La Usc di Ladins

Ntan i ultims doi fins dl'ena à n valgun atlec di Gherdëina Runners fat pea pra garejedes oradecà y nce pra na manifestazion de sauté.
Ai 27 de agost iel stat la garejeda UTMB (»Ultra Trail du Mont Blanc«) tla Franzia. Chësta ie una dla garejedes plu cunesciudes y sfadiëuses tl'Europa y à monce de plu trasses, de longes y de manco longes. Pra la trassa da 14,8 chilometri cun n deslivel de 1.170 metri – la plu curta de dutes – à fat pea n atlet y n'atleta di Gherdëina Runners.
Alex Oberbacher à arjont l 12ejim plazamënt cun n tëmp finel de 1:29.53 y ie nscila ruvà terzo di talians.
Danter i 6 y i 8 de setëmber fòvel i campiunac dl mond de sauté da mont su »Skyrunning World Cham- pionships« a Soria tla Spania. Pra la garejeda tla categuria vertical, cun na lunghëza de 4,8 chilometri y n deslivel de 1.050 metri, à fat pea Alex Oberbacher, che ie ruvà terzo.

Per i Gherdëina Runners, Manuela Perathoner

L articul ntier tla edizion nueva de La Usc di Ladins de n vënderdi ai 13 de setëmber.