La Usc di Ladins

Publizistica
Atualmënter
Incuntades cun l’autur tl’Alta Badia
Ultimes incuntades: ai 10.08. dales 17:30 tl salf dles manife­staziuns a Corvara: »Il tempo del corpo« de Antonella Viola; ai 13.08. dales 17:30 a Cor­vara: »Dentro il Palazzo« de Carlo Cottarelli; ai 14.08. dales 10:30 tla Ütia Piz Boé Alpine Lounge »L’amore non lo vede nessuno« de Giovanni Grasso; ai 16.08. dales 17:30 pro le lech biotop da Corvara: »Il sentiero selvatico« de Matteo Righetto.
11-14.08.
N liber – na mont
Per la lingia dla ancuntedes cun i autëures iel n juebia ai 11 de agost dala 17:30 a Urtijëi tla Cësa de Cultura l’ancun­teda cun Carlo Cottarelli, scri­tëur dl liber »Dentro il Palazzo«. Y ai 14.08. dala 17:30 a Urti­jëi tla Cësa de Cul­tura l’an­cun­teda cun Mar­tina Casa­­nova Fuga, scritëura dl liber »Come stelle aggrap­pate al cielo«.

Mostres y Ert
Atualmënter
Mostra »Introjektion« de Gehard Demetz
L Tublà da Nives te Sëlva nvieia ala mostra »Introjektion« de Gehard Demetz, che resterà da udëi nchin ai 8 de setëmber, uni di dala 16:00–19:00, de merdi, mierculdi y vënderdi nce dala 20:30–22:30. De lunesc iel stlut.
Atualmënter
Mostra coletiva »online to heaven«
Tla galaria Vijion a Puntives iel da udëi nchin ai 26 de agost la mostra coletiva dal titul »online to heaven«. Orares: dal lunesc nchin sada dala 16:00–19:00, o cherdan su l 338/2098697.
Atualmënter
Mostra »Cumpedan i invierns«
La Galaria Doris Ghetta nvieia ala mostra de Aron De­metz dal titul »Cumpedan i invierns«, che resterà da udëi nchin ai 7 de setëmber.
Atualmënter
Bienela Gherdëina
Ala nona edizion dla Bienela Gher­dëina, dal titul »The Parlia­ment of Marmots« y pra chëla che l fej pea bën 35 artisć:tes, puderàn ti cialé nchin ai 1. de setëmber. I lëures ie metui ora a Puntives, tl zënter de Urtijëi y te de plu posć. Per plu nfurmazions y vijites menedes: 393/9323927, www.biennalegherdeina.it
Atualmenter
Mostra ‘Cosmo’ a Vich
Te scola populèra de Vich l é da poder veder fin ai 23 de aost la mostra »Cosmo–N univers da descorir« endrezèda da la Coprativa sozièla Inout, con chisc oraries: duc i dis da les 15:00 a les 19:00 e de lunesc e de mercol ence da les 20:00 a les 22:00. Per vijita vidèdes chiamèr l nr 331 7959354.
Atualmenter
Matthias Sieff a la Trienala de Bad Ragaz
L cognosciù artist da Ciam­pedel Matthias Sieff tol pèrt con sia gran operes a »Bad RagARTz« la maor esposizion de scultures a l’averta d’Euro­pa, te chesta sia IX edizion dal titol »Presente«. Tel Gies­senpark de la zitadina termala svizera l é operes de 88 artisć. Les resta fora fin a la fin de otober.
Atualmënter
Sprotte tl Museum Ladin
Tl Museum Ladin Ciastel de Tor él da odëi cina ai 30 de setëmber la mostra »Siegward Sprotte. Nord süd, la geografia dl’ert«.
Atualmënter
Mostra: »Countdown to mass extinction?«
Le Museum Ladin inviëia da jí a ti ciaré ala mostra speziala »Countdown to mass extinc­tion?«, che é da odëi fina ai 3 de novëmber tl Museum Ciastel de Tor. La mostra se dá jö cun la plü gran estinziun de massa tla storia dla tera, en relaziun cun la crisa clima­tica da sëgn.
