La Usc di Ladins

Temp Lede
Atualmenter
Pigui Experience te Museo Ladin de Fascia
Te Museo Ladin de Fascia, al priesc de 2 euro apede al biliet de entrèda, se pel tor pèrt al jech »Pigui Experience«, reality game che fèsc cogno­scer l sit archeologich de Ma­zin. Desponibol da la domenia al vender da les 10:00 a les 12:00 e da les 15:00 a les 19:00 con prenotazions sul sit www.istladin.net.
Atualmenter
Oraries Museo Ladin de Fascia
L Museo Ladin de Fascia é avert enscin ai 10 de setember da la domenia al vender da les 10:00 a les 12:00 e da les 15:00 a les 19:00. De lunesc te chisc oraries l é l’atività per families »Giramuseo« e de mèrtesc da les 17:00 la vijita vidèda su prenotazion. Per gropes se pel ence la domanèr te etres oraries. Info e prenota­zions al 0462.760182.
Atualmënter
La Val: ala descurida dl paisc
Na ciacia al tesur particolara portará fora por le paisc da La Val chësc isté. Ara se trata de na spazirada interativa da na staziun al’atra, cun le tra­vert da ciafé la parora de solu­ziun, chirin les staziuns fora por paisc. Dötes les informa­ziuns y i materiai da pié ia ciafon tl ofize turistich da La Val.
Atualmenter
I bec su la pedies de la Gran Vera
Per dut istà fin ai 4 de setember de mercol da les 16:00 i ser­vijes educatives del Museo Ladin endreza lo da la mostra La Gran Vera te Navalge a Moe­na »Caccia alla traccia« per bec dai 8 ai 13 egn. A paa­ment e debant con Fassa Guest Card. Endèna i gregn pel jir ite a veder la mostra a priesc rebassà. Prenotazion de obligh al 0462.760182.
18., 20. y 22.08.
Kidshour – devertimënt por mituns sö alalt
Pro le parch »Movimënt« sön Piz Sorega vëgnel metü a jí ai 18, 20 y 22 d’agost jüc, ani­­­maziun y devertimënt por mituns da 5 a 10 agn. La ma­ni­festaziun vëgn tignida vigni mertesc, jöbia y domënia dales 13:30 ales 17:00, cina ala fin de setëmber. Iscriziuns online o ti ofizi turistics dl’Alta Badia.
19.08.
Films de siur Josef Hurton
La Uniun dl Teater da La Val inviëia en lönesc ai 19 d’agost dales 20:30 tl salf dles mani­festaziuns da La Val por na serada olache al vëgn mostré films de siur Josef Hurton. Le pröm film tut sö dl 1982 a La Val trata la vita y les tra­­­­­­­diziuns da plüdadî, le se­cundo dl 1981 mostra la mëssa noela di miscionars siur Robert Sottara y siur Serafin Moling. La sëra vëgn abelida dal duo »Gota«.
20.08.
»Kids Day« a Al Plan
La Cooperativa Turistica Al Plan/San Martin inviëia al »Kids Day« pro la »spiaggetta« Ciamaor a Al Plan, en mertesc ai 20 d’agost dales 14:00 ales 17:30. Al sará staziuns crea­tives, jüc d’ega y la poscibi­lité da se lascé depënje sö. Dales 14:30 ales 15:30 vëgnel ince pité da se fá na roda cun le ciaval.
21.08.
La Val cunta
En mercui ai 21 d’agost dales 20:30 él tl salf dles manifesta­ziuns da La Val na serada cun Alfred Erardi, olache al vëgn mostré retrac vedli dl paisc. Lapró gnarál lit dant rimes de Felix Dapoz y al gnará cianté cianties popolares. Organisaziun: Consëi de Cöra.
21.08.
Trix, sëira de juesc da mëisa per jëuni y jëunes
N mierculdi ai 21.08. dala 19:30 inant tla biblioteca Tresl Gruber a S. Cristina. L vën pità juesc da mëisa per uni­un:a. I juesc ve unirà cunsiei y spieghei dai cumëmbri dla lia Trix.
21.08.
Sëira dala

