Chiara Costazza
Dales 20:50 ca. Program de Manfred Stuffer y Hanspeter Karbon, a cura de Alessandro Dapunt.
31.07.
Natura e ambient: la belëza y les desfides da lauré tles munts
Dales 20:50 ca. Avëi la posci­bilité da acompagné valgügn a pe o cun la roda a descurí nostes beles contrades y ti cunté val’ deplü sön ci che i un incër nos ia, da condüje na porsona sön öna dles tröpes pizes tan spetacolares dles Dolomites, é un di laurs plü bi dl monn. Impó n’é chësc, sciöche vigni ater laur, nia adaté a düc, y al ne mancia nia öna o l’atra desfida. N profescionist che acompagnëia jënt sö por munt, bel anfat sce al é a pe, cun la roda o sö por n parëi de crëp, mëss avëi n gröm de capazités delá da chëres plü tecniches, al mëss savëi da se dé jö cun les por­sones, al mëss ester flessibl, ester bun da improvisé y da tó dezijiuns asveltes. Ci che le fej tres indô pié ia danü, é che al pó fá n laur te chël che al mët na grandiscima pasciun.Program de Karin Pizzinini, a cura de Anna Mazzel.
01.08.
Arpejuns: Museums de Gherdëina
Dales 20:50 ca. Program de Giulia Tasser y Hans Peter Karbon, a cura de Alessandro Dapunt.

Radio
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
26.07.
Seniëur Vijo, ad multos annos!
Dan n ena iel stat na gran festa a Urtijëi, na festa pra chëla che na persona mpur­tanta fova tl zënter: sn. Vijo Pitscheider, pluan de Urtijei y digan de Gherdëina à cumplì 80 ani. Truepa persones dla pluania ma nce de Gherdëina à ulù ti mbincé dut l bon a sn. Vijo che ie da 13 ani incà che fej l lëur pastorel te Gher­dëina. Te duc chisc ani se àl trat la stima di fediei dantaldut per si mpëni y la idees mo­dernes che l à purtà te dlieja. Trasmiscion de David Lard­schneider.
27.07.
Cosmetica inier y incö
Dales 19:05. Te ci momënt dla storia á pa les persones metü man da adoré la sminca? Cai ê pa i ideai de belëza tla Grecia antica? La pel blancia é stada y é ciamó incö te val­günes perts dl monn n simbol de feminilité, ciodí pa? Ci é pa la cosmeticoressia? Chësc y deplü informaziuns podarëise ascuté sö tratan la trasmisciun. Program de Iris Del Valle.
30.07.
A ciaval de na roda che tira
Dales 13:45. La roda da munt eletrica, conesciüda porleplü sciöche e-bike da munt é de tendënza. Greta Canins nes cunta te chësc program val’por­sura le meso de tra­sport che ti á pormetü a cotan de amanc dla roda, da pedalé y arjunje te cört tëmp destina­ziuns sö alalt tla munt. N program de Sara Frenner.
31.07.
Pest Ostana ence a Stefen Dell’Antonio Monech
Dales 19:05. L pest Ostana, n event internazionèl de la biodesvalivanza linguistica é spartì te desvalives setores e l’é n moment de confront e dialogh sciantif e originèl che chest an à tout ite scritores del Burkina Faso, Kurdistan e tropes de etres. l pest per la mendranzes storiches de la Tèlia, che é stat vent dal ladin fascian Stefen Dell’Antonio Monech. Program de Anna Mazzel.
01.08.
Zachei Zaolà – Stefano De Pinto
Dales 19:05. Chesta puntata de »Zachei Zaolà« la ne porta te na zità cognosciuda per esser la cuna del Renasciment; rica de architetures, de mèr­moi e de capolaores d’èrt. Jon donca a Firenze olache ne speta en coleament l’artist Stefano de Pinto che studia e laora aló. Program de Cinzia Pistoia.

Temp Lede
Atualmënter
Chino d’instà
Tla Biblioteca San Durich a Urtijëi uniràl mustrà de plu films per mutons y mutans, for de juebia dala 17:00: ai 1. y ai 8 de agost. L program di films ie da udëi te biblioteca.
Atualmënter
La Val: ala descurida dl paisc
Na ciacia al tesur particolara portará fora por le paisc da La Val chësc isté. Ara se trata de na spazirada interativa da na staziun al’atra, cun le tra­vert da ciafé la parora de solu­ziun, chirin les staziuns fora por paisc. Dötes les informa­ziuns y i materiai da pié ia ciafon tl ofize turistich da La Val.