Atualmënter
Mostra »Alta Badia – N ater punt de odüda«
Tl Buchladen am Rienztor a Bornech él da odëi la mostra de fotografies »Alta Badia – Anders gesehen«, de Wolfgang Rieger. Al é da Graz y maridé cun na ladina, porchël ál metü man da fá fotografies dla patria ladina, che descür motifs impreodüs, nia usuai, n’atra odüda dl raiun.
09.08.
Mostra de Simon Josef Rubatscher
»Asmara 2024« é le titul dla mostra de Simon Josef Ru­batscher, che vëgn daurida incö vëndres ai 9 d’agost dales 18:00 tl Istitut Ladin Micurá de Rü a San Martin de Tor. La introduziun ala mostra vëgn pitada da Lucia Piccol­ruaz; la mostra é da odëi dai 10 ai 25 d’agost, vigni de dales 10:00 ales 12:00 y dales 15:00 ales 19:00.
09.08.
Corps che se lieia
L Circolo–Lia Mostra d’Ert nvieia de cuer ala giaurida dla mostra »Corps che se lieia«, ncuei vënderdi ai 9 de agost dala 20:30 tl self dla Lia Mo­stra d’Ert. La mostra resterà da udëi nchin ai 1. de setëm­ber, dal merdi nchin la du­mënia, 17:00–20:00 y de sada y dumënia nce dala 10:00–12:00.
12.08.
Mostra sura les Dolomites
En lönesc ai 12 d’agost dales 18:00 él tl salf dles manife­staziuns a Corvara la daurida de na mostra sura les Dolo­mites, olache al é da odëi retrac di fotografs dla natöra Strix. La mostra é spo daverta cina ai 13 de setëmber, dal lönesc ala sabeda dales 8:00 ales 12:00 y dales 15:00 ales 19:00, la domënia y i santus dales 9:00 ales 12:00 y dales 16:00 ales 18:00.
16.08.
Mostra de Vespes
Sun Plaza Nives te Sëlva mët l Vespa Club Gherdëina a jì na mostra de vespes, n vën­derdi ai 16 de agost dala 19:30.

Temp Lede
Atualmenter
I bec su la pedies de la Gran Vera
Per dut istà fin ai 4 de setember de mercol da les 16:00 i ser­vijes educatives del Museo Ladin endreza lo da la mostra La Gran Vera te Navalge a Moena »Caccia alla traccia« per bec dai 8 ai 13 egn. A paa­ment e debant con Fassa Guest Card. Endèna i gregn pel jir ite a veder la mostra a priesc rebassà. Prenotazion de obligh al 0462.760182.
Atualmenter
Oraries Museo Ladin de Fascia
L Museo Ladin de Fascia é avert enscin ai 10 de setember da la domenia al vender da les 10:00 a les 12:00 e da les 15:00 a les 19:00. De lunesc te chisc oraries l é l’atività per families »Giramuseo« e de mèrtesc da les 17:00 la vijita vidèda su prenotazion. Per gropes se pel ence la domanèr te etres oraries. Info e prenota­zions al 0462.760182.
Atualmenter
Pigui Experience te Museo Ladin de Fascia
Te Museo Ladin de Fascia, al priesc de 2 euro apede al biliet de entrèda, se pel tor pèrt al jech »Pigui Experience«, reality game che fèsc cogno­scer l sit archeologich de Ma­zin. Desponibol da la domenia al vender da les 10:00 a les 12:00 e da les 15:00 a les 19:00 con prenotazions sul sit www.istladin.net.
Uni lunesc
Kids Night – juesc y deverti­mënt per mutons y mutans
La Lia dl Turism de Sëlva nvieia a chësta manifestazion, che vën a s’l dé sun Plaza Nives te Sëlva dala 20:30 inant uni lunesc nchin ai 19 de agost.
Uni merdi
Marcià de prudoc dl luech
L pitl marcià de prudoc dl luech sun Pitla Plaza de Sant Antone a Urtijëi ie inò daviert. I stonc sarà davierc dala 15:00 nchin la 19:00, uni merdi nchin ai 10 de setëmber.
Uni merdi
Marcià tradiziunel di paures y di artejans
Uni merdi, for dala 19:00 nchin la 22:30, saràl l marcià di paures y di artjenas tl zënter de Santa Cristina. Uni ena unirà prejentà n mestier da artejan y l ne mancerà nia ntratenimënt de mujiga.