• 
•  

View the embedded image gallery online at:
https://www.lausc.it/manifestazions-y-evenc/27713-manifestazions-atuales#sigProId48d8156ff7

gherdëina cun bai y mujiga
N mierculdi ai 21 de agost dala 21:00 sun Plaza de Che­mun te Sëlva.
21.08.
Pastelné cun materiai naturei
Sun Pitla Plaza de Sant An­tone a Urtijëi puderà i mëndri y la mëndres pastelné cun materiai naturei (puc, rames, pleces, ciofs, y n.i.), dala 14:30 nchin la 18:00.
21.08.
Marcià artejanel artistich
Sun Plaza Nives te Sëlva uniràl metù ora y vendù lëures fac a man da artejans y artisć. L marcià sarà ai 21.08. dala 09:00 inant.
21.08.
Defileda da noza cun l guant dala gherdëina
N mierculdi ai 21.08. dala 20.30 a S. Cristina da Plaza de Chemun demez nchin tl Zënter Iman, ulache l unirà spiegà la trohtes.
21.08.
A Spas co la musega
En mercol ai 21 de aost da les 21:00 a les 23:00 la Strada de Meida vegn serada al trafich (i auti pel jir en cajo dai Ciancoai) e la jent pel jir a pe e se goder le desvalive eji­­bizion de sonadores e gro­pes. No mencia valch bona cercia. L ultim apuntament sarà en mercol ai 4 de setember.
21.08.
Liejer y pastelné te biblioteca
Mutans y mutons dai 6 ai 10 ani puderà liejer y pastelné tla biblioteca Oswald von Wol­kenstein te Sëlva, n mierculdi ai 21 de agost dala 09:30 nchin la 11:30.
21. y 23.08.
S’incuntun te biblioteca
Mitans y mituns dla elemen­tara é bel inviá a n domisdé olache al vëgn cunté stories, fat jüc y pastelné: en mercui ai 21 d’agost dales 15:00 te biblioteca da Calfosch y en vëndres ai 23 d’agost dales 15:00 te biblioteca d’Al Plan.
22.08.
Sëira per mutons:ans
Na blòta sëira de aurela curta per mutons y mutans vën me­tuda a jì ai 22 de agost dala 20:30 tl Zënter Iman. »Daniele and friends« i fajerà devertì cun striunëc, mujiga y popes che rejona.
22.08.
Devertimënt por mituns
En jöbia ai 22 d’agost pó i mi­tuns da 7 a 12 agn tó pert a n domisdé cun Matteo dl Parch Natural Fanes – Senes – Braies y imparé val’ sura la natöra y i tiers de bosch. I mituns s’incunta dales 15:00 ite dala Capanna Alpina a San Ciascian. Iscriziuns online o ti ofizi turistics dl’Alta Badia.
22.08
Ueia de nëif a Urtijëi
La Scola de schi y snowboard de Urtijëi mët a jì na sëira de nëif y devertimënt, tl raion da jì a pe de Urtijëi, dala 20:00 inant. L unirà nuzei resć de nëif y dlacia dl stadio Pranives.
22.08.
Nos Ladins cun Katy
Tres l’iniziativa »Nos Ladins« án la poscibilité da descurí deplü sön le monn ladin y sön i mistiers de nosta jënt. En jöbia ai 22 d’agost pón incunté a San Martin la direturia dl Museum Ladin Ciastel de Tor Katy Moling. La vijita vëgn tigni­da dales 10:00 y an gnará mená cina a San Mar­tin. Iscri­­­ziuns online o ti ofizi turistics.
22.08.
Störies y jüc a La Val
En jöbia ai 22 d’agost dales 15:30 vëgnel tigní te biblioteca da La Val n domisdé cun stories y jüc. L’eté aconsiada é da 3 agn insö.
23.08.
»Chefer öspa y paol« te Ciasa dl Parch
En vëndres ai 23 d’agost dales 15:00 ales 16:30 él te Ciasa dl parch a Al Plan le laboratore Natöra de Daksy, por mitans y mituns da 6 a 12 agn. Le tema é »Chefer, öspa y paol – La biodiversité di insec«. Al é da s’anunzié anter la jöbia dales 18:00 al 0474 506120.
Uni lunesc
Kids Night – juesc y devertimënt per mutons y mutans
La Lia dl Turism de Sëlva nvieia a chësta manifestazion, che vën a s’l dé sun Plaza Nives te Sëlva dala 20:30 inant uni lunesc nchin ai 19 de agost.
Uni merdi
Te conte na storia
Tla Biblioteca Tresl Gruber a S. Cristina uniràl liet dant na storia adateda per mutons y mutans danter i 4 y i 9 ani, for de merdi, dala 09:30 nchin la 10:15.
Uni mierculdi
Marcià de sëures y de tradizions
Uni mierculdi nchin ai 7 de agost saràl sun Plaza Nives de Sëlva, for dala 14:30 nchin la 19:00, n marcià de sëures y de tradizions, ulache n possa ti cialé, purvé o cumpré de bela cosses dl artejanat tra­diziunel y maië velch de bon dl raion.
Uni juebia
»Flying Aperitivo«
La manifestazion unirà fata da juni nchin tl scumenciamënt de setëmber, uni juebia, dala 18:00 nchin la 19.00 sun Pana. Ntan n viac sun l lift dai stuei da Pana de viers de Mont de Sëura y inò ju, pòssen se goder l bel udëi ora pra n aperitif y vel’ bon bucon leprò. Da bur’ tëmp vën la manifestazion spënta. L ie dase scrì ite nchin al di dant pra la Lia dl Turism de Santa Cristina o direta­mënter pra l mplant dla Mont Sëura.
Uni vënderdi
Cumpré ite da sëira a Urtijëi
La butëighes de Urtijëi sarà daviertes uni vënderdi sëira (nchin ai 16.08.) dala 21:00 nchin la 22:30.
Uni vënderdi
Butëighes daviertes te Sëlva
La butëiges de Sëlva sarà daviertes da ncuei inant uni vënderdi sëira nchin ai 23.08., for dala 21:00 nchin la 22:30.
Uni sada
Sunset Aperitif
Uni sada vëniel metù a jì dala DanterEat (stazion japé dla Dantercëpies) n aperitif dala 16:00 inant, per amiré coche l surëdl va dojù y la bela montes, sambën dut cumpanià da de bela mujiga.