Uni lunesc
Kids Night – juesc y dever­timënt per mutons y mutans
La Lia dl Turism de Sëlva nvieia a chësta manifestazion, che vën a s’l dé sun Plaza Nives te Sëlva dala 20:30 inant uni lunesc nchin ai 19 de agost.
Uni merdi
Marcià de prudoc dl luech
L pitl marcià de prudoc dl luech sun Pitla Plaza de Sant Antone a Urtijëi ie inò daviert. I stonc sarà davierc dala 15:00 nchin la 19:00, uni merdi nchin ai 10 de setëmber.
Uni merdi
Marcià tradiziunel di paures y di artejans
Uni merdi dai 25.06. inant, for dala 19:00 nchin la 22:30, saràl l marcià di paures y di artjenas tl zënter de Santa Cristina. Uni ena unirà pre­jentà n mestier da artejan y l ne mancerà nia ntrateni­mënt de mujiga.
Uni merdi
Te conte na storia
Tla Biblioteca Tresl Gruber a S. Cristina uniràl liet dant na storia adateda per mutons y mutans danter i 4 y i 9 ani, for de merdi, dala 09:30 nchin la 10:15.
Uni mierculdi
Marcià de sëures y de tradizions
Uni mierculdi dai 26 de juni nchin ai 7 de agost saràl sun Plaza Nives de Sëlva, for dala 14:30 nchin la 19:00, n marcià de sëures y de tradizions, ulache n possa ti cialé, purvé o cumpré de bela cosses dl artejanat tradiziunel y maië velch de bon dl raion.
Uni juebia
»Flying Aperitivo«
La manifestazion unirà fata da juni nchin tl scumenciamënt de setëmber, uni juebia, dala 18:00 nchin la 19.00 sun Pana. Ntan n viac sun l lift dai stuei da Pana de viers de Mont de Sëura y inò ju, pòssen se goder l bel udëi ora pra n aperitif y vel’ bon bucon leprò. Da bur’ tëmp vën la manifestazion spënta. L ie dase scrì ite nchin al di dant pra la Lia dl Turism de Santa Cristina o direta­mënter pra l mplant dla Mont Sëura.
Uni vënderdi
Cumpré ite da sëira a Urtijëi
La butëighes de Urtijëi sarà daviertes uni vënderdi sëira (nchin ai 16.08.) dala 21:00 nchin la 22:30.
Uni vënderdi
Butëighes daviertes te Sëlva
La butëiges de Sëlva sarà daviertes da ncuei inant uni vënderdi sëira nchin ai 23.08., for dala 21:00 nchin la 22:30.
26.07.
Sparkling Summer Nights a Urtijëi
N vënderdi ai 26 de lugio dala 21:00 inant puderàn se la lascé ji bona tl raion da jì a pe de Urtijëi: la butëighes sarà daviertes nchin la 22:30, i locai dajerà ora da bever y la grupa »The Giggers« sunerà de bela mujiga. Ncuei, vënderdi, saràl la »Sparkling Wine Night«.
26.07.
Festa por Luca Pescollderungg
Ai 6 de messé á Luca Pes­collderungg da La Ila davagné a Morzine tla Francia le titul de campiun dl monn de spar­tan race »ultra«. Sëgn él le paisc nadalin da La Ila che i fej festa. L’apuntamënt é por incö vëndres ai 26 de messé dales 18:00, tl parch dlungia la scora de schi da La Ila. Al gnará festejé le campiun y al ti gnará ince surandé n reco­nescimënt. Al ne mancia nia musiga dal ví, val’ da bëre y da mangé.
26.07.
Ilominaziun dla Tridentina
Incö vëndres ai 26 de messé dales 21:15 sön plaza de dlijia a Calfosch podarán odëi le grup de alpinisć »Croderes« che ilominëia la via ferata »Tridentina«. Tratan l’ilomi­naziun él la Müjiga Calfosch/Corvara che sona.
26. y 30.07. y 02.08.
Al Plan: Marcé da paur
Sön le marcé da paur »Agri­colart« a Al Plan ciafon de vigni sort de produc da nüsc lüsc. Le marcé vëgn tigní incö vëndres ai 26 de messé sön le lüch »Tlò Plazores«, en mertesc ai 30 de messé dan paiun y en vëndres ai 2 d’agost sön le lüch de Corcela, da­gnora dales 16:00 ales 19:00.
