La Usc di Ladins

Dotor
Dutor Gherdëina
L dutor de servisc da n sada ai 28.09. dala 08:00 daduman nchin la 08:00 daduman de n lunesc ai 30.09. ie l dutor Michael Trocker de Urtijëi, streda Promeneda, tel. 388 2580002.
Doturs Val Badia
Tla fin dl’edema 28 y 29 de setëmber él en sorvisc ti cin’ comuns dla Val Badia le dotur Giovanni Crivellaro, La Ila, tel. 348 0014266.

Apoteca
Apoteca Gherdëina
L’apoteca de servisc ora dl orar urdiner de giaurida da n vënderdi ai 27.09. nchin n vënderdi ai 04.10. ie chëla de S. Cristina, tel. 0471/792106 o 333/1776615 (orar de giaurida 8.00-12.00/15.00-19.00).
Apoteca Val Badia
L’apoteca en sorvisc fora dl orar ordinar, dal vëndres ai 27 de setëmber dales 19:00 al vëndres ai 4 de otober ales 19:00, é chëra da San Martin/Picolin, tel. 0474 523020.

Cursc
Atualmënter
Iscrizions: Fit tl cë–cun juesc y devertimënt
L KVW de Urtijëi mët a jì de plu ancuntedes per ëi y ëiles dai 60 ani insù, ntan chëles che n fajerà alenamënc per la reazion, la memoria y flescibltà tres juesc y devertimënt, cun la reladëura Isolde Senoner. L curs va dai 3 nchin ai 31 de utober: n se anconta for de juebia, 09:30–10:30 tla biblioteca de San Durich. Iscrizions: nchin ai 27.09. te biblioteca de S. Durich (mascim 15 persones). Priesc: 30€.

Atualmënter
Curs de ginastica
L KVW de Sëlva mët a jì dai 25.09. nchin ai 13.11. n curs de ginastica cun la referënta Karin Moroder, uni mierculdi dala 20:00 nchin la 21:00 tla palestra Pranives te Sëlva.

02.–27.11.
Curs de Ladin per prinzipianc
L Istitut Ladin Micurá de Rü mët a jì n curs de ladin per prinzipianc cun la referënta Karin Comploj. L curs scumëncia n mierculdi ai 2 de utober y jirà inant per de ndut ot iedesc, for de mierculdi, 18:00–20:00, n prejënza y online. Per nfurmazions y iscrizions: 0471773225, furmazion.gh@micura.it. Priesc: 100€.

Iadi y jites
03.11.
Cures y palses a Abano Terme
Dai 3 ai 10 de novëmber vëgnel organisé n iade cun le bus a Abano Terme. Le iade costa 720,00€ a ce te ciamena dopla, 790,00€ te ciamena singola. Al é da s’anunzié anter i 25 d’otober pro Monica Costa al 0474 590069 o le 348 9604485.

Mostres

• 
•  

View the embedded image gallery online at:
https://www.lausc.it/manifestazions-y-evenc/27994-manifestazions-atuales#sigProId5e6ac567f0

y ert
21.-29.09.
Ena Culturela
L Istitut Culturel Ladin nvieia–deberieda al Museum Ladin–a n’ena dedicheda al’ert, ala mujiga, leteratura y lijëndes, dai 21 nchin ai 29 de setëmber tla Villa Freischütz a Maran.

04.10.
Mostra »De blòc y de ntorc«
Tl Café Surëdl a Urtijëi vëniel metù ora na mostra dal titul »De blòc y de ntorc«, cun chedri de Erich Mussner, Livio Comploi, Flavio Prinoth y Georg Demetz. La giaurida dla mostra ie ai 4 de utober dala 16:00. N puderà sambën mo ti cialé nce daldò, ntan i orares de giaurida, dal lunesc nchin al vënderdi, 09:00–19:00.

Atualmënter
L Verzon de Eden
L Circolo–Lia Mostra d’Ert nvieia ala mostra »Garden of Eden« de Maylis Paris y Lauréane Guerin, che resterà da udëi nchin ai 4 de utober, dal merdi nchin la dumënia dala 16:00 ala 19:00, de sada y dumënia sëuraprò nce dala 10:00 ala 12:00. De lunesc iel stlut.

Atualmënter
Andreas Linder: Surfaces, digitally entangled
Tl Tublà da Nives te Sëlva iel da udëi chësta mostra de Andreas Linder, che resterà davierta nchin ai 29 de setëmber, uni di ora dl lunesc dala 16:00 ala 19:00.