Mostres y Ert
Atualmënter
Sprotte tl Museum Ladin
Tl Museum Ladin Ciastel de Tor él da odëi cina ai 30 de setëmber la mostra »Siegward Sprotte. Nord süd, la geografia dl’ert«.
Atualmënter
Corps che se lieia
L Circolo – Lia Mostra d’Ert nvieia de cuer ala mostra »Corps che se lieia«, che resterà da udëi tl self dla Lia nchin ai 1. de setëmber, dal merdi nchin la dumënia, 17:00–20:00 y de sada y dumënia nce dala 10:00–12:00.
Atualmënter
Mostra »Introjektion« de Gehard Demetz
L Tublà da Nives te Sëlva nvi­eia ala mostra »Introjektion« de Gehard Demetz, che re­sterà da udëi nchin ai 8 de setëmber, uni di dala 16:00–19:00, de merdi, mierculdi y vënderdi nce dala 20:30–22:30. De lunesc iel stlut.
Atualmenter
Mostra ‘Cosmo’ a Vich
Te scola populèra de Vich l é da poder veder fin ai 23 de aost la mostra »Cosmo - N univers da descorir« endrezèda da la Coprativa sozièla Inout, con chisc oraries: duc i dis da les 15:00 a les 19:00 e de lunesc e de mercol ence da les 20:00 a les 22:00. Per vijita vidèdes chiamèr l nr 331 7959354.
Atualmenter
Matthias Sieff a la Trienala de Bad Ragaz
L cognosciù artist da Ciam­pedel Matthias Sieff tol pèrt con sia gran operes a »Bad RagARTz« la maor esposizion de scultures a l’averta d’Eu­ropa, te chesta sia IX edizion dal titol »Presente«. Tel Gies­senpark de la zitadina termala svizera l é operes de 88 artisć. Les resta fora fin a la fin de otober.
Atualmënter
Mostra:

