La Usc di Ladins

Religion
27.09.
Prozesciun di ëi y jogn a Oies
La uniun di ëi »kmb« dl Decanat Val Badia inviëia düc i ëi y jogn da tó pert ala prozesciun cun linternes, da dlijia de Badia cina sö Oies, en vëndres ai 27 de setëmber dales 19:30. Al é da se tó para na linterna o na ciandëra.
28.09.
Imparé a conësce la dlijia d’Al Plan
Le Consëi de formaziun d’Al Plan inviëia en sabeda ai 28 de setëmber dales 16:00 te dlijia d’Al Plan, por imparé a conësce damí la bela dlijia. La vijita por talian gnará condüta da Danila Serafini.
02. – 07.10.
Pelegrinaje a Medjugorje
Al vëgn organisé n pelegrinaje al santuar de Medjugorje, dai 2 ai 7 d’otober (6 dis). Por pre­notaziuns él da cherdé sö Daniele y Patrizia Agostini al 335 5268546; informaziuns ciafon pro Konrad y Cristine Sottara da La Val al 0471 843077 o 338 5027312.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
24.09.
Dales 20:50 ca. Cult rituai da inier y incö: Seniei y paranormal
Program de Giulia Tasser y Jan Piere Karbon, a cura de Alessandro Dapunt.
25.09.
S-Link: Neves strumenc per descuerjer nosc raion
Dales 20:50 ca. Anchecondì ence la geologia la se empreval de strumenc tecnologics per slarièr fora cognoscenzes en cont del teritorie dolomitan. Te chesta puntata de Slink fajon n viac anter la crepes e i minerèi de nosc raion e jon a descorir cheche l é che con­jobia la geologia col mond digitèl. Program de Cinzia Pistoia, a cura de Anna Mazzel.
26.09.
Euro – program d’economia
Dales 20:50 ca. De Diego Clara y Hartmann Mairhofer, a cura de Leo Senoner.

Radio
LADINIA LIVE: microfons daverc sun atualità y cultura. Da aldí vigni mertesc y mercui da les 13:45 ales 14:00.
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
20.09.
L HC Gherdëina ie anjenià per l campiunat
Dales 19:05. A belau 100 ani da si fundazion ie l Hockey Club Gherdëina anjenià per si 9° campiunat de Alps Ho­ckey League y sambën­zënza nce l campiunat talian de Serie A. L presidënt Walter Ploner, l diretëur sportif Joel Brugnoli, l respunsabl dla scuadres di jëuni Marco Libertatore y Elmar Parth che ti stà do ala mëndri atlec nes prejënta l campiunat che meterà man ai 21 de setëmber. Trasmiscion de Stefano Zanotti.
21.09.
La paternité:

• 
•  

View the embedded image gallery online at:
https://www.lausc.it/manifestazions-y-evenc/27930-manifestazions-atuales#sigProIdd98c86e223

inier y incö
Dales 19:05. Tla Talia, mo ince te d’atri paisc, é le numer de nasciüdes jü zoruch das­sënn ti ultims dezens. Por porvé da aumenté les nasciü­des, vëgnel apliché poli­tiches desvalies: öna de chëstes é la promoziun dla figöra dl pere. Co ê pa la paternité tratan la storia? Co ciara pa fora atualmënter i »congedi pa­rentali« tla Talia y ti atri paisc dl’Uniun Europea? Program de Iris Del Valle.
25.09.
Jent da zacan: Marino Pederiva, n menacrep te l’Etiopia
Dales 19:05. Marino Pederiva Brognol n menacrep che apede a si arpizedes te la Dolomites del 1936 l’é stat manà te l’Etiopia olache sot al fascism l’aea l’enceria de endrezer via mapes geografiches e l’à avert vies sui monts del Tigrai. Na storia che à soscedà l’interesc de n grop de menacrepes fascegn che del 2015 à volù jir do si pedies e te una de sta crepes i à troà n ciodo che aea durà enlouta Marino Pe­deriva per ruèr sun piza. Pro­gram de Anna Mazzel e Anelise Vian.
26.09.
I sun ci che mangiun
Dales 19:05. Che de os ne á pa ciamó mai fat na dieta? La tematica dl’alimentaziun y dl vire sann ti dá a tröc da ponsé y a cotanc da laur. Te chësc program ves presënta la dot.ria y mag. Monica Gasser le profil profescional dl dietist. N program de Sara Frenner.