26.07-02.08.
Circen Dolomites Festival
Dai 26 de messèl per endrez de Circensema spetacoi sa mont e te piazes e teatres te paisc. En sabeda ai 27 da les 14:00 sun Vael gran spetacol de slackline, ai 30 da sera jogoleria su per Meida. Dai 31 ai 2 de aost ‘Soraga Circen Festa’ te Pra del Preve: ogne dì da les 18:00 jeghes per gregn e picoi e da sera spetacoi de jogoleria. Info: www.circendolomitesfestival.com.
28.07.
Soraga Ènema e Natura
En domenia ai 28 de messèl a La Gran Ciasa a Soraga da les 10:00 a les 19:00 vegn endrezà na giornèda dedichèda al benesser olistich ensema a n grop de profescionistes che mosciarà sia tecniches del bonstèr. Entrèda debant.
28.07.
Südtirol cujina
La show de »Südtirol kocht« ie per l terzo iede te Sëlva, n chëst ann pra la Utia Ciampac te Val, ai 28.07. dala 11:30 inant. Duc ie nviei a chësc evënt culinarich speziel.
28.07.
De dl Movimënt sön Piz La Ila
En domënia ai 28 de messé pó mituns y families tó pert a n de de animaziuns, dever­timënt y magia pro le parch Movimënt sön Piz La Ila. La manifestaziun mët man dales 10:30 y vá inant cina ales 12:00. I mituns pó ince se lascé depënje sö le müs.
28. y 30.07 y 01.08.
Kidshour – devertimënt por mituns sö alalt
Pro le parch »Movimënt« sön Piz Sorega vëgnel metü a jí ai 28 y ai 30 de messé, sciöche ince al 1. d’agost, jüc, anima­ziun y devertimënt por mituns da 5 a 10 agn. La manife­staziun vëgn tignida vigni mertesc, jöbia y domënia dales 13:30 ales 17:00, cina ala fin de setëmber. Iscriziuns online o ti ofizi turistics dl’Alta Badia.
29.07.
Corvara: Escurjiun sura le chefer
Tla cornisc dla iniziativa »Atira« vëgnel tigní en lönesc ai 29 de messé na escurjiun olache an pó imparé deplü sön le chefer dla scorza y i danns dla tempesta Vaia tl bosch de Ciaulunch. L’escur­jiun adöm cun Roland pëia ia dales 9:30 dal Planac sura Corvara. Iscriziuns online o ti ofizi turistics dl’Alta Badia.
30.07.
»Kids Day« a Al Plan
La Cooperativa Turistica Al Plan/San Martin inviëia al »Kids Day« pro la »spiaggetta« Ciamaor a Al Plan, en mertesc ai 30 de messé dales 14:00 ales 17:30. Al sará staziuns creatives, jüc d’ega y la posci­bilité da se lascé depënje sö. Dales 14:30 ales 15:30 vëgnel ince pité da se fá na roda cun le ciaval.
30.07.
Spëisa ladina a Pidrô
En mertesc ai 30 de messé dales 17:00 inant a Pidrô él les Patrones da La Val che fej tutres y spëisa ladina, deperpo che la Jonëza da paur dá fora da bëre y les botëghes resta davertes cina ales 20:00.
31.07.
Trix, sëira de juesc da mëisa per jëuni
N mierculdi ai 31.07. dala 19:30 inant tla biblioteca Tresl Gruber a S. Cristina. L vën pità juesc da mëisa per uniun. I juesc ve unirà cunsiei y spieghei dai cumëmbri dla lia Trix.
31.07.
Liejer y pastelné te biblioteca
Mutans y mutons dai 6 ai 10 ani puderà liejer y pastelné tla biblioteca Oswald von Wolkenstein te Sëlva, n mier­culdi ai 31 de lugio dala 09:30 nchin la 11:30.
31.07.
Cujiné te ütia
En mercui al 31 de messé dales 14:30 pón tó pert a n curs da cujiné tla Ütia Club Moritzino sön Piz La Ila, por imparé da fá cütles da pom. Iscriziuns online o ti ofizi turistics dl’Alta Badia.
01.08.
Oste imparé da carté?
Al 1., ai 8 y ai 13 d’agost dales 16:00 ales 18:00 pón imparé da carté. An s’incunta te biblioteca da La Val. Al é da s’anunzié ala mail laval@biblioteches.it . L’eté aconsiada é dai 9 agn insö.
01.08.