Atualmënter
Sprotte tl Museum Ladin
Tl Museum Ladin Ciastel de Tor él da odëi cina ai 30 de setëmber la mostra »Siegward Sprotte. Nord süd, la geografia dl’ert«.

Atualmënter
Mostra: »Countdown to mass extinction?«
Le Museum Ladin inviëia da jí a ti ciaré ala mostra speziala »Countdown to mass extinction?«, che é da odëi fina ai 3 de novëmber tl Museum Ciastel de Tor. La mostra se dá jö cun la plü gran estinziun de massa tla storia dla tera, en relaziun cun la crisa climatica da sëgn.

Musiga
28.09.
Conzert de Whyamelie
En sabeda ai 28 de setember da les 14:30 ló dal refuge Roda de Vael l é l conzert de la joena ciantarina Yasmine Di Cataldo che mesceida l’eletronica con la ciantia populèra. Chest conzert fèsc pèrt de la seconda edizion de la rassegna »Cime–Un festival altissimo«.

29.09.
Cianté y soné sön munt
I apuntamënc cun le »Cianté y soné sön munt« tl’Alta Badia vá inant. En domënia ai 29 de setëmber dales 13:30 inant sona tla ütia Franz Kostner sön Valun le cor de ëres »Philía«, che cianta suradöt musiga ritmica, mo ince tradizionala.

29.09.
Roberto Vecchioni sun Duron
En domenia ai 29 de setember da les 14:00 sun Duron se sera su i apuntamenc de ‘I Sons de la Dolomites’ col conzert del ciantautor, poet e scritor Roberto Vecchioni.

Referac
30.09.
Singing Pool
La Lia Gaia nvieia a chësta manifestazion de mujiga, n lunesc ai 30 de setëmber dala 20:00 tl local Matada tla Cësa di Cungresc a Urtijëi. Deberieda uniràl ciantà spontanamënter - zënza notes o cianties dates dant - per descuvrì usc, ritm y muvimënt y l mond dl’impruvisazion. La manifestazion cun i referënc Eveline Jess y Andreas Delago ie per duc y dutes, dai 18 ani insù. L sarà de ndut sies ancuntedes, for de lunesc dala 20:00: 30.09.,07.10, 21.10, 04.11, 18.10, 02.12.  La prima sëira ie debant. Daldò: priesc per cumëmbri: 58 €; per chi che se scrij ite nchin ai 30.09: 40 €.

Religion
27.09.
Prozesciun di ëi y jogn a Oies
La uniun di ëi dl Decanat Val Badia inviëia düc i ëi y jogn da tó pert ala prozesciun cun linternes, da dlijia de Badia cina sö Oies, incö vëndres ai 27 de setëmber dales 19:30. Al é da se tó para na linterna o na ciandëra.

28.09.
Imparé a conësce la dlijia d’Al Plan
Le Consëi de formaziun d’Al Plan inviëia en doman sabeda ai 28 de setëmber dales 16:00 te dlijia d’Al Plan, por imparé a conësce damí la bela dlijia. La vijita gnará condüta dala esperta d’ert Danila Serafini. Ara é por talian.

Segres y festes
28.09.
23ejima festa di Ladiner
Ai 28 de setëmber dala 12:00 nchin la 21:00 sun Plaza de Chemun de Sëlva. Chertes danora sun www.dieladiner.com.

Sozieles
Atualmenter
Mostra sul Alzheimer a Poza
L Servije Sozio-Assistenzièl del Comun General de Fascia, adum col Comun de Sèn Jan, à endrezà la mostra de fotografies en bianch e neigher ‘quotidiani paralleli’ de Luca Chistè enlongia ruf de Sèn Nicolò a Meida che se pel veder enscin ai 16 de otober. Chiò l é ence la spazirèda ‘Amica de la Persones con Demenza’ con segnèi e banches aldò fates da la Coprativa Oltre.

Atualmënter
Bancarela dl mangé a Badia
La bancarela dl mangé é daverta vigni secunda jöbia, dales 9:30 ales 10:30. Le proscim termin é ai 10 de otober. Al vëgn dé fora da mangé a dötes les porsones dla Val Badia che á debojëgn.

27.09-05-10.
Setemèna del azet te Fascia
Dai 27 de setember ai 5 de otober te la Setemèna del azet apuntamenc di Servijes Sozièi del CGF. Ai 2 da les 15:00 te gejia de Poza messa e benediscion di giaves e do laboratorie ‘Jione a tria?’; ai 3 da les 17:00 te CGF scontrèda ‘fèr comunanza’ col dr Francesco Brunori; ai 4 da les 16:00 a Poza te Oratorie ativitèdes con la sociazion ‘Tango al buio’’, la coa di picoi de Soraga e la scolines.

Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani de Gherdëina a se nuzé de chësc servisc che vën pità uni merdi dala 12:00 ti trëi luesc de Gherdëina (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 333 7877095 (Marisa), per S. Cristina l 333 1499949, per Sëlva l 335 6558633.

Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).

Teater
27.09-05-10.
Setemèna de l’acolienza te Fascia
Tel chèder de la Setemèna de l’acolienza di Servijes sozièi del CGF dai 27 de setember ai 5 de otober vegn endrezà doi momenc de teater. Insnet, vender ai 27 de setember da les 20:30 te teater del Oratorie de Poza l é I Bontemponi con la comedia »Al piec no l é mai fin«; en sabeda ai 5 de otober da les 20:30 te teater de Navalge l é l spetacol »Feisbucsister show« con la Filo de Laives.

Temp Lede
Atualmënter
Culinarium Urtijëi
Urtijëi ie cunesciù nce per si gran varietà culinaria. Dai 22 de setëmber inant, nchin ai 13 de utober, piterà i restauranc cëines rafinedes, spëisa tradiziunela de Südtirol o ladina, ma sambën nce spëisa dla Talia y pizza. La strutures che fej pea ie: Costamula Restaurant, Restaurant Pizzeria Mauriz Keller, Stua Catores, Restaurant Tubladel, Hotel Genziana, Ustaria Da Checco, Café Restaurant Val d’Anna, Zicoria Brasserie, Restaurant Pizzeria Lamm, Restaurant Mont Sëuc.

Atualënter
Cërtl de letura cun Nicoletta
Tla biblioteca de San Durich a Urtijëi vëniel liet deberieda l liber de Francesca Melandri, »Piedi freddi«, uni lunesc dala 18:00. L cërtl ie debant y duc possa fé pea.

28.09.
Festa dla castanies
L VKE nvieia duta la mutans y i duc mutons ala festa dla castanies cun juesc y devertimënt. N sada domesdì ai 28.09. dala 14:00 nchin la 17:00 sun la plaza dai juesc dan la scola elementera de Urtijëi.

01.10.
Balé cun mujiga da dut l mond te Sëlva
L KVW Sëlva nvieia a chësta manifestazion cun la referënta Gabriella Senoner, ai 1. de utober dala 09:30 inant tla Pitla Sala dla Cësa di Cungresc te Sëlva. Per nfurmazions y per se scrì ite: Lidia, 340 5170711.

01.10.
Balé cun mujiga da dut l mond a Urtijëi
L KVW Urtijëi nvieia a chësta manifestazion cun la referënta Gabriella Senoner, ai 1. de utober dala 17:00 inant tla sala de Calonia a Urtijëi. Per nfurmazions y per se scrì ite: Gabriella Senoner, 329 0694818.

04.10.
Stories de 15 menuc per mutans y mutons cun Erica
N vënderdi ai 4 de utober dala 15:00 tla biblioteca de San Durich a Urtijëi.

06.10.
Sëira de karaoke
La grupa de mujiga Hosianna nvieia ai 6 de utober dala 17.00 inant a na sëira de karaoke tla Sala di Jëuni »Fun & More« te Sëlva. Ma ucajion per cianté cianties deberieda y se devertì cun mujiga. Unide duc!

Atualmënter
Saus dl altonn tl’Alta Badia
Tl’Alta Badia vëgnel metü a jí cina ai 6 d’otober l’iniziativa Saus dl altonn, che valorisëia i produc locai, les munts y la natöra. Ai 26.09. pro la Ütia de Bioch sarál le produtur adöm al cogo dla ütia che presënta le produt y le taí, pitan n’esperiënza particolara.

27.09.
Le flus »Jin Shin Jyutsu« (JSJ)
Le Consëi de Formaziun Corvara mët a jí en vëndres ai 27 de setëmber dales 20:00 na serada te biblioteca a Calfosch, olache ara nen vá de Jin Shin Jyutsu, na tecnica de armonisaziun milenara. Referënta é Sabine Bampi che pratichëia le JSJ, invermiera y formada tla cura paliativa.

30.09.
Escurjiun sura i pra y le sié
Tla cornisc dla iniziativa »Atira« vëgnel tigní en lönesc ai 30 de setëmber na escurjiun olache an pó imparé deplü sön i pra y sön co che ai vëgn siá y mantignis. L’escurjiun cun Gottfried pëia ia dales 9:30 pro le Lüch da Murin a Badia. Iscriziuns online o ti ofizi turistics dl’Alta Badia.