• 
•  

View the embedded image gallery online at:
https://www.lausc.it/manifestazions-y-evenc/27713-manifestazions-atuales#sigProId48d8156ff7

»Countdown to mass extinction?«
Le Museum Ladin inviëia da jí a ti ciaré ala mostra speziala »Countdown to mass extin­ction?«, che é da odëi fina ai 3 de novëmber tl Museum Ciastel de Tor. La mostra se dá jö cun la plü gran estinziun de massa tla storia dla tera, en relaziun cun la crisa clima­tica da sëgn.
Atualmënter
Mostra »Alta Badia – N ater punt de odüda«
Tl Buchladen am Rienztor a Bornech él da odëi la mostra de fotografies »Alta Badia – Anders gesehen«, de Wolfgang Rieger. Al é da Graz y maridé cun na ladina. Porchël ál metü man da fá fotografies dla patria ladina, che descür motifs impreodüs, nia usuai, n’atra odüda dl raiun.
Atualmënter
Mostra de Simon Josef Rubatscher
»Asmara 2024« é le titul dla mostra de Simon Josef Ru­batscher, che é da odëi tl Istitut Ladin Micurá de Rü a San Martin de Tor. Ara é ciamó daverta cina ai 25 d’agost, vigni de dales 10:00 ales 12:00 y dales 15:00 ales 19:00.
Atualmënter
Mostra coletiva »online to heaven«
Tla galaria Vijion a Puntives iel da udëi nchin ai 26 de agost la mostra coletiva dal titul »on­line to heaven». Orares: dal lunesc nchin sada dala 16:00–19:00, o cherdan su l 338/2098697.
Atualmënter
Mostra »Cumpedan i invierns«
La Galaria Doris Ghetta nvie­ia ala mostra de Aron Demetz dal titul »Cumpedan i in­vierns«, che resterà da udëi nchin ai 7 de setëmber.
Atualmënter
Mostra sura les Dolomites
Cina ai 13 de setëmber pón odëi tl salf dles manifestaziuns a Corvara na mostra sura les Dolomites, cun retrac di foto­grafs dla natöra de Südtirol – Strix. La mostra é daverta dal lönesc ala sabeda dales 8:00 ales 12:00 y dales 15:00 ales 19:00, la domënia y i santus dales 9:00 ales 12:00 y dales 16:00 ales 18:00.
16.08.
Mostra de Vespes
Sun Plaza Nives te Sëlva mët l Vespa Club Gherdëina a jì na mostra de vespes, ncuei vënderdi ai 16 de agost dala 19:30.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
20.08.
S-Link: enrescides per averjer orizonc
Dales 20:50 ca. L’inovazion tecnologica ti desvalives ciam­pes de la scienza la va semper più inant. Te chesta puntata de Slink fajon n saut te pro­vinzia de Trent, olache à senta doi emportanc istituc de enre­scida che met en esser studies e projec col zil de con­tribuir al svilup de neves saeres. Pro­gram de Cinzia Pis­toia, a cura de Anna Mazzel.
21.08.
L dauní udú dai ladins: L ladin y i:la ladins:es:
Dales 20:50 ca. Co cëla pa ora si daunì? Rujenerà pa mo nce nosc mutons y nosta mu­tans ladin? Puderai pa resté a viver y a lauré te nosta vale­des? Saràl pa mo lerch per i ladins, si cultura y rujeneda? Deberieda cun de plu esperc ons purvà a ti dé na resposta a chësta duman­des. Program de Elisabeth Kostner, a cura de Anna Mazzel.
22.08.
Deboriada: L mond tres i uedli di jeuni (2 pert)
Dales 20:50 ca. Te n mond ulache per l solit rejona i granc di jëuni, auzan ora si bona y manco bona cualiteies, uel chësc documenter te doi pertes sotrissé l pont de ududa di jëuni. Uniun autramënter, cun si nteresc, reflescions, speranzes y tëmes. Sun l troi dl madurì di per di, conti mpue de si raport cun la tec­nologia, cun l tëmp liede y cun l sport. Program y cunzet: Ivan Senoner, tai: Georg Penn, a cura de: Leo Senoner.

