La Usc di Ladins

La é ruèda a la terza edizion la rassegna »Se cognoscione?« de la biblioteca de Cianacei. Na lingia de scontrèdes pissèdes dal bibliotecarie Daniele Verra per la jent del post e con la jent del post, per cognoscer da vejin persones e fac de noscia tera.
Chest'outa i apuntamenc en program i é cater e l prum l é stat en mercol ai 23 de otober. Te chesta ocajion la protagonista l é stat Radio Studio Record, la ousc de Fascia, contèda travers i recorc del patron storich Francesco Mazzel, del diretor responsabol Giorgio Pedron e del nef patron Filippo Debertol.
Dantfora Daniele Verra à prejentà la scontrèdes che à l obietif de fèr cognoscer la storia, ma de aer n eie ence envers l davegnir. Prejent te sala de Consei de Comun de Cianacei ence l ombolt Giovanni Bernard che ge à fat i complimenc e l à rengrazià Verra per aer endrezà endodanef la rassegna che met dant ocajions emportantes per nos per se cognoscer miec.
Francesco Mazzel à desmenà ju l fil di recorc de na storia longia beleche 42 egn...

De più su La Usc stampèda de en jebia ai 31 de otober.  (Monica Cigolla)