La Usc di Ladins

Nia da far chesta outa per l Fascia Balon che, do aer venciù en Copa en mercol ai 4 contra l Giovo per 1 a 0 con gol de Gabriele Riz, l à perdù en domenia ai 8 sul ciamp de Cotura contra l Mezzocorona.

 Ti prumes menuc la partida la é stata jiada fora tel mez del ciamp, zenza che sie ocajion da nonzech da na man o da l’autra.

Al 20’ rua l gol del Mezzocorona, co na trata da tanche fora da l’area de rigor che fenesc apede al remenat a dreta del portier fascian. Trottner e compagnes no cusa l colp e i proa sobito a drezar la endesfida: 5 menuc do rua l gol de la parità co na trata da cet dai 25 metres de Massimo Lorenz de Meca, che fenesc te sach do aer tocià la part bassa del remenat aut. 

De più con classifica e resultac de la squadres mendres su La Usc stampèda de en vender ai 13 de setember.  (Pierpaolo Rasom)