Radio
Atualmenter
Ladinia Live
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
20.08.
Edli acorc y grifes taiëntes
Dales 14:45. Le parch di düli a Al Plan é n’atraziun turistica, mo ince didatica. Passa 100 é i esemplars de vicí da rapina che an pó odëi te chësta stro­töra. N program de Sara Frenner.
21.08.
Val Sinergia Festival
Dales 14:45. Ghest: Gabriel Prada, conduzion Cinzia Pistoia.
Atualmenter
Dai Crëps dl Sela
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
07.08.
Cuartet leterer – »Gezahnt wie der Kiefer eines Alligators«
Dales 19:05. L cuartet leterer, program de descuscion sun opres letereres, cun autores y critics de leteratura ladina njnuet n terzet prejënta l’au­tora Ingrid Runggaldier per rujené de si liber »Gezahnt wie der Kiefer eines Alligators« – »Dentà sc’che n gramblin de n aligator«. N program de Rut Bernardi cun Roland Verra y Mateo Taibon, a cura de Anna Mazzel.
22.08.
N sëgn por dagnora
Dales 19:05. Le tatuaje é na ert praticada sura döt le monn y de gran moda incö. Debo­riada cun le tatuadú y artista Fa­brizio Senoner ti junse do ala storia dl tatuaje y a sua evolu­ziun. N program de Sara Frenner.

Segres y Festes
16/17/18.08.
Sègra de Sèn Roch e Sèn Bastian
L Grop de la Mèscres de Dèlba e Penia endreza trei dis de festa per la sègra lo da la Sia de Penia. En vender ai 16 i aur la festa da les 18:00, en sabeda ai 17 i taca ite da les 11:00 e da les 18:00 l é musega e cena; en domenia ai 18 l é la messa, la marena, musega e festa fin les 22:30.
23.–25.08.
Festival dla ciculata
Dai 23 nchin ai 25 de agost vëniel metù a jì te Sëlva, sun Plaza Nives, n festival de cicu­lates fates a man. La manife­stazion scumëncia for dala 09:00 y va inant nchin la 19:00.
21.08.
Paisc en festa a San Ciascian
En mercui ai 21 d’agost dales 16:00 inant él tl zënter da San Ciascian l’ultim apuntamënt cun le »Paisc en festa«, olache an pó ciarcé speziaries y du­ciaries dl post, s’la spaziré fora por le marcé artejanal y ascuté la musiga di grups »L vin & L din« y »The Jam’son«.

Sozial
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani de Gher­dëina a se nuzé de chësc servisc che vën pità uni merdi dala 12:00 ti trëi luesc de Gherdëina (Urtijëi Cësa de Cultura; S. Cristina Cësa de Chemun; Sëlva Stua di Se­niores). L ie da se lascé nuté su nchin al di dant da mesdì, cherdan su: per Urtijëi l 333 7877095 (Marisa), per S. Cristina l 333 1499949, per Sëlva l 335 6558633.
Atualmënter
Picolin: portina por l’assistënza y cura
La Portina por l’assistënza y cura é daverta trëi iadi al’ede­ma: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun sozio­sanitar a Picolin, tl’alzada a tera sön la man ciampa. Chiló vëgnel dé informaziuns y sostëgn por les chestiuns che reverda le guern y l’assi­stënza.
Atualmënter
»Club Boé«
Le grup de autoaiüt »Club Boé« por problems de alcol o d’atres dependënzes s’incunta vigni mertesc dales 20:00, tla Ciasa di Stüdafüch a La Ila altaite. Les porsones de referi­mënt é Hubert (tel. 339 1698343) y Methilde (tel. 335 6977604).
Atualmënter
Ciamena dal guant a La Ila
La Ciamena dal guant »Neo­res« a La Ila é daverta vigni vëndres dales 14:00 ales 15:30. An pó dé jö guant y cialzá nia roviná y nëc por mituns da 0 a 14 agn, sciöche ince tasces da scora, elms da jí cun la roda, panolins. An pó spo se tó ci che an adora, por na spënora de 1,00€ por vigni toch – che vá a fin de bëgn.

