La Usc di Ladins

Enstadì se à slarià fora anter i amisc na bela neva: Andrea Rizzi da Vich l’é doventà notar. Na neva de gran valuta ajache dò da sie giaf, Giovanni Rizzi de Poldin te val no l’era più stat n notar fascian. Andrea l ge é jit dò a le pedie ‘de ciasa e del cher’.

Andrea Rizzi l’é n muie cognosciù te paìsc e te duta la val percheche l se à dat jù tel temp te n muie de setores: da l’aministrazion de Comun al Comitat manifestazion, a la Gejia, a la Comiscion decanala per la cultura. L percors per doventar notar l’é lonch, empegnatif e n muie seletif, i numeres di candidac che passa l’ejam de Stat dasc conferma. Per chest la é amò più grana la legreza per chest sie resultat emportant, frut de egn de studies e de dedizion. Andrea Rizzi à tout sù la ritajon de sie giaf Giovanni, rejon de orgolie per sie paìsc e per la val entrìa.

L ne à contà dut te l'intervista che se pel lejer su La Usc stampèda de vender ai 19 de mèrz 2021.  (Monica Cigolla)