Referac
23.09.
La sëur dla craitles salveres
La biblioteca de San Durich a Urtijëi mët a jì n referat cun l cuech da na stëila Michelin Armin Mairhofer sun la sëur dla craitles salveres y co les recunëscer, tlupé y adurvé, n lunesc ai 23 de setëmber dala 20:00. L unirà nce prejentà n liber sun l argumënt.
24.09.
Intoleranzes alimentares
En mertesc ai 24 de setëmber dales 19:30 él tl salf dles mani­f­estaziuns da La Val na serada cun Jlenia Modestino, olache al gnará informé sön les intole­ranzes, cun atenziun partico­lara sön la zeliachia – la ma­ratia dla farina. Organisa­ziun: Uniun dles Ëres La Val.

Cursc
Atualmënter
Iscrizions: Fit tl cë – cun juesc y devertimënt
L KVW de Urtijëi mët a jì de plu ancuntedes per ëi y ëiles dai 60 ani insù, ntan chëles che n fajerà alenamënc per la reazion, la memoria y flescibltà tres juesc y devertimënt, cun la reladëura Isolde Senoner. L curs va dai 3 nchin ai 31 de utober: n se anconta for de juebia, 09:30–10:30 tla bi­blioteca de San Durich. Iscri­zions: nchin ai 27.09. te biblio­teca de S. Durich (ma­scim 15 persones). Priesc: 30€.
25.09.
Curs de ginastica
L KVW de Sëlva mët a jì dai 25.09. nchin ai 13.11. n curs de ginastica cun la referënta Karin Moroder, uni mierculdi dala 20:00 nchin la 21:00 tla palestra Pranives te Sëlva.
27.09.
Curs de teater por scolares y scolars
L’Uniun Teater La Ila mët a jí n curs de teater por mitans y mituns cun Erika Castlun­ger, tla Ciasa dla Cultura da La Ila, vigni vëndres domisdé dai 27 de setëmber inant, por 10 iadi: dales 14:30 ales 15:30 por la 3a y 4a elementara, dales 16:00 ales 17:30 por la 5a elementara y por la 1a, 2a y 3a mesana. Informaziuns y iscriziuns pro Erika al numer 339 6288847.

Sport
21.09.
HC Gherdëina II vs. HC Pinéam (IHL Divijion I)
L HC Gherdëina nvieia ala par­tida de Seria C contra l HC Pinéam, ai 21.09. dala 20:30 tl stadio Pranives te Sëlva.
26.09.
HC Gherdëina vs. S.G. Cortina
L HC Gherdëina nvieia duc a unì a ti cialé ala partida de Alps Hockey League contra l S.G. Cortina, n juebia ai 26.09. dala 20:30 tl stadio Pranives te Sëlva.
28.09.
Gara da salté »Delicious Trail«
En sabeda ai 28 de setëmber vëgnel organisé le »Delicious Trail«, na gara de trail running che liëia le salté sö por munt cun la gastronomia. Por le terzo ann vëgnel organisé n percurs mesan de 35 km y 1.900 metri de deslivel, che pëia ia da La Ila demez y röia al travert a Pocol, sura Cortina d’Ampëz. Infos sot a www.delicioustrail.it
29.09.
FC Gherdëina vs. Riffian Kuens
La partida de juech al palé de campiunat de prumozion sarà ai 29 de setëmber dala 15:30 tl zënter sportif Mulin da Coi.