02.10.
»Balé

• 
•  

View the embedded image gallery online at:
https://www.lausc.it/manifestazions-y-evenc/27994-manifestazions-atuales#sigProId5e6ac567f0

tl cërtl« a La Val
Le KVW y le Consëi de Formaziun da La Val mët a jí 10 incuntades de 1,5 ores por balé tl cërtl y line danc, te n’atmosfera ligherzina y cun musiga plajora. Referënta é Giovanna Moling. La pröma incuntada é ai 2 d’otober y an s’incunta spo tres de lönesc, tl pice salf de Comun a La Val. Le pröm grup dales 8:30, le secundo grup dales 15:00. Infos y prenotaziuns pro Giovanna al 338 1249472.

Chino
Atualmenter
Al chino de Tieser
Anché vender ai 27 de setember da les 21:15 l é l film dramatich »Vermiglio«, sabeda ai 28 da les 17:15 l é »Beetlejuice Beetlejuice« e da les 21:15 l é »Ricomincio da Taaac« che vegn moscià ence en domenia ai 29 da la medema ora enveze da les 16:00 l é »Cattivissimo me 4« al cost de 5 euro e da les 18:15 l é »Vermiglio«. En jebia ai 3 de otober da les 21:15 l é »L’innocenza«, en vender ai 4 da les 21:15 l é »Joker folie à deux«. Program su www.cinematesero.com.

Sport
28.09.
Ladinia Cup Memorial Gino Comelli
Doman, sabeda ai 28 de setember jun Ischia de Ciampedel ló da la palestra ADEL vegn endrezà la Ladinia Cup Memorial Gino Comelli, na garejèda de rampinèda resservèda ai sozi socoridores de la stazions del Socors da Mont de la valèdes ladines. Da les 9:30 desmostrazion de la vies, da les 9:45 vies de califica, da les 15:30 finèla e sobito premiazions.

29.09.
FC Gherdëina vs. Riffian Kuens
La partida de juech al palé de campiunat de prumozion »Landesliga« sarà ai 29 de setëmber dala 15:30 tl zënter sportif Mulin da Coi.

28.09.
Studafech Cianacei Running
En sabeda ai 28 de setember l grop de Studafech de paisc endreza l prum Studafech Cianacei Running, na garejèda resservèda ai studafech che cogn fèr n percors a pe con bombola e autorespirador. Te piaz Marconi da les 13:00 vegn avert l ofize gara, da les 16:00 ponta via i atlec, da les 19:00 cena te caserma e do premiazions e musega con DJ Annis.

29.09.
Vertical Bufaure
En domenia ai 29 de setember, tel chèder del zircuit FFB Fiem Fascia Biois 2024, la coprativa sozièla INOUT endreza l Vertical Bufaure. I atlec ponta via da la partenza del impiant sa Meida da les 10:00 e i rua fin sal refuge La Bolp sun n percors de 1 chilometer e dislivel de 700 metres. Sun Bufaure vegn endrezà ence la garejèda per bec e joegn dal 2016 al 2009. Info su www.inoutfassa.com/vertical.

Radio
LADINIA LIVE: microfons davierc sun atualità y cultura
Da aldí vigni mertesc y mercui da les 13:45 ales 14:00

Mercui, ai 02 de otober da les 13:45
La marcia dla eles
Ai 5 de otober a Busan vegn metù a jir la 4. Marcia dla Eles per desceder e sosceder maora averda a la jocatanta desvalivanzes anter ei e eles te vigni setor dla vita. Aldò del World Economic Forum ge volarà 5 generazions dant de ruer a na valivanza anter ei e eles se ben che i obietives Onu 2030 mete la valivanza sche pont fondamental per n svilup sostenibol. Con la Marcia dla Eles se vel der n segnal fort contra vigni sort de descriminazion e violenza contra la eles olache i feminizidies (un vigni 60-72 ores) é demò la ponta de l’iceberg. Ativistes feministes che laora te desvalives setores se à endrezà per viventer la scomenzadiva envían dutes e duc a tor pèrt a la Marcia e der ousc a la ghiranzes politiches per na sozietà miora. En rejonon con Anna Mazzel de team d’endrez, conduzion Cinzia Pistoia

La trasmiscion “DAI CRËPS DL SELA”
Da audì uni di dala 19:05 ala 19:30 sun la frecuënzes de RAI LADINIA