Mujiga
16.08.
Conzert dla Müjiga da Calfosch/Corvara
Incö vëndres ai 16 d’agost dales 21:15, te salf dles manife­staziuns da Corvara.
17.08.
Cunzert per orgun y celo
Tla dlieja de San Durich a Urtijëi saràl ai 17 de agost dala 21:00 n cunzert per orgun y celo, cun Philipp Fink y Maria Bozzetta.
18.08.
Tlavier che jola
Sun Plaza Nives te Sëlva saràl ai 18.08. dala 21:00 la perfor­mance de »Piano in volo«, ntan chël che l tlavier y la pianista unirà auzà cun palons a trëi metri dal fonz.
18/25/25.08.
Festival Fascia Panorama Music
Ultimes apuntamenc del Fe­stival de Musega, che ge dèsc lèrga al ladin e a la men­dran­zes. Te la bela senta de La Grenz a Moena en dome­nia ai 18 de aost da les 21:30 l é l conzert del grop fascian Pop­corner e en sabeda ai 24 da la medema ora la Jam Session. En domenia ai 25 gran final col talent catalan Alba Armen­gou sun Ciam­pedie da les 11:30.
20.08.
Classical Mood Quartet »Walt Disney«
L cuartet »Classical Mood« sunerà pec ora dl repertoire di films Disney tl pavillon sun Plaza de Chemun de Sëlva: n merdi ai 20 de agost dala 21:00 inant.
22.08.
Cunzert dla Mujiga de Sëlva
La Mujiga de Sëlva sunerà n juebia ai 22 de agost dala 21:00 sun Plaza de Chemun te Sëlva.
22.08.
Cunzert dla Mujiga da Bula
La Mujiga da Bula nvieia a si cunzert, n juebia ai 22 de agost dala 21:00 sun Plaza de Dlieja tl pavillon sa Bula.
22.08.
Conzert dla Musiga da Rina
La Musiga da Rina tëgn con­zert en jöbia ai 22 d’agost dales 21:00, sön paiun d’Al Plan.
22.08.
Conzert dla Musiga da San Martin
La Musiga da San Martin tëgn conzert en jöbia ai 22 d’agost dales 21:00, sön paiun da San Ciascian.
23.08.
Conzert dla Musiga da San Ciascian
La Musiga da San Ciascian tëgn conzert sön paiun da San Martin, en vëndres ai 23 d’agost dales 21:00.
25.08.
Matinée de Jazz cun la grupa »Revensch«
Ai 25 de agost dala 11 inant sunerà la grupa »Revensch« tl zënter de Urtijëi.

Publizistica
16.08.
Incuntades cun l’autur: ultim apuntamënt
Incö vëndres ai 16 d’agost dales 17:30 él pro le lech bio­top da Corvara la presentaziun dl liber »Il sentiero selvatico« de Matteo Righetto. Sce al foss bur’ tëmp, s’incunton tl salf dles manifestaziuns da Corvara.