Segres y Festes
20.-21.09.
Festa dl jol
L Club Parapendio Gherdëina mët a jì la festa dl jol sun plaza dai auti de Col Raiser/S. Cri­stina. La festa scumëncia ncuei, vënderdi dala 17:00. Dala 20:30 inant sunerà The Kill Billi’s y dala 22:30 inant me­terà DJ Stickstoff su de bela mujiga. N duman, sada, jiràla inant cun de plu gare­jedes (l prugram plu avisa ie da abiné sun valgardena.it), domesdì puderàn fé n pitl curs per purvé a julé cun l para­pënd. Dala 21:30 sunerà pona i Pëu­fla y dala 23:30 inant meterà DJ Pesx su de bela mujiga.
22.09.
Festa per i 60 ani dla Lia dla trohtes de Sëlva
N ucajion di 60 ani dla Lia dla trohtes de Sëlva uniràl festejà ai 22 de setëmber sun Plaza de Chemun de Sëlva. Dala 09:30 saràl la Santa Mëssa, cumpanieda dal Cor de dlieja de Sëlva. Daldò saràl la defileda cun la Mujiga de Sëlva nchin sun Plaza de Che­mun, ulache n giaperà da maië y da bever.
28.09.
23ejima festa di Ladiner
Ai 28 de setëmber dala 12:00 nchin la 21:00 sun Plaza de Chemun de Sëlva. Chertes danora sun www.dieladiner.com.

Avisc
Atualmënter
»Ëres

• 
•  

View the embedded image gallery online at:
https://www.lausc.it/manifestazions-y-evenc/27930-manifestazions-atuales#sigProIdd98c86e223

dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauen helfenfrauenbruneck.it
Atualmenter
I oraries de Pedies
Se pel veder Pedies sul canal 10 de la televijion Trentino TV, de sabeda da les 18:00 , de domenia da les 13:30 e de lunesc da les 11:30. Con Smart TV sul medemo canal l é sem­per a la leta orian co la friza en su i sotcanai HBBTV, sot la ousc TML. Duc i video e filmac dac fora dal Comun General é ence sul canal Tv Ladina de Youtube.
Atualmenter
Zedola per l sport per la families
L Comun General de Fascia dèsc fora contribuc per fies mendres de età anter i 6 e i 18 egn per tor pèrt a corsc de sport endèna l an de scola. Ge vel portèr dant la domana dant dai 27 de setember, info 0462 764500.
Uni lunesc
La Coa: ancuntedes per genitores
Uni lunesc dala 09:30 nchin la 11:00 puderàn se ancunté tl local Matada a Urtijëi per sté deberieda danter mu­tons:ans, mamis y tatis y chi che deventerà tosc genitor. Sëuraprò saràl l mesun de damandé cunsëies a espertes.
20.09.
La regola per salvar la vita
En vender ai 20 de setember da le 20:30 te teater parochial de Poza l Comun General e l Comun de Sèn Jan met a jir la sera se prevenzion cardio­vascolara »La regola de le 5A salva la vita«. Tol part l pri­marie e i dotores de cardiologia del Ospedal Santa Chiara de Trent: Roberto Bonmassari, Marcello Disertori e Massimi­liano Marini. Duc é envié.
21-22.09.
50 egn de la Crousc Biencia de Cianacei
Doman, sabeda ai 21 e do­menia ai 22 de setember la Crousc Biencia de Cianacei festeja i 50 egn al Park del Ciuch. En sabeda l tendon aur da les 18:00 e da sera musega coi ‘Schilcherland­buam Quintett’; en domenia messa te gejia del Sacro Cher da les 10:30 e do defilèda, marena con la Musega Auta Fascia, manovra di volontères e tai de la torta.
24.09.
Scontrèda sul 5G a Moena
En mèrtesc ai 24 de setember da les 20:30 te teater del Ora­torie de Moena vegn endrezà na scontrèda sul entesseament eletromagnetich e 5G e sie peis sun noscia sanità. Rejona Luca Rech consulent de bio­tecnologies.

Iadi y Jites
29.09.
Jita tl Mühlbachtal
La Lia da Mont de Gherdëina mët a jì ai 29 de setëmber na jita te Puster, tl Mühlbachtal. L unirà jit sun piza dl Wind­schar (3041 m) tl raion dl Rieserferner. La jita ie plutosc ria, cun n deslivel de 1.453 m. Da jì saràl 7,5 ëura. Per de plu nfurmazions y per se nuté su: Whatsapp, 338 8988620 (iscrizions daviertes dal 23. - 26.09.)