Uni merdi
Te conte na storia
Tla Biblioteca Tresl Gruber a S. Cristina uniràl liet dant na storia adateda per mutons y mutans danter i 4 y i 9 ani, for de merdi, dala 09:30 nchin la 10:15.
Uni mierculdi
Marcià de sëures y de tradizions
Uni mierculdi nchin ai 7 de agost saràl sun Plaza Nives de Sëlva, for dala 14:30 nchin la 19:00, n marcià de sëures y de tradizions, ulache n possa ti cialé, purvé o cumpré de bela cosses dl artejanat tradi­ziunel y maië velch de bon dl raion.
Uni juebia
»Flying Aperitivo«
La manifestazion unirà fata da juni nchin tl scumenciamënt de setëmber, uni juebia, dala 18:00 nchin la 19.00 sun Pana. Ntan n viac sun l lift dai stuei da Pana de viers de Mont de Sëura y inò ju, pòssen se goder l bel udëi ora pra n aperitif y vel’ bon bucon leprò. Da bur’ tëmp vën la manifestazion spënta. L ie dase scrì ite nchin al di dant pra la Lia dl Turism de Santa Cristina o direta­mënter pra l mplant dla Mont Sëura.
Uni vënderdi
Cumpré ite da sëira a Urtijëi
La butëighes de Urtijëi sarà daviertes uni vënderdi sëira (nchin ai 16.08.) dala 21:00 nchin la 22:30.
Uni vënderdi
Butëighes daviertes te Sëlva
La butëiges de Sëlva sarà daviertes da ncuei inant uni vënderdi sëira nchin ai 23.08., for dala 21:00 nchin la 22:30.
Uni sada
Sunset Aperitif
Uni sada vëniel metù a jì dala DanterEat (stazion japé dla Dantercëpies) n aperitif dala 16:00 inant, per amiré coche l surëdl va dojù y la bela mon­tes, sambën dut cumpanià da de bela mujiga.
09.08.
VKE Fantasy Festival 2024
N vënderdi ai 9 de agost mët l VKE Gherdëina a jì n do­mesdì de juesc y devertimënt sun Plaza de Chemun de Sëlva, dala 14:30 nchin la 19:00.
09.08.
Ilominaziun dl Sassongher y solidarieté
Incö vëndres ai 9 d’agost dales 20:45 gnarál organisé la ilo­minaziun dl Sassongher, che gnará abelida dales melo­dies dla Müjiga Calfosch/Corvara, sön paiun de paisc. Te chësta ocajiun él ince le cogo Simone Cantafio che arjigna ca dales 20:30 inant n taí duc, por n contribut de 5,00€, che vá a fin de bëgn.
11.08.
»Calisthenics show« a Al Plan
En domënia ai 11 d’agost dales 18:00 vëgnel pité a Al Plan, tl parch da calisthenics tl raiun »Pes Pesc«, na desmo­straziun de chësta disciplina. Söl post sarál i campiuns na­zionai dl’Austria »The Gravity Brea­kers«.
11.08.
La majera jufa dl mond
Ai 11 de agost dala 21:00 inant uniràl fat la majera jufa dl mond sun Pra da Nives te Sëlva.
11., 13. y 15.08.
Kidshour – devertimënt por mituns sö alalt
Pro le parch »Movimënt« sön Piz Sorega vëgnel metü a jí ai 11, 13 y 15 d’agost jüc, ani­ma­­ziun y devertimënt por mi­­tuns da 5 a 10 agn. La ma­ni­festaziun vëgn tignida vigni mertesc, jöbia y domënia dales 13:30 ales 17:00, cina ala fin de setëmber. Iscriziuns online o ti ofizi turistics dl’Alta Badia.
12.08.
Le monn di fonguns
Tla cornisc dla iniziativa »Atira« vëgnel tigní en lönesc ai 12 d’agost na escurjiun olache an impara val’ deplü sön i fonguns: nia ma da i cöie, mo ince da i conësce fora, da i respeté y d’ater. An pëia ia cun Andrea, dales 9:30 a La Val. Iscriziuns online o ti ofizi turistics dl’Alta Badia.
