La Usc di Ladins

Julia Moling á 24 agn y é da La Val. Dl 2019 ára metü man da jí cun le iat dala nëi, adöm cun so fre y cun so chestian. Al n'é nia tröpes ëres che fej chësc laur y tl pröm ne él nia sté tan saurí da se confronté cun colegs, che aratâ che na ëra ne foss nia buna da rovëne n iat dala nëi. Mo ai á messü mudé süa minunga: Julia sá da fá so laur, al ti sá bel y ara le fej cun ligrëza.
I l'ún incuntada y ti ún fat n valgönes domandes:

La Usc: Julia, can y co é pa nasciüda l'idea da jí cun le iat dala nëi?
Julia: Auti y mascinns me á dagnora plajü. Mi fre jô bele cun le iat dala nëi y mi chestian â ince metü man; i ê jüda n valgügn iadi impara, spo m'ái ponsé che al m'ess ince salpü bel a me da rovëne n iat.

Ci scores aste pa fat?
Do la mesana ái fat trëi agn la scora da cöga a Porsenú. I sun jüda a lauré tla ciasadafüch de n hotel, mo i á atira capí che al ne ê nia le mistier che i orô fá. Dedô ái porchël impó ciamó lauré n valgönes sajuns sciöche chelnera te na ütia.

Tan dî vaste pa bele cun le iat dala nëi?
I á metü man dl 2019, dl 2020 sunsi jüda cina de merz, l'ann passé é la sajun tomada fora y iniann él la terza sajun che i vá cun le iat dala nëi.


Deplü t'La Usc di Ladins da en vëndres ai 25 de forá.   (kp)