Dotours
Dutor Gherdëina
L dutor de servisc da n sada ai 21.09. dala 08:00 daduman nchin la 08:00 daduman de n lunesc ai 23.09. ie l dutor Pablo Policastro tl ambula­tuere di dutores Kostner/We­ber, a Urtijëi tla streda Trebin­ger 10, tel. 366 3646 254.
Doturs Val Badia
Tla fin dl’edema 21 y 22 de setëmber él en sorvisc ti cin’ comuns dla Val Badia la do­turia Margherita Righini, tel. 348 6351943.

Apoteches
Apoteca Gherdëina
L’apoteca de servisc ora dl orar urdiner de giaurida da n vënderdi ai 20.09. nchin n vënderdi ai 27.09. ie chëla de Fie, tel. 0471/725373 (orar: 8.30-12.30/15.00-19.00, sada 8.30-12.30, stlut mierculdi domesdì. Turnus: sa. 8.30-12.30/16.00-19.00, du. 10.00-12.00).
Apoteca Val Badia
L’apoteca en sorvisc fora dl orar ordinar, dal vëndres ai 20 de setëmber dales 19:00 al vëndres ai 27 de setëmber ales 19:00, é chëra da La Ila, tel. 0471 847152.

Sozial
Atualmënter
Picolin: portina por l’assistënza y cura
La Portina por l’assistënza y cura é daverta trëi iadi al’ede­ma: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun soziosanitar a Picolin, tl’alzada a tera sön la man ciampa. Chiló vëgnel dé informaziuns y sostëgn por les chestiuns che reverda le guern y l’assi­stënza.
Atualmënter
»Club Boé«
Le grup de autoaiüt »Club Boé« por problems de alcol o d’atres dependënzes s’incunta vigni mertesc dales 20:00, tla Ciasa di Stüdafüch a La Ila altaite. Les porsones de referi­mënt é Hubert (tel. 339 1698343) y Methilde (tel. 335 6977604).
Atualmënter
Bancarela dl mangé a Badia
La bancarela dl mangé é daverta vigni secunda jöbia, dales 9:30 ales 10:30. Le proscim termin é ai 26 de setëmber. Al vëgn dé fora da mangé a dötes les porsones dla Val Badia che á debojëgn.
Atualmënter
Ciamena dal guant a La Ila
La Ciamena dal guant »Neo­res« a La Ila é daverta vigni vëndres dales 14:00 ales 15:30. An pó dé jö guant y cialzá nia roviná y nëc por mituns da 0 a 14 agn, sciöche ince tasces da scora, elms da jí cun la roda, panolins. An pó spo se tó ci che an adora, por na spënora de 1,00€ por vigni toch – che vá a fin de bëgn.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani de Gher­dëina a se nuzé de chësc servisc che vën pità uni merdi dala 12:00 ti trëi luesc de Gherdëina (Urtijëi Cësa de Cultura; S. Cristina Cësa de Chemun; Sëlva Stua di Se­niores). L ie da se lascé nuté su nchin al di dant da mesdì, cherdan su: per Urtijëi l 333 7877095 (Marisa), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).

Mujiga
22.09.
Cianté y soné sön munt
I apuntamënc cun le »Cianté y soné sön munt« tl’Alta Badia vá inant. En domënia ai 22 de setëmber dales 13:30 inant sona tla ütia Club Moritzino le »Arton Duo« adöm cun Mattia Demetz, campiun mondial de orghi, y so pere Giovanni.
25.09.
I Sons de la Dolomites te Fuciada
En mercol ai 25 de setember te Fuciada apede l refuge da les 14:00, tel chèder de la ma­ni­festazion I Sons de la Dolo­mites, l é l conzert del grop Paolo Conte Legacy che met dant la cianties del mae­ster Paolo Conte.