Avisc
Atualmenter
I oraries de Pedies
Pedies vegn moscià sul canal 10 de la televijion, Trentino TV, de sabeda da les 18:00 , de domenia da les 13:30 e de lunesc da les 11:30. Con Smart TV sul medemo canal se pel l veder canche se vel orian co la friza en su i sotcanai HBBTV, sot la ousc TML. Duc i video e filmac dac fora dal Comun General e da l’Union di Ladins é da poder veder ence sul canal Tv Ladina de Youtube.
Atualmeter
Ujes averc a l’Union di Ladins
De jebia domesdì e de vender da doman, per dut l meis de aost, l’Union di Ladins de Fascia aur i ujes de sia neva senta te Ciasa de la Moniaria a Sèn Jan, olache se pel veder ence la stua veia e a pepian vegn metù fora la publicazion de la sociazion con gran rebas e tropes ence debant.
Atualmenter
A spas te la sezions del Museo Ladin
Enscin ai 4 de setember se pel jir a veder la sezions sul teritorie del Museo Ladin e se pel ence tor pèrt al jech »A spas che spas« metan ensema l stempel de duta la sezions per ciapèr n bel don. L’entrèda é debant te dutes, fora che te la Mostra de La Gran Vera a Moena. Maor info e la mapa te Museo Ladin, tel. 0462 760182.
17.08.
Prejentazion del liber ‘Ciantons’
En sabeda ai 17 de aost da les 17:30 te piaz Marconi de Cianacei l’autora Nicoletta Riz, ensema con l’Union di Ladins de Fascia, prejenta l liber ‘Ciantons. Cartolines e proverbies da zacan’ che te chesta ocajion se pel se com­prèr a n priesc rebassà.
17/19.08.
Apuntamenc de »Ad alta voce«
En sabeda ai 17 de aost da les 21:15 te Piaz de Comun de Sèn Jan a Poza, per la ras­segna »Ad alta voce« rencurèda da Virna Pierobon, scontrèda col giornalist envià sui lesc de vera del Corriere della sera Lorenzo Cremonesi e en lu­nesc ai 19 scontrèda col scritor Francesco Ceniti che rejonarà de la storia de Marco Pantani.
17/20/22.08.
Apuntamenc de Ispirazions d’istà
Per la rassegna ‘Ispirazions d’istà 2024’ doman, sabeda ai 17 de aost da les 21:15 te oratorie de Vich scontrèda con Fabiana Zollo e Federico Casa su ‘AI: ge velel n limit?’, ai 20 de aost da les 21:00 te sala de Consei de Poza en­conter col giornalist David Murgia su sènc e vegenc e ai 22 de aost da les 21:00 te gejia de Pera scontrèda con Padre Ibrahim Faltas vicarie generèl de la Custodia de Tera Sènta.
19.08.
Prejentazion dla grupes de sucors zevil de Gherdëina
N lunesc ai 19 de agost dala 19:00 inant se prejenterà la gru­pes de sucors zevil de Gher­­dëina tl Zënter Iman a S. Cristina.
21.08.
Giovanni Grasso a Moena
En mercol ai 21 de aost da les 18:00 te piaz Perle Alpine de Moena tel chèder de la rassegna ‘Moena Incontri’ Giovanni Grasso prejenta sie ultim liber ‘L’amore non lo vede nessuno’.
22.08.
A vardèr la steiles sun Sas Pordoi
En jebia ai 22 de aost da les 20:30 per la rassegna »Canazei Campo Base« sera de osser­vazion de la steiles da Sas Por­doi con l espert de astrono­mia Claudio Balella e i mena­crepes de Fascia che compagna la jent sul nef Lunar Tour.

Sozial
Atualmënter
Bancarela dl mangé a Badia
La bancarela dl mangé é da­verta vigni secunda jöbia, dales 9:30 ales 10:30. Le pro­scim termin é ai 29 de agost. Al vëgn dé fora da mangé a dötes les porsones dla Val Badia che á debojëgn.