La Val: devertimënt por mituns
En jöbia al 1. d’agost pó mitans y mituns da 3 a 12 agn tó pert a n domisdé cun Silvia y pastelné cun materiai coiüs te bosch. An s’incunta dales 15:00 dan l’ofize turistich da La Val. Iscriziuns online o ti ofizi turistics dl’Alta Badia.
01.08.
Vins alaleria
La linia de degustaziuns de vins de Südtirol tl’Alta Badia vá inant. Al 1. d’agost dales 14:30 s’incunton pro le Sass Dlacia a San Ciascian, olache an pó ciarcé na seleziun de vins cöci adöm cun n somme­lier. Iscriziuns online o ti ofizi turistics dl’Alta Badia.
01.08.
Nos Ladins cun la Crusc Blancia
Tres l’iniziativa »Nos Ladins« pón descurí deplü sön le monn ladin y sön i mistiers de nosta jënt. En jöbia al 1. de agost dales 16:30 pón vijité cun Lu­kas la sënta dla Crusc Blancia a La Ila y imparé deplü sön le laur da volontar y ci che al ó dí da daidé tles munts. Iscriziuns online o ti ofizi turistics dl’Alta Badia.
01.08.
Leziuns de yoga
En jöbia al 1. d’agost dales 8:15 pón tó pert a na leziun de yoga tla natöra, sön Piz Sorega, adöm cun Alexandra. Iscriziuns online o ti ofizi turistics dl’Alta Badia.
02.08.
Storia de 15 menuc
La biblioteca de San Durich a Urtijëi nvieia mutons y mutans a unì a scuté su la »Storia de 15 menuc«,lieta dant da Nicoletta, n vënderdi ai 2 de agost dala 15:00.

Iadi y Jites
28.07.
Jita cun via fereda
La Lia da Mont Gherdëina nvieia a na jita cun via fereda sun la Piza de Peres sun Jëuf de Furcia, n dumënia ai 28 de lugio. L se trata de na via fereda bendebo’ ria. L vën pia via dala 06:00 daduman y unirà de reviers ntëur la 18.00. Per plu nfurmazions: 333/4377171.
31.07.
Raida di mejes sa Sacun
L Museum Gherdëina mët a jì na raida pra i mejes Mëune y Peza y ala dlieja da Sacun. N se anconta dala 9:00 tl Museum Gherdëina, ulache l sarà na ntroduzion ala storia y arpejon architetonica da paur de nosta valeda. La jita fina via sa Sacun dala 13:00 sa Somont pra la fermeda dla curiera. L vën furnà su cun l Citybus. Iscrizions: nchin al din dant, merdi, dala 18:00 tl Museum Gherdëina: 0471 797554.

Segres y Festes
28.07.
Sègra de Sèn’Anna a Muncion
En domenia ai 28 de messèl vegn fat sègra sa Muncion per Sèn’Anna. Messa da les 10:00 te la gejiola e dapò ma­rena, musega e jeghes per duc.
01.08.
Festa dla lintiernes: »L sucrët dla lintierna magica«
Pra la ntreda dl tunel dla ferata a S. Cristina vëniel metù a jì la festa dla lintiernes cun Nai­mana Casanova, che ntratenirà mutons y mutans cun mujiga y striunëc. La festa ie ai 1. de agost dala 20:30.
04.08.
Gran festa cun i guanc dala Gherdëina
N dumënia ai 4 de agost dala 16:30 inant saràl a Urtijëi la gran defileda tradiziunela »Gröden in Tracht«.

Chino
Atualmenter
Al chino de Tieser
En vender ai 26, sabeda ai 27 e lunesc ai 29 da les 21:15 l é »Deadpool Wolverine«, en mèrtesc ai 30 da les 17:15 en 3D e da les 21:15 en 2D e mercol ai 31 da les 17:15 en 2D l é »Inside Out 2«, mercol ai 31 da les 21:15 l é »Un mon­do a parte« (biliet a 3,50 euro). En jebia prum de aost da les 17:15 »Robinson Crusoe« (3,50 euro) e da les 21:15 »Deadpool Wolverine«. Program su www.cinema tesero.com

Publizistica
19., 24. y 27.07.