13.08.
Domisdé a Pidrô
En mertesc ai 13 de agost dales 17:00 inant a Pidrô él les Patrunes da La Val che fej tutres y spëisa ladina, deperpo che la jonëza da paur dá fora da bëre y les botëghes resta davertes cina ales 20:00.
14.08.
Berstot di pitli y dla pitles
Ai 14 de agost, dala 14:30 nchin la 18:00, possa i:la mën­dri:es pastelné n »hotel per nsec« sun Pitla Plaza de S. Antone a Urtijëi. L lëur pude­ràn se tò pea a cësa. Da paië ite iel 15€.
14.08.
Trix, sëira de juesc da mëisa per jëuni
Ai 14.08. dala 19:30 inant tla biblioteca Tresl Gruber a S. Cristina. L vën pità juesc da mëisa per uni­un:a. I juesc ve unirà cunsiei y spieghei dai cumëmbri dla lia Trix.
14.–15.08.
Festa dla Gran Santa Maria
N ucajion dla festa dla Gran Santa Maria mët la grupa dla Lies de Sëlva a jì na festa sun Plaza de Chemun de Sëlva, n mierculdi ai 14 de agost dala 18:00 inant. La festa jirà inant n juebia ai 15 dala 10:30 inant. N giaperà da maië y da bever, dut sambën cum­panià da de bela mujiga.
15.08.
Defileda dla trohtes tradiziuneles te Sëlva
La defileda tradiziunela cun la trohtes, mujiga y bal pëierà via dala 16:00 tla streda Nives, per jì tres la streda Mëisules nchin sun Plaza de Chemun de Sëlva.
15.08.
Leziuns de yoga
En jöbia ai 15 d’agost dales 8:15 pón tó pert a na leziun de yoga tla natöra, sön Piz Sorega, adöm cun Alexandra. Iscriziuns online o ti ofizi turi­stics dl’Alta Badia.
16.08
Festa dla nëif a S. Cristina
La Scola de schi y snowboard de S. Cristina mët a jì na sëira de nëif y devertimënt d’instà, tl Zënter Iman dala 20:30 inant.
16.08.
De dl Movimënt sön Piz La Ila
En mertesc ai 6 de agost pó mituns y families tó pert a n de de animaziuns, devertimënt y magia pro le parch Movimënt sön Piz La Ila. La manifesta­ziun mët man dales 10:30 y vá inant cina ales 12:00. I mituns pó ince se lascé de­pënje sö le müs.
16.08.
»Danter ega y tera« te Ciasa dl Parch
En vëndres ai 16 d’agost dales 15:00 ales 16:30 él te Ciasa dl parch a Al Plan le laboratore Natöra de Daksy, por mitans y mituns da 6 a 12 agn. Le tema é »Tru dles Liondes – Le Rëgn de Fanes«. Al é da s’anunzié anter la jöbia dales 18:00 al 0474 506120.

Avisc
Atualmenter
I oraries de Pedies
Pedies vegn moscià sul canal 10 de la televijion, Trentino TV, de sabeda da les 18:00 , de domenia da les 13:30 e de lunesc da les 11:30. Con Smart TV sul medemo canal se pel l veder canche se vel orian co la friza en su i sotcanai HBBTV, sot la ousc TML. Duc i video e filmac dac fora dal Comun General e da l’Union di Ladins é da poder veder ence sul canal Tv Ladina de Youtube.
Atualmenter
A spas te la sezions del Museo Ladin
Enscin ai 4 de setember se pel jir a veder la sezions sul teritorie del Museo Ladin e se pel ence tor pèrt al jech »A spas che spas« metan ensema l stempel de duta la sezions per ciapèr n bel don. L’entrèda é debant te dutes, fora che te la Mostra de La Gran Vera a Moena. Maor info e la mapa te Museo Ladin, tel. 0462 760182.
Uni lunesc
La Coa: ancuntedes per genitores
Uni lunesc dala 09:30 nchin la 11:00 puderàn se ancunté tl local Matada a Urtijëi per sté deberieda danter mu­tons:ans, mamis y tatis y chi che deventerà tosc genitor. Sëuraprò saràl l mesun de damandé cunsëies a espertes.