Vender, ai 27 de setember da les 19:05
La ntendënta Edith Ploner ie jita n pension
Per 43 ani alalongia à la dut.ra Edith Ploner da La Val laurà tl mond dla scola ladina y chël te deplu funzions; n iede sciche nsenianta, pona diretëura y ispetëuta dla scolines y dal 2018 incà ntendënta ala scoles ladines. Cun la fin de agost de chëst ann – do n percurs prufe-sciunel lià ala scola ladina sciche mo deguni dan ëila – iela jita n pension. Te chësta ntervista nes contela no mé de si speriënzes ma nce de coche l mond scolastich y la cultura se à svilupà te duc chisc ani auzan ora la fertuna de avëi l sistem paritetich y l plurilinguism per nosc sculeies y ciunes che sarà la ndesfidedes per l daunì. Trasmiscion de Stefano Zanotti

Sabeda, ai 28 de setember da les 19:05
Momënc de vita: intervista a Bernardetta Nagler
Bernardetta Nagler é nasciüda a La Val, olache ara vir ciamó aldedaincö. Bernardetta nes cunta de canche ara ê möta, dla scora elementara, dla mesana y spo de süa dezijiun da jí a fá la scora alta a Maran por deventé maestra. Implü nes cuntera de süa esperiënza sciöche maestra dla scora elementara y de sües pasciuns, la musiga y dantadöt le teater. N program de Erika Castlunger

Lunesc, ai 30 de setember da les 19:05
Chemun de Urtijëi – atività y proiec
Cun l ambolt de Urtijëi Tobia Moroder tulons sot al udlon l’atività dla publica aministrazion dl majer luech de Gherdëina, cun atenzion particulera ai proiec plu mpurtanc dl mumënt y tl daunì. Program de Leo Senoner.

Mercui, ai 02 de otober da les 19:05
Cuartet leterar: “Fö – Zernezer Feuer”
Le cuartet leterar cun la conduziun de Rut Bernardi y i scritëures Roland Verra, Ingrid Runggaldier y Mateo Taibon trata dl’autora Selma Mahlknecht y de si roman “Fö – Zernezer Feuer” „L fuech de Zernez«. N program de Rut Bernardi, a cura de Anna Mazzel

Juebia, ai 03 de otober da les 19:05
Ala tüa!
»Vives, i boiun a tüa sanité!« Cun chësta aodanza nes sozedel plü gonot da sté adöm en compagnia de n bun gote. Mo ci pón pa definí avisa na buna boanda, che sides ince sana por nosta sanité? Dl bëre nes cunta te chësc program la consulënta por l’alimentaziun Ivonne Daurú. N program de Sara Frenner
Informaziuns plü menüdes sön i programs radio y televijion de RAI Ladinia pôn ciafè sön www.raibz.rai.it – Sun l medem sit i programes TV sarà da vedei sota “Mediateca” y les trasmiscions radio sota “Podcast”.

Televijion
Mertesc, ai 01 de otober da les 20:50 ca
Arpejuns: Museum da Fodom
Program de Giulia Tasser, camera y tai de Jan Piere Karbon, a cura de Alessandro Dapunt

Mercui, ai 02 de otober da les 20:50 ca
Eie e spieie: Svilup del teritorie con coluna mesura?
Te nosc raion l é ben segur de valuta che vegne porté inant projec che vèrda al svilup del teritorie. Ma con coluna mesura? Ruone a meter adum l progres co la sconanza de l’ambient e de noscia reijes? Te chesta puntata de Eie e Spieie fajon n saut te Gherdena, olache proaron a fèr lum su la costions più ferses. Program de Cinzia Pistoia, a cura de Anna Mazzel

Juebia, ai 03 de otober da les 20:50 ca
Scenar ert y cultura: Leo Moroder Montblanch – De Cater
Cun passa 86 ani ie bera Leo Moroder Montblanc for mot atif. Te si berstot ti val do a n proiet, che l zidla ntant bele da truep ani incà: fé na cripl a mesura de persona. Ma dlongia l ziplé à l artejan mo truep d’autri nteres, coche per ejëmpl la rujenedes. La grupa De Cater cianta melodies che va a se adaté a uni situazion. La grupa da Bula se caraterisea dantaldut per si armunia y per si tenì adum. For inò les auden ciantan pra manifestazions d’uni sort, nce sëura i cunfins de nosta valeda. Program y cunzet: Ivan Senoner, tai: Hans Peter Karbon, a cura de: Leo Senoner