Sport
Atualmenter
Tornoi ladin de hockey
Insnet vender 16 de aost da les 20:45 vin Ampez Cortina e Gherdena jia fora la 2^ par­tida del Tornoi ladin de hockey ruà a la 7^ edizion col patro­zinie de l’Union Generela di Ladins dla Dolomites. Ai 20 ta Dèlba jiarà Fascia e Gher­dena, ai 22 vin Ampez Cortina e Fascia e ai 27 ta Dèl­ba Fascia e Cortina. Ultima partida ai 30 a Selva anter Gherdena e Fascia e do premiazions.
16.08.
Corsa a pe ‘Torns del Vaiolet’
Insnet, vender ai 16 de aost da les 21:00, a Vich i Alpins en­­dreza la corsa sa mont ‘Torns del Vaiolet’. I partezi­panc ponta demez dal tendon de la manifestazions e cor fora per l paisc de Vich e dere­torn per presciapech 4 chilo­metres. Sobito do la premia­zions.

Iadi y Jites
24.08.
Jita cun la e-bike
La Lia da Mont Gherdëina mët a jì na jita cun la roda a lectrisc da Rein in Taufers su nchin sun l Klammljoch, do jù te Defreggental tl’Austria y inant sun l Staller Sattel y ju a Burnech. L se trata de na jita mesanmënter ria de 70 chilometri y n deslivel de 1.400 metri. Per nfurmazions y iscrizions (dai 12.–16.08.): 338 3340111.

Dotours
Dutor Gherdëina
L dutor de servisc l di dla Gran Santa Maria, ai 15.08., ie l dutor Valentin Tröbinger de Sëlva de servisc: tel. 0471/773073 o l 335 6844944. Da n sada ai 17.08. dala 08:00 daduman nchin la 08:00 daduman de n lunesc ai 19.08. ie l dutor Michael Trocker de Urtijëi, streda Promeneda, tel. 388 2580002.
Doturs Val Badia
Tla fin dl’edema di 17 y 18 d’agost él en sorvisc ti comuns de Badia, Corvara y La Val le dotur Alberto Caretta, Badia, tel. 0471 839706 o 380 3161999. Ti comuns de Mareo y San Martin él en sorvisc la doturia Stefania Febbraro, Al Plan, tel. 377 3288596.

Apoteches
Apoteca Val Badia
L’apoteca en sorvisc fora dl orar ordinar, dal vëndres ai 16 de agost dales 19:00 al vëndres ai 23 de agost ales 19:00, é chëra da Corvara, tel. 0471 830237.
Apoteca Gherdëina
L’apoteca che de servisc ora dl orar urdiner de giaurida ai 15 de agost ie chëla de Fie, tel. 0471/725373 (orar: 8.30-12.30/15.00-19.00). Da n vënderdi ai 16.08. nchin n vënderdi ai 23.08. ie chëla de S. Cristina de servisc, tel. 0471/792106 o 333/1776615 (orar de giaurida 8.00-12.00/15.00-19.00).

Chino
Atualmenter
Al chino de Tieser
Anché vender 16 de aost da les 17:15 l é »Inside Out 2« a 5 euro e da les 21:15 »Alien: Romulus«; sabeda ai 17 da les 17:15 »Borderlands« e da les 21:15 »Deadpool & Volve­rine«, domenia ai 18 da les 21:15 »Alien: Romulus« che vegn moscià ence lunesc ai 19 da les 21:15, enveze da les 17:15 l é »Inside Out 2« a 5 euro e mèrtesc ai 20 da les 21:15 »Cattiverie a domicilio« a 3,50 euro. Mercol ai 21 da les 16:15, da les 18:30 (en 3D) e da les 21:30 l é »Cattivissimo me 4«, moscià ence jebia ai 22 da les 16:15 e da les 18:30, enveze da la 21:15 l é »Trap«. Program su www.cinema tesero.com.

Cursc
06. – 08.09.
Curs: Depënje tla natöra
Trëi dis dedicá ala pitöra, tl curs da depënje cun l’artista Silvia Nava, che vëgn tigní dai 6 ai 8 de setëmber. Le curs é alaleria tla Val Badia, y sce le tëmp é burt, spo tl pice salf de Comun a La Val. Al curs pó tó pert chi che ó s’avijiné ala tecnica de pitöra a acuarel, o chi che ó l’apro­fondí. Al é da s’anunzié anter i 20 d’agost ala mail silviana va13@gmail.com