9-13.08.
Dellai, Grasso e Bregantini a Ispirazions d’istà
Per la rassegna ‘Ispirazions d’istà 2024’ insnet vender ai 9 de aost da les 21:15 te La Gran Ciasa a Soraga Lorenzo Dellai e Giovanni Grasso rejona de la politica desche servije. En mèrtesc ai 13 da les 21:00 te gejia de Ciampedel Monsegnor Giancarlo Bre­gantini conta de sia esperienza de fe e umanità.
10.08.
Block the Car – demo cun la roda desdita
La Lia per Natura y Usanzes ëssa mëtù a jì na demo cun la roda per fermé l trafich de auti sun i jëufs ntëur al Mëi­sules. La fossa stata ai 10 de agost da Plan de Gralba nchin sun Jëuf de Frea. La mani­festazion ie unida desdita.
Matteo Righetto a Cianacei
En domenia ai 11 de aost da les 21:00 per la rassegna »Ca­na­zei Campo Base« te Piaz Marconi (se l é burt te Chino Marmolèda) l scritor Matteo Righetto rejonatà de sie ultim liber »Il sentiero selvatico«.
12.08.
Andrea Zannini a Poza
En lunesc ai 12 de aost da les 21:15 te Piaz de Comun de Sèn Jan a Poza, per la rassegna »Ad alta voce« rencurèda da Virna Pierobon, scontrèda col scritor Andrea Zannini che prejenta sie nef liber »Controstoria dell’alpinismo«.
15.08.
Festa di Omegn da mont
En jebia ai 15 de aost, en Sènta Maria Maor, a Ciampedel l é la Festa di Omegn da mont. Da les 9:10 se se troa te piaz veie, da les 9:30 messa zele­brèda da don Mario Bravin, da les 10:45 defilèda e come­morazion al monument de la guides col compagnament de la Musega Auta Fascia.

Sport
13.08.
Copa Ladina de hockey: HC Gherdëina vs. S.G. Cortina
Tl stadio Pranives te Sëlva uniràl a se l dé ai 13 de agost dala 20:45 l juech de Copa Ladina de hockey, danter l HC Gherdëina y l Cortina.
14.08.
Giro de le Notole
En mercol ai 14 de aost da les 21:00 a Moena vegn endre­zà la corsa a pe Giro de le Notole. Se ponta via e se rua te Piaz de Sotegrava, la corsa é averta a duc, l temp da bater é de 22 menuc. Iscrizions al gazebo te piaz ai 12 de aost da les 16:00 a les 19:00, ai 13 da les 10:00 a les 12:00 e da les 16:00 a les 19:00.

Mujiga
09.08.
Paolo e Gabriele Bernard en conzert
Insnet, vender ai 9 de aost da les 21:00 te piaz de Cianacei conzert ‘Un cielo di note’ de Paolo Bernard e so fi Gabriele al piano, se l é catitemp te chino Marmolèda.
10.08.
Panorama Music a La Grenz
En sabeda ai 10 de aost da les 21:30 a La Grenz, tel chè­der de la rassegna ‘Fascia Pano­rama Music’, l é l conzert de Carla Marcotulli Jazz Quintet.
11.08.
Matinée cun l Trio Acurdanza
Tla Cësa di Cungresc a Urtijëi saràl n matinée cun l Trio Acurdanza, n dumënia ai 11 de agost dala 10:30. L trio ie metù adum da Judith Piccol­ruaz, tlavier, Lilly Bozzetta, vidula y Egon Lardschneider, corn. La ntreda ie liedia.
12.08.
Serada jazz a Al Plan
En lönesc ai 12 d’agost dales 20:30 él sön paiun d’Al Plan na serada de musiga jazz, cun la »Big Band Intica«.
12/13.08.
Conzerc del Ensemble Canticum Novum
L Ensemble Canticum Novum da Moena con sie diretor Ilario Defrancesco porta dant n nef program de conzerc de musega sacra dal titol »Suoni Sospesi«. Apuntament en lunesc ai 12 de aost te gejia del Sacro Cher de Cianacei e ai 13 de aost te gejia de Sèn Vile de Moena.
13.08.
