La Usc di Ladins

Bun de Oscar, poste te presenté en cört dan nüsc leturs y nostes leturies?
I á inom Oskar Nagler, i sun da La Ila y ai 23 d’agost ái complí 57 agn. Te mia vita ái fat le feur cina 35 agn, canche i á spo ciafé la diagnosa dla sclerosa multipla. Dan dala maratia jôi tröp y ion sö por munt.

La munt é tüa gran pasciun. Poste nes cunté deplü ?
La pasciun por la munt á metü man a 25 agn. Dailó jôi tröp sö por munt d’isté y d’invern cun les pels y vignitan sö por val’ dla­ciá. Tla munt y amesa la natöra me sál bel y la faszinaziun che chësta dimen­jiun á por me, s’á mantigní tl tëmp. Ince sce i sun sëgn limité, me godi i momënc te chi che i pó me dé jö cun la natöra, ince ma tres la letöra o ciaran docu­mentars. I vá tres ciamó ion tla natöra, pro val’ ütia, sce valgügn me condüj cun i mesi. Chisc é dër de bi momënc! En gran pert sunsi dër contënt de ci che i á fat. Y chësc é na cossa che i oress ti mëte a cör a vignun: madër jí cina ch’ara vá!

Él ince val’ munt o piza che te plej plü co dötes les atres?
I dijess che chësta é por me Sas dla Crusc. Dailó jôi gonot d’in­vern cun i schi. (MO)

De plu tla edizion stampeda de La Usc di Ladins o sun l e-paper a paiament www.lausc.it/e-paper