Incuntades cun l’autur tl’Alta Badia
Chisc é i apuntamënc di pro­scims dis: ai 27.07. a Corvara: »Vivere la montagna« de Paolo Crepaz; ai 30.07. dales 17:30 a Corvara: »Lo statuto delle lavoratrici« de Irene Soave; al 01.08. dales 17:30 a Cor­vara: »Discorso per un amico« de Erri de Luca; ai 03.08. dales 17:30 a Corvara: »A te vicino così dolce« de Serena Bortone. Dötes les incuntades vëgn tignides tl salf dles manifestaziuns.

Dotours
Dutor Gherdëina
L dutor de servisc da n sada ai 27.07. dala 08:00 daduman nchin la 08:00 daduman de n lunesc ai 29.07. ie l dutor Giuliano Piccoliori de S. Cristina, tel. 0471 792282 o 348 3301004.
Doturs Val Badia
Tla fin dl’edema di 27 y 28 de messé él en sorvisc ti co­muns de Badia, Corvara y La Val le dotur Alberto Caretta, Badia, tel. 0471 839706 o 380 3161999. Ti comuns de Mareo y San Martin él en sorvisc la doturia Margherita Righini, tel. 348 6351943.

Apoteches
Apoteca Val Badia
L’apoteca en sorvisc fora dl orar ordinar, dal vëndres ai 26 de messé dales 19:00 al vëndres ai 2 de agost ales 19:00, é chëra da La Ila, tel. 0471 847152.
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 26.07. nchin n vënderdi ai 02.08. ie chëla de Sëuc, tel. 0471/708970 (orar de giaurida lu-ve 8.30-12.30/15.00-19.00, sada 8.30/12.30. Turnus: 9.00-12.00).

Mostres y Ert
Atualmënter
Mostra de depënc de Giuseppe de’ Spagnolis
Tla biblioteca Tresl Gruber a S. Cristina iel metui ora depënc de Giuseppe de’ Spagnolis, nchin ai 4 de agost. La mostra ie davierta for ntan i orares dla biblioteca.
Atualmënter
Mostra »Cumpedan i invierns«
La Galaria Doris Ghetta nvieia ala mostra de Aron Demetz dal titul »Cumpedan i invierns«, che resterà da udëi nchin ai 7 de setëmber.
Atualmënter
Bienela Gherdëina
Ala nona edizion dla Bienela Gherdëina, dal titul »The Parliament of Marmots« y pra chëla che l fej pea bën 35 artisć:tes, puderàn ti cialé nchin ai 1. de setëmber. I lëures ie metui ora a Puntives, tl zënter de Urtijëi y te de plu posć. Per plu nfurmazions y vijites menedes: 393/9323927, www.biennalegherdeina.it
Atualmënter
Mostra »Banda«, de Michel Bernardi
L Circolo de Urtijëi nvieia ala mostra persunela de Michel Bernardi dal titul »Banda«, che resterà da udëi nchin ai 4 de agost, dal merdi nchin dumënia dala 16:00–19:00 y de sada y dumënia nce dala 10:00 nchin la 12:00.
Atualmënter
Armin Grunt – Dialogh
L Tublà da Nives te Sëlva nvieia ala mostra »Dialogh« de Armin Grunt. La mostra resta davierta nchin a n du­mënia, 28 de lugio, uni di ora che de lunesc dala 16:00–19:00. De merdi, mierculdi y vënderdi nce dala 20:30–22:30.
Atualmenter
Mostra ‘Cosmo’ a Vich
Te scola populèra de Vich l é da poder veder fin ai 23 de aost la mostra »Cosmo–N univers da descorir« endrezèda da la Coprativa sozièla Inout, con chisc oraries: duc i dis da les 15:00 a les 19:00 e de lunesc e de mercol ence da les 20:00 a les 22:00. Per vijita vidèdes chiamèr l nr 331 7959354.
Atualmenter
Matthias Sieff a la Trienala de Bad Ragaz
L cognosciù artist da Ciam­pedel Matthias Sieff tol pèrt con sia gran operes a »Bad RagARTz« la maor esposizion de scultures a l’averta d’Eu­ropa, te chesta sia IX edizion dal titol »Presente«. Tel Gies­senpark de la zitadina termala svizera l é operes de 88 artisć. Les resta fora fin a la fin de otober.
Atualmënter
Mostra »Raisc« de Markus Moling
Cina ai 4 d’agost él da odëi tl gran salf dl Istitut Ladin a San Martin la mostra »Raisc« de Markus Moling. Ara é daverta vigni de dales 10:00 ales 12:00 y dales 15:00 ales 19:00.
