La Usc di Ladins

Trëi é les uniuns dl teater che ralegrëia chësc altonn tla Val Badia. Öna é ince la Uniun Teater La Pli, che á albü en sabeda la premiera dl teater popolar te trëi ac "Na frizia de fortüna", tut dal toch original "A Zipferl vom Glück" de Ulla King. Franz Rigo, che an á gonot odü sön paladina sciöche joblere aprijé, á en chësc iade surantut la regia dl toch, y ël â bele i agn Nonanta fat la traduziun de chësc toch, che gnará porté dant ciamó n valgügn iadi tla Ciasa dles Uniuns. Al é n "teater ligherzin", sciöche le regist instës ti dij. N toch olache al ne mancia nia i momënc de gran umor, mo ince n toch olache al vëgn traté tematiches che ê atuales laota y magari incö ciamó deplü.

Deplü sön le teater a La Pli podëise lí t’La Usc di Ladins. Le toch vëgn ciamó porté dant ai 16 y 23 de novëmber dales 20:00 y la domënia ai 17.11. dales 3 domisdé.   (pablo)