La Usc di Ladins

La gran stlüta por le coronavirus y le spostamënt dles lites aministratives de comun da ma 2020 a altonn 2020 á porté pro a Corvara y Calfosch n smendrimënt dl interes da candidé por le consëi de comun y le pröm scagn di zitadins.
A chësa manira s’á presenté ti ofizi de comun ma plü na lista sora y n candidat a ombolt su, sot le blasun dla SVP–Südtiroler Volkspartei cun la scrita "Calfosch Corvara Pescosta". La lista á 15 candidac, chël ó dí che cun na usc sora é vigni candidat te consëi de comun y Robert Rottonara indó ombolt. Söla lista án mancia almanco 1 rapresentant/a di paurs, ci che podess indeblí les rajuns y la compartezipaziun de na categoria tradizionala importanta por la sozieté, la cultura y la contrada!