Parole de Faber te chino de Cianacei
En mèrtesc ai 13 de aost da les 21:00 te chino Marmolèda de Cianacei l é la band ‘I Not­turni’ che porta dant n conzert dut dedicà a Fabrizio De André. L cost del biliet é de 15 euro.
13.08.
Cunzert dl Bozen Brass
Sun Plaza de Chemun de Sëlva sunerà l ensemble Bozen Brass n merdi ai 13 de agost dala 21:00.
14.08.
Cunzert dla Mujiga de S. Cristina
La Mujiga de S. Cristina sunerà n mierculdi ai 14 de agost dala 21:00 tl Zënter Iman a S. Cristina.
14.08.
Tribut a De André
En mercol ai 14 de aost da les 21:15 a La Gran Ciasa a So­raga conzert en omaje del ciantautor Fabrizio De André con la paroles e la notes de Fabio Giongo da Soraga, istrutor, menacrep e pascionà de musega.
14.08.
Zucchero Tribute Show
Sun Plaza de Chemun de Sël­va sunerà y cianterà l »Zuc­chero Real Tribute Project« cun »Sugarlive« mujiga de Zucchero, l ciantarin talian scialdi cunesciù. L cunzert sarà ai 14 de agost dala 21:00 inant.
15.08.
Al Plan: conzert y ola dla fortüna
La Musiga d’Al Plan tëgn conzert en jöbia ai 15 d’agost, festa de Santa Maria dal Ciüf, dales 11:00 danmisdé, sön paiun de paisc. Al sará ince l’estraziun dla ola dla fortüna.
15.08.
Conzert dla Musiga da Rina
En Santa Maria dal Ciüf ai 15 d’agost dales 10:00 él n conzert dla Musiga da Rina, sön paiun de paisc.
15.08.
Conzert del Cor Valfassa
En jebia ai 15 de aost da les 21:15 tedant al ofize ApT de Vich l é l conzert del Cor Valfassa. Se l é catitemp l vegn fat te tendon de la manifesta­zions.
15.08.
Conzert del Coro Nosc
En jebia ai 15 de aost da les 21:00 te tendon jun Ischia de Ciampedel conzert del Coro Nosc de Soraga.
15.08.
Conzert de la Madona de Aost
En jebia ai 15 de aost da les 17:00 te piaz de Sotegrava de Moena conzert con Samantha e Alex Pederiva, ousc e compa­gnament musical, che portarà dant cianties pop, rock e jazz.
15.08.
Cunzert dla Gran Santa Maria
Sun Pitla Plaza Sant Antone a Urtijëi sunerà l ensemble »Le Muse« dala 21:30 inant. L ensemble ie metù adum da musizisć:tes de conservatorium dl nord dla Talia.
17.08.
Cunzert per orgun y celo
Tla dlieja de San Durich a Urtijëi saràl ai 17 de agost dala 21:00 n cunzert per orgun y celo, cun Philipp Fink y Maria Bozzetta.
18.08.
Tlavier che jola
Sun Plaza Nives te Sëlva saràl ai 18.08. dala 21:00 la perfor­mance de »Piano in volo«, ntan chël che l tlavier y la pianista unirà auzà cun palons a trëi metri dal fonz.

Iadi y Jites
14.08.
Raida di mejes sa Sacun
L Museum Gherdëina mët a jì na raida pra i mejes Mëune y Peza y ala dlieja da Sacun. N se anconta dala 9:00 tl Museum Gherdëina, ulache l sarà na ntroduzion ala storia y arpejon architetonica da paur de nosta valeda. La jita fina via sa Sacun dala 13:00 sa Somont pra la fermeda dla curiera. L vën furnà su cun l Citybus. Iscrizions: nchin al din dant, merdi, dala 18:00 tl Museum Gherdëina: 0471 797554.
24.08.
Jita cun la e-bike da Rein in Taufers nchin Burnech
La Lia da Mont Gherdëina mët a jì na jita cun la roda a lectrisc da Rein in Taufers su nchin sun l Klammljoch, do jù te Defreggental tl’Austria y inant sun l Staller Sattel y ju a Burnech. L se trata de na jita mesanmënter ria de 70 chilometri y n deslivel de 1.400 metri. Per nfurmazions y iscrizions (dai 12.–16.08.): 338 3340111.

