La Usc di Ladins

En domenia ai 25 de aost se à dejout ta Dèlba la 47^ edizion del Trofeo Contrin: venjidores assoluc l é stat Alberto Della Pasqua (28’18’’) per i ic e per la eles Livia Failoni (41’59’’). »L é stat na dì con bon temp e ciaut e l era da tant che la spetaane; enstouta l é stat più jent che i egn passé a tor pèrt«, chestes la paroles de Giorgio Debertol de la utia Contrin che à endrezà la garejèda ensema con sia fia Francesca, che l’à jontà ite »Acà doi egn, se aane descedà con la neif e segur l é stat na bela dì«.

Aboncont, l é stat n centené de atlec che en domenia dadoman i é ponté demez dal piazal apede la forenadoa de Ciampac. L percors, desche zenza, l era lench entorn i 6 chilometres, fin lo da la utia, per n dislivel positif de presciapech 500 metres.

I resultac di miores fascegn su La Usc stampèda de vender ai 30 de aost.  (Nicoletta Riz)