La Usc di Ladins

L Fascia Falcons no jiarà più l campionat 2024/25 te la Alps Hockey League, ma l farà pèrt de la Ice Hockey League, ensema con autres 12 squadres de la Tèlia. Aldò de chest vèrech dezidù da la sozietà fascèna l alenador Anders Eriksen, che aea sotscrit l contrat per doi egn, l à lascià sia encèria te val e l post de head coach ge é stat dat a n om che fèsc pèrt de la sozietà da beleche 50 egn, dant desche jiador e dapò desche alenador: Luigi (Gigi) Marchetti. Da el se aon fat contèr la neves e coche l se enjigna al campionat, che pearà via ai 21 de setember.

Co aede tout su chesta neva encèria de head coach di Fascia Falcons?
“Canche Roberto [l president Ongari, ndr] me à dit che aesse podù esser gé l capo alenador, é proà doi sentimenc desferenc: da na man segur la gaissa, ence l orgolie de chest ruol scì emportant, te n sport che é semper abù tel cher e per na sozietà olache son cresciù e stat per na vita; da l’autra la tema e l peis de chesta gran responsabilità. Cogne dir sobito che é la fortuna de aer a me didèr Martino Soracreppa, che l é un che sà veder e capir l jech, l veit i jiadores e ence robes che no duc i é bogn de veder e magari nience gé, donca l aer apede per me l é na segureza, e dapò a ne didèr sarà ence Toni Gagliardi che l à fat esperienzes de aut livel e dapò l é stat per doi egn responsabol de la squadres di joegn del Fascia.“

Duta l'intervista é su La Usc stampèda de en vender ai 30 de aost.  (Lucia Gross)