Atualmënter
Sprotte tl Museum Ladin
Tl Museum Ladin Ciastel de Tor él da odëi cina ai 30 de setëmber la mostra »Siegward Sprotte. Nord süd, la geografia dl’ert«.
Atualmënter
Mostra: »Countdown to mass extinction?«
Le Museum Ladin inviëia da jí a ti ciaré ala mostra speziala »Countdown to mass ex­tinction?«, che é da odëi fina ai 3 de novëmber tl Museum Ciastel de Tor. La mostra se dá jö cun la plü gran estinziun de massa tla storia dla tera, en relaziun cun la crisa cli­matica da sëgn.
Atualmënter
Mostra »Ega« a Corvara
Tl salf dles manifestaziuns da Corvara él da odëi cina ai 9 d’agost na mostra söla te­matica dl’ega y dles Dolomites. La mostra é daverta dal lönesc ala sabeda dales 8:00 ales 12:00 y dales 15:00 ales 19:00; la domënia dales 9:00 ales 12:00 y dales 16:00 ales 18:00.
02.08.
Inauguraziun de na opera nöia sön le Tru di artisć
En vëndres ai 2 de agost dales 11:00 gnarál inauguré na opera nöia sön le Tru di artisć. Ara se trata dl’opera »Sentí« dl artist Walter Moroder, che vëgn metüda fora sön le tru do l’ega a San Ciascian, apresciapüch ala per dl hotel Rosa Alpina. Düc é inviá da tó pert al’inauguraziun.

Sozial
Atualmënter
Picolin: portina por l’assistënza y cura
La Portina por l’assistënza y cura é daverta trëi iadi al’ede­ma: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun soziosanitar a Picolin, tl’alzada a tera sön la man ciampa. Chiló vëgnel dé informaziuns y sostëgn por les chestiuns che reverda le guern y l’assi­stënza.
Atualmënter
»Club Boé«
Le grup de autoaiüt »Club Boé« por problems de alcol o d’atres dependënzes s’incunta vigni mertesc dales 20:00, tla Ciasa di Stüdafüch a La Ila altaite. Les porsones de referimënt é Hubert (tel. 339 1698343) y Methilde (tel. 335 6977604).
Atualmënter
Bancarela dl mangé a Badia
La bancarela dl mangé é da­verta le proscim iade ezezio­nalmëter le mercui ai 14.08., dales 9:30 ales 10:30. Al vëgn dé fora da mangé a dötes les porsones dla Val Badia che á debojëgn.
Atualmënter
Ciamena dal guant a La Ila
La Ciamena dal guant »Neo­res« a La Ila é daverta vigni vëndres dales 14:00 ales 15:30. An pó dé jö guant y cialzá nia roviná y nëc por mituns da 0 a 14 agn, sciöche ince tasces da scora, elms da jí cun la roda, panolins. An pó spo se tó ci che an adora, por na spënora de 1,00€ por vigni toch – che vá a fin de bëgn.
Atualmënter
Abineda de roba de scola
Abineda de purghes, flucions y roba de scola per la grupa de San Vinzënt de Bulsan. Chi che ëssa velch da dé ca–prëibel mé roba nëta y nia revineda–possa l fé nchin ai 04.08., cherdan su l numer 366/4084919 (Nadia Insam).
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani de Gher­dëina a se nuzé de chësc ser­visc che vën pità uni merdi dala 12:00 ti trëi luesc de Gher­dëina (Urtijëi Cësa de Cultura; S. Cristina Cësa de Chemun; Sëlva Stua di Senio­res). L ie da se lascé nuté su nchin al di dant da mesdì, cherdan su: per Urtijëi l 333 7877095 (Marisa), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).

Avisc
Atualmenter
I oraries de Pedies
Pedies vegn moscià sul canal 10 de la televijion, Trentino TV, de sabeda da les 18:00 , de domenia da les 13:30 e de lunesc da les 11:30. Con Smart TV sul medemo canal se pel l veder canche se vel orian co la friza en su i sotcanai HBBTV, sot la ousc TML. Duc i video e filmac dac fora dal Comun General e da l’Union di Ladins é da poder veder ence sul canal Tv Ladina de Youtube.
Atualmenter
Pigui Experience te Museo Ladin de Fascia
Te Museo Ladin de Fascia, al priesc de 2 euro apede al biliet de entrèda, se pel tor pèrt al jech »Pigui Experience«, reality game che fèsc cogno­scer l sit archeologich de Mazin. Desponibol da la do­menia al vender da les 10:00 a les 12:00 e da les 15:00 a les 19:00 con prenotazions sul sit www.istladin.net.
