La Usc di Ladins

Katharina, »Katy«, Moling á davagné le concurs por l'inciaria da direturia dl Museum Ladin y chisc dis ára scomencé chësc laur nü; por ëra na desfida importanta dal punt de odüda personal y profescional. Katy Moling, che á stlüt jö le stüde d'ert tl université de Padua y spo n master te storia dl'ert tla Université da Viena, laora bele da dodesc agn incá tl Museum sciöche responsabla de proiec y de didatica. Te süa cariera ára ince organisé y curé de plü mostres de artisć dl post y da foradecá, sides tl Museum co por l'Istitut Ladin Micurá de Rü y por la mostra alaleria de land art SMACH. Te chësta intervista nes cuntera de sü obietifs y traverc y de ci che ara se aspeta y se aoda por le dagní dl Museum.

Katharina, t’aspetâste personalmënter da gní nominada por chësta inciaria y co aste pa tut sö chësc laur nü?
Al ê n concurs publich a chël che düc/dötes che â i recuisic podô tó pert. I toli sö ion chësta inciaria sciöche desfida profescionala y personala.

Tö laurâs bele denant tl Museum, co se müda pa to laur sëgn che t’es a ce de chësta istituziun?
Sc’i ciari zoruch al pröm de dan da dodesc agn, canche i sun gnüda da porta dl Museum ite, spo vëighi sëgn dessigü n gran travert arjunt. Al se deura por me na oportunité da mëte man n percurs nü, da crësce inant adöm cun döt le team dl Museum y da imparé da surantó plü responsabilités, tó dezijiuns y surantó compic nüs tl ciamp dl’aministraziun.

Döta la intervista podëise lí t’La Usc di Ladins di 4 de novëmber  (Intervista: Katia Pizzinini)