Religion
15.08.
Gran Santa Maria
La Santa Mëssa per zelebré la Gran Santa Maria, ai 15 de agost, sarà dala 09:00 tla dlieja de San Durich. L unirà benedì craitles de medejina y ciofs, coche da tradizion. Do mëssa saràl la defileda dla trohtes tres l raion da jì a pe nchin sun Plaza de Sant An­tone, cumpanieda dala mujiga dl Trio Ladinia.

Dotours
Dutor Gherdëina
L dutor de servisc da n sada ai 10.08. dala 08:00 daduman nchin la 08:00 daduman de n lunesc ai 12.08. ie l dutor Simon Kostner de Sëlva, tel. 347 2297492. N l di dla Gran Santa Maria, ai 15.08., ie l dutor Valentin Tröbinger de Sëlva de servisc: tel. 0471 773073 o l 335 6844944.
Doturs Val Badia
Tla fin dl’edema di 10 y 11 d’agost él en sorvisc ti comuns de Badia, Corvara y La Val le dotur Guido Caretta, Cal­fosch, tel. 0471 836870 o 337 616080. Ai 14 y 15 d’agost él en sorvisc le dotur Giovanni Crivellaro, La Ila, tel. 348 0014266. Ti comuns de Mareo y San Martin él en sorvisc ai 10 y 11 d’agost la doturia Margarete Mahlknecht, La Val, tel. 349 0667034 o 0474 523018. Ai 14 y 15 d’agost él la doturia Stefania Febbraro, Al Plan, tel. 377 3288596.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 09.08. nchin n vënderdi ai 17.08. ie chëla de Fie, tel. 0471/725373 (orar: 8.30-12.30/15.00-19.00, sada 8.30-12.30, stlut mierculdi domesdì. Turnus: sa. 8.30-12.30/16.00-19.00, du. 10.00-12.00).
Apoteca Val Badia
L’apoteca en sorvisc fora dl orar ordinar, dal vëndres ai 9 de agost dales 19:00 al vën­dres ai 16 de agost ales 19:00, é chëra d’Al Plan, tel. 0474 501240.

Chino
Atualmenter
Al chino de Tieser
Anché vender ai 9 de aost da les 17:15 l é »Inside Out 2« e da les 21:15 »Trap«, che sarà da la medema ora ence en domenia ai 11. En sabeda ai 10 da les 17:15 e da les 21:15 e en domenia ai 11 demò da les 17:15 l é »Borderlands«. En lunesc ai 12 da les 21:00 la comedia de la filodramatica de Tieser »Mamma mia, che estate!« e en mèrtesc 13 da les 17:15 »Inside Out 2« e da les 21:15 »La Treccia«. En mercol ai 14 da les 21:00 conzert de la Banda de Tieser e en jebia ai 15 da le 17:15 »Borderlands« e da les 21:15 »Trap«. Program su www.cine matesero.com

Cursc
06. – 08.09.
Curs: Depënje tla natöra
Trëi dis dedicá ala pitöra, tl curs da depënje cun l’artista Silvia Nava, che vëgn tigní dai 6 ai 8 de setëmber. Le curs é alaleria tla Val Badia, y sce le tëmp é burt, spo tl pice salf de comun a La Val. Al curs pó tó pert chi che ó s’avijiné ala tecnica de pitöra a acuarel, o chi che ó l’apro­fondí. Al é da s’anunzié anter i 20 d’agost ala mail silvianava 13@gmail.com

Sozial
Atualmënter
Picolin: portina por l’assistënza y cura
La Portina por l’assistënza y cura é daverta trëi iadi al’ede­ma: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun soziosanitar a Picolin, tl’alzada a tera sön la man ciampa. Chiló vëgnel dé informaziuns y sostëgn por les chestiuns che reverda le guern y l’assi­stënza.
Atualmënter
»Club Boé«
Le grup de autoaiüt »Club Boé« por problems de alcol o d’atres dependënzes s’incunta vigni mertesc dales 20:00, tla Ciasa di Stüdafüch a La Ila altaite. Les porsones de referi­mënt é Hubert (tel. 339 1698343) y Methilde (tel. 335 6977604).