Mostres y Ert
Atualmënter
L Verzon de Eden
L Circolo – Lia Mostra d’Ert nvieia ala mostra »Garden of Eden« de Maylis Paris y Lau­réane Guerin, che resterà da udëi nchin ai 4 de utober, dal merdi nchin la dumënia dala 16:00 ala 19:00, de sada y dumënia sëuraprò nce dala 10:00 ala 12:00. De lunesc iel stlut.
Atualmënter
Andreas Linder: Surfaces, digitally entangled
Tl Tublà da Nives te Sëlva iel da udëi chësta mostra de Andreas Linder, che resterà davierta nchin ai 29 de setëm­ber, uni di ora dl lunesc dala 16:00 ala 19:00.
Atualmenter
Mostra sul Alzheimer a Poza
L Servije Sozio-Assistenzièl del Comun General de Fascia, adum col Comun de Sèn Jan, à endrezà la mostra de foto­grafies en bianch e neigher ‘quotidiani paralleli’ de Luca Chistè enlongia ruf de Sèn Nicolò a Meida che se pel veder enscin ai 16 de otober. Chiò l é ence la spazirèda ‘Amica de la Persones con De­menza’ con segnèi e ban­ches aldò fates da la Coprativa Oltre.
Atualmënter
Sprotte tl Museum Ladin
Tl Museum Ladin Ciastel de Tor él da odëi cina ai 30 de setëmber la mostra »Siegward Sprotte. Nord süd, la geografia dl’ert«.
Atualmënter
Mostra: »Countdown to mass extinction?«
Le Museum Ladin inviëia da jí a ti ciaré ala mostra speziala »Countdown to mass extin­ction?«, che é da odëi fina ai 3 de novëmber tl Museum Ciastel de Tor. La mostra se dá jö cun la plü gran estinziun de massa tla storia dla tera, en relaziun cun la crisa clima­tica da sëgn.
21.-29.09.
Ena Culturela
L Istitut Culturel Ladin nvieia – deberieda al Museum Ladin – a n’ena dedicheda al’ert, ala mujiga, leteratura y lijëndes, dai 21 nchin ai 29 de setëmber tla Villa Freischütz a Maran.
04.10.
Mostra »De blòc y de ntorc«
Tl Café Surëdl a Urtijëi vëniel metù ora na mostra dal titul »De blòc y de ntorc«, cun che­dri de Erich Mussner, Livio Comploi, Flavio Prinoth y Georg Demetz. La giaurida dla mostra ie ai 4 de utober dala 16:00. N puderà sambën mo ti cialé nce daldò, ntan i orares de giaurida, dal lunesc nchin al vënderdi, 09:00 - 19:00.