Atualmenter
A spas te la sezions del Museo Ladin
Enscin ai 4 de setember se pel jir a veder la sezions sul teritorie del Museo Ladin e se pel ence tor pèrt al jech »A spas che spas« metan ensema l stempel de duta la sezions per ciapèr n bel don. L’entrèda é debant te dutes, fora che te la Mostra de La Gran Vera a Moena. Maor info e la mapa te Museo Ladin, tel. 0462.760182.
Atualmenter
I bec su la pedies de la Gran Vera
Per dut istà fin ai 4 de setember de mercol da les 16:00 i ser­vijes educatives del Museo Ladin endreza lo da la mostra La Gran Vera te Navalge a Moena »Caccia alla traccia« per bec dai 8 ai 13 egn. A paa­ment e debant con Fassa Guest Card. Endèna i gregn pel jir ite a veder la mostra a priesc rebassà. Prenotazion de obligh al 0462.760182.
Atualmenter
Oraries Museo Ladin de Fascia
L Museo Ladin de Fascia é avert enscin ai 10 de setember da la domenia al vender da les 10:00 a les 12:00 e da les 15:00 a les 19:00. De lunesc te chisc oraries l é l’atività per fa­milies »Giramuseo« e de mèrtesc da les 17:00 la vijita vidèda su prenotazion. Per gropes se pel ence la domanèr te etres oraries. Info e preno­tazions al 0462.760182.
Atualmënter
»Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauen helfenfrauenbruneck.it
Atualmënter
Iniziativa di ëi de Puster – MIP
L’ofize dla MIP – Männer­initiative Pustertal dëida i ëi y peri pro caji de separaziun y pîta aiüt te situaziuns de dificolté. L’ofize é tl Paternsteig nr. 1 a Bornech y é davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-pustertal.it
Atualmenter
Bonamans per la enrescida scientifica
Va inant la regoeta del Servije Sozièl CGF e Crousc Checena per didèr la enrescida scien­tifica a troèr neva terapies per salvèr la vita de chi che à na malatia rèra. Vegn uzà fora n apel a duc i fascegn de moscèr sia solidarietà ence demò con un euro, da meter sul cont de Crousc Checena Fascia e Fiem a la FPB Cassa, IBAN: IT 30 T 08140 35780 000002058997.
Uni lunesc
La Coa: ancuntedes per genitores
Uni lunesc dala 09:30 nchin la 11:00 puderàn se ancunté tl local Matada a Urtijëi per sté deberieda danter mu­tons:ans, mamis y tatis y chi che deventerà tosc genitor. Sëuraprò saràl l mesun de damandé cunsëies a espertes.
26/31.07.
Moena Incontri
Per la rassegna ‘Moena In­contri’te piaz Perle Alpine da les 17:30: anché vender ai 26 de messèl vegn prejentà l ultim liber de Andrea Vitali dal titol »Sua eccellenza perde un pezzo«; mercol ai 31 scontrèda con Carlo Cottarelli per re­jonèr de che che sozede dalbon te la cambres del poder.
27.07.
Marcià di pulesc
L VKE y l Podl met a jì n mar­cià di pulesc per mutons y mutans fat da mutons y mutans. Dala 15:00 nchin la 17:30 sun Plaza Rezia a Urtijëi, ulache mutans y mutons pie­terà cosses de segonda man.
29.07.
Gino Cecchettin a Poza
En lunesc ai 29 de messèl da les 21:15 te Piaz de Comun de Sèn Jan a Poza, per la rasse­gna »Ad alta voce« rencurèda da Virna Pierobon, scontrèda con Gino Cecchettin, l père de Giulia, che rejonarà de speranza do la tragedia che à tocià sia familia.
01.08.
Tamara Lunger a Cianacei
En jebia al prum de aost da les 21:00 per la rassegna »Ca­nazei Campo Base« te Piaz Marconi (se l é burt te Chino Marmolèda) Tamara Lunger rejonarà de sia impreses alpinistiches sora i Otmile.
09.08.
Grasso e Dellai con Ispirazions d’istà
En vender ai 9 de aost da les 21:15 a La Gran Ciasa a So­raga, tel chèder de la rassegna ‘Ispirazions d’istà 2024’ la Comiscion per la cultura de la parochies de Fascia porta dant na scontrèda con Loren­zo Dellai e Giovanni Grasso che rejonarà de ‘La politica él servije?’.