Atualmënter
Bancarela dl mangé a Badia
La bancarela dl mangé é da­verta le proscim iade ezezio­nalmëter le mercui ai 14.08., dales 9:30 ales 10:30. Al vëgn dé fora da mangé a dötes les porsones dla Val Badia che á debojëgn.
Atualmënter
Ciamena dal guant a La Ila
La Ciamena dal guant »Neo­res« a La Ila é daverta vigni vëndres dales 14:00 ales 15:30. An pó dé jö guant y cialzá nia roviná y nëc por mituns da 0 a 14 agn, sciöche ince tasces da scora, elms da jí cun la roda, panolins. An pó spo se tó ci che an adora, por na spënora de 1,00€ por vigni toch – che vá a fin de bëgn.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani de Gher­dëina a se nuzé de chësc ser­visc che vën pità uni merdi dala 12:00 ti trëi luesc de Gher­dëina (Urtijëi Cësa de Cultura; S. Cristina Cësa de Che­mun; Sëlva Stua di Se­niores). L ie da se lascé nuté su nchin al di dant da mesdì, cherdan su: per Urtijëi l 333 7877095 (Marisa), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).

Segres y Festes
10.08.
Sègra de Sèn Lorenz
Doman, sabeda ai 10 de aost, l é la sègra de Sèn Lorenz a Pera. Vegn dit messa da les 10:00 te la gejia veia dedichèda al Sènt e da les 18:00 te gejia parochiala. Da les 21:00 corteo storich dal Hotel Europa fin lo da calonia e lo conzert de la Musega de Poza e festa con loteria, musega e douces.
10.- 11.08.
Festa da d’instà di Destudafuech de S. Cristina
I Destudafuech de S. Cristina mët a jì la festa da d’instà ai 10 y 11 de agost tl Zënter Iman a S. Cristina. La festa scumëncia n sada dala 18:00. N dumënia sunerà vel’grupa dala 10:00 inant y dala 16:00 saràl pona la defileda de trohtes dla valedes ladines. L ne mancerà nia da maië y da bever.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
13.08.
Sport ladin
Dales 20:50 ca. Program de Diego Clara y Hartmann Mair­­hofer, a cura de Leo Senoner.
14.08.
L dauní udú dai ladins: rujené, cianté y scrì ladin
Dales 20:50 ca. Co cëlela pa ora al didancuei cun la ruje­neda ladina? Vëniela pa mo adurveda y cie iel pa de bujën de fé per la mantenì? Debe­rieda cun de plu esperc ons purvà a ti dé na resposta a chësta dumanda.Program de Elisabeth Kostner, a cura de Anna Mazzel.
15.08.
Cult rituai da inier y incö: Santuari de Souramont
Dales 20:50 ca. Program de Giulia Tasser y Hanspeter Kar­­bon, a cura de Alessandro Dapunt.

Radio
Ladinia Live
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00
13.08.
El pa mudà i turisc’?
Dales 14:45. Chi el pa i turisc’ che rua adalèrch te nosc raions aldidanché? Coluna eles pa si motivazions e enteresc de cognoscer e viver la monts? En rejonon col menajites Stefen Dell’Antonio. Condu­zion Anna Mazzel.
Dai Crëps dl Sela
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
14.08.
Noscia storia tres èrc e massarìes: pitores, scrigns e chieves
Dales 19:05. Depenjer ujes, armeres e scrigns l é semper stat n cust di pitores fascegn che se aea fat n inom ence foradecà recordon insnet i simboi, i colores e i viajes de chisc pitores. Apede a chest uzaron fora l segnificat di simboi e ence chel de la chie­ves. Program de Anelise Vian e Anna Mazzel.
15.08.
Zachei, zaolà: Valeria Battel
Dales 19:05. Isnet rejonaron de viajes e più avisa de chela sort de viajes fac per descorir l mond, per ruèr ite te neva cultures e neves pensieres. Valeria Battel, che de stémpei sul passaport la n’à na bela colezion, la ne contarà de sia esperienzes e la ne portarà a la descuerta de chel met de viajèr che no é ite ti percorsc tradizionèi del turism. Pro­gram de Cinzia Pistoia.