La Usc di Ladins

L é stat na bela edizion la numer 22 de la Marcialonga Running Coop, che en sabeda ai 7 de setember à portà a se endesfidèr sui doi desvalives percorsc da 26 e 21 chilometres ben 1600 coridores.

N mont de atletes e atlec à empienì de gaissa e color via per l domesdì l Piaz de Ramon a Moena, chiò da mesa les 5 l é stat dat l via e duc é peé demez coran envers Pardac, e dapò Juan e fora e fora enlongia la Veisc e l stadie del paslonch de Lago de Tieser per ruèr al travert.

Al zil di 26 chilometres de Via Bronzetti fora Ciavaleis i prumes a ruèr l é stat trei atlec che rejonèa swahili: Castor Omwena Mogeni e tedò etres doi kenians: Abraham Ebenyo Ekwam e Dennis Cox Lopua. Al 5° post l prum di taliegn, Peter Lanziner da Trodena.

Venta africana ence anter eles, con Ann Nyaguthie Ndichu che se à lascià tedò la vicentina Debora Sartori e Greta Haselrieder del Sudtirol, e per la stafetes prum post per l favorì ‘Team Coop Norway’.

De più con foto Newspower e classifiches su La Usc stampèda de vender ai 13 de setember.   (LG)