Mujiga
26.07 y 02.08.
Conzerc dla Musiga da La Pli
Incö vëndres ai 26 de messé y en vëndres ai 2 d’agost, dagnora dales 21:00, él sön paiun d’Al Plan n conzert dla Musiga da La Pli.
27.07.
Conzert tl chît sön Boé
En sabeda ai 27 de messé dales 19:15 inant pón se gode le sorëdl che vá dojö sön Boé, acompagné da musiga ladina tl chît. Le cost dl’iscriziun é de 30,00€ y laite él la cherta dl lift, n aperitif, les cufies y na cutra. Iscriziuns online o ti ofizi turistics dl’Alta Badia.
27.07.
Jëuni Rocking Sëlva
Nce chëst ann mët i Jëuni de Sëlva a ji l festival de mujiga, n sada ai 27 de lugio dala 18:00 inant sun Plaza de Che­mun te Sëlva. L sarà na bela sëira de mujiga cun aurela curta, zeche de bon da maië y da bever. L sunerà i Plumac, InBetween y i Madax.
27. y 28.07.
Conzerc di Kyrios »Emoziuns – Can you hear...? Can you feel...?«
Le cor jonil »Kyrios« de Badia inviëia a conzerc particolars, dal titul »Emoziuns – Can you hear...? Can you feel...?«. I conzerc é en doman sabeda ai 27.07. te dlijia de ploania a Bornech y en domënia ai 28.07. te dlijia de Badia, dagnora dales 21:00.
28.07.
Matinée cun »Arton Duo« y la grupa de corni da mont »Ladinia«
N dumënia ai 28 de lugio dala 10:30 inant sun Pana pra l lech.
28.07.
Cianté y soné sön munt
En domënia ai 28 de messé dales 13:30 inant pón aldí tla Ütia da Rît a La Val le grup »Arton Duo« cun Mattia y Giovanni Demetz.
28.07.
Conzert de musiga classica y sacrala
En domënia ai 28 de messé dales 21:15 él te dlijia da Cor­vara n conzert de musiga classica y sacrala, cun n grup de archëc dal Friul y dal Venet, sot la direziun de Guido Freschi.
30.07/07.08.
Conzerc del Ensemble Canticum Novum
L Ensemble Canticum Novum da Moena con sie diretor Ilario Defrancesco porta dant n nef program de conzerc de musega sacra dal titol »Suoni Sospesi«. Apuntament en mèrtesc ai 30 de messèl da les 21:00 te gejia parochiala de Tieser e en mercol ai 7 de aost semper da les 21:00 te gejia de Sèn Vigile a Ciavaleis.
30.07.
Cunzert Ensemble »Philomousia«
Tl pavillon dla Plaza de Che­mun de Sëlva vëniel metù a jì n cunzert dl ensemble de stru­mënc a flà »Philomousia«, n merdi ai 30 de lugio dala 21:00.
31.07.
Cunzert di Bozen Brass
Tl Zënter Iman a S. Cristina fajerà i Bozen Brass n cunzert ai 31 de lugio dala 21:00 inant.
01.08.
Cunzert dla Mujiga de Sëlva
La Mujiga de Sëlvai sunerà n juebia ai 1. de agost dala 21:00 sun Plaza de Chemun te Sëlva.
01.08.
Cunzert dla Mujiga de Urtijëi
La Mujiga de Urtijëi sunerà n juebia ai 1. de agost dala 21:00 sun plaza de dlieja San Durich a Urtijëi.
01/04.08.
Panorama Music te Fuciada e a Pera
En jebia al prum de aost da les 11:30 al Refuge Fuciade tel chèder de la rassegna ‘Fascia Panorama Music’ l é la musega de ‘Barraccone Express’ con Paolo Xeres, Edoardo Tomaselli, Luca Radaelli e Stefano Geri. En domenia ai 4 de aost da les 17:00 al For You Bistrot a Pera l é Marco Delladio & Matteo Rossetto.
02.08.
Serada folcloristica y conzert
En vëndres ai 2 d’agost dales 21:00 él sön paiun da San Martin na serada folcloristica cun conzert dla Musiga da San Martin de Tor.
02.08.
Badia Music Days
Dai 2 ai 4 d’agost vëgnel tigní pro le paiun de Badia le festival »Badia Music Days«, cun musiga pop, blues y rock, cun tribute bands y grups dl post. Le festival mët man le vëndres ai 2 dales 18:00.