Temp Lede
Atualmënter
La Val: ala descurida dl paisc
Na ciacia al tesur particolara portará fora por le paisc da La Val chësc isté. Ara se trata de na spazirada interativa da na staziun al’atra, cun le tra­vert da ciafé la parora de solu­ziun, chirin les staziuns fora por paisc. Dötes les informa­ziuns y i materiai da pié ia ciafon tl ofize turistich da La Val.
Atualmënter
Saus dl altonn tl’Alta Badia
Tl’Alta Badia vëgnel metü a jí cina ai 6 d’otober l’iniziativa »Saus dl altonn«, che valorisëia i produc locai, les munts y la natöra. Ai 21.09. pro la ütia I Tablá y ai 22.09. tla ütia Club Moritzino sarál le pro­dutur adöm al cogo dla ütia che presënta le produt y le taí, pitan n’esperiënza partico­lara.
Atualmenter
Oraries Museo Ladin de Fascia
L Museo Ladin de Fascia é avert fin ai 10 de otober demò domesdì da les 15:00 a les 19:00 e do l resta serà dut invern per lurieres de segureza. Info: 0462.760182.
20/22.09.
Festival del Spretz Tzaorì
Dai 20 ai 22 de setember a Moena l é l Festival del Spretz Tzaorì con degustazions de formaes, cooking show e picol marcià de produtores a chilo­meter 0. En sabeda ai 21 entorn mesdì l é la desmon­teèda a Soraga e en domenia la vaces rua te paisc de Moena. Da les 10:30 te piaz de Sote­grava vegn taà la moles con la partezipazion del comich Lucio Gardin.
21.09.
Marcià de San Matië
L marcià de San Matië unirà a se l dé n sada ai 21 de setëm­ber dala 08:00 inant tl raion da jì a pe de Urtijëi.
21.09.
Di dla rëies daviertes
La Lia Uciei Gherdëina nvieia duc a unì a ti cialé a si atività scien­tifica, n sada ai 21 de setëmber. N possa passé canche n uel, danter la 8:00 y la 12:00, dlongia la plaza dai auti tla segonda raida sëura l restaurant Gerard sun Sela de Culac. L unirà spiegà avisa cie che l vën fat, i resultac y i vantajes dla nrescides.
22.09.
Festa de fin sajon sun Bufaure
En domenia ai 22 de setember vegn fat festa sun Bufaure. L grop de joegn INOUT endreza jeghes, spetacoi de boles de saon, musega e laboratories creatives. Te chesta ocajion l priesc del impiant é de 10 euro per jir su e ju, i bec sot i 10 egn va su debant.
22., 24. y 26.09.
Kidshour – devertimënt por mituns sö alalt
Pro le parch »Movimënt« sön Piz Sorega vëgnel metü a jí ai 22, 24 y 26 de setëmber jüc, animaziun y devertimënt por mituns da 5 a 10 agn. La manifestaziun vëgn tignida vigni mertesc, jöbia y domënia dales 13:30 ales 17:00, cina ala fin de setëmber. Iscriziuns online o ti ofizi turistics dl’Alta Badia.
23.09.
Escurjiun sön le chefer
Tla cornisc dla iniziativa »Atira«, vëgnel tigní en lönesc ai 23 de setëmber na escurjiun olache an pó imparé deplü sön le chefer dla scorza y sön i dagns dla tempesta Vaia tl bosch de Ciaulunch. L’escur­jiun cun Roland pëia ia dales 9:30 dal Planac sura Corvara. Iscriziuns online o ti ofizi turistics dl’Alta Badia.
23.09.
Cërtl de letura cun Nicoletta
Tla biblioteca de San Durich a Urtijëi vëniel liet deberieda l liber de Francesca Melandri, »Piedi freddi«, uni lunesc dai 23 de setëmber inant, dala 18:00. L cërtl ie debant y duc possa fé pea.
27.09.
»Frabicun na ciasota por vicí« te Ciasa dl Parch
En vëndres ai 27 de setëmber dales 15:00 ales 16:30 él te Ciasa dl parch a Al Plan le laboratore Natöra de Daksy, por mitans y mituns da 6 a 12 agn. Le tema é »Frabicun na ciasota por vicí«. Al é da s’anunzié anter la jöbia dales 18:00 al 0474 506120.
27.09.
Le flus »Jin Shin Jyutsu« (JSJ)
Le Consëi de Formaziun Corvara mët a jí en vëndres ai 27 de setëmber dales 20:00 na serada te biblioteca a Cal­fosch, olache ara nen vá de Jin Shin Jyutsu, na tecnica de armonisaziun milenara. Referënta é Sabine Bampi che pratichëia le JSJ, invermie­ra y formada tla cura paliativa.
28.09.
Festa dla castanies
L VKE nvieia duta la mutans y i duc mutons ala festa dla castanies cun juesc y deverti­mënt. N sada domesdì ai 28.09. dala 14:00 nchin la 17:00 sun la plaza dai juesc dan la scola elementera de Urtijëi.
02.10.
»Balé tl cërtl« a La Val
Le KVW y le Consëi de For­maziun da La Val mët a jí 10 incuntades de 1,5 ores por balé tl cërtl y line danc, te n’atmosfera ligherzina y cun musiga plajora. Referënta é Giovanna Moling. La pröma incuntada é ai 2 d’otober y an s’incunta spo tres de lönesc, tl pice salf de Comun a La Val. Le pröm grup dales 8:30, le secundo grup dales 15:00. Infos y prenotaziuns pro Giovanna al 338 1249472.
04.10.
Stories de 15 menuc per mutans y mutons cun Erica
N vënderdi ai 4 de utober dala 15:00 tla biblioteca de San